റൊമാന്‍റിക് ചിത്രമായ കുച്ച് കുച്ച് ഹോതാ ഹേ ഇറങ്ങിയിട്ട് കഴിഞ്ഞ ദിവസം 25 വർഷം പൂർത്തിയായി. ഷാരൂഖ് ഖാൻ, റാണി മുഖർജി, കജോൾ എന്നിവരാണ് ചിത്രത്തിൽ പ്രധാനവേഷത്തിലെത്തിയത്. എന്നാൽ ചിത്രത്തിന്‍റെ സംവിധായകൻ കരൺ ജോഹർ നൽകിയ ഒരു അഭിമുഖത്തിൽ സിനിമ എപ്പോഴെങ്കിലും റീമേക്ക് ചെയ്താൽ താൻ അഭിനയിക്കുന്ന താരങ്ങളെ കുറിച്ച് തുറന്നു പറഞ്ഞു.
അഞ്ജലിയുടെ വേഷത്തിൽ ആലിയ ഭട്ടിനെയും ടീനയുടെ റോളിലേക്ക് ജാൻവി കപൂറിനെയോ അനന്യ പാണ്ഡേയെയോ അവതരിപ്പിക്കുമെന്ന് കരൺ പറഞ്ഞു. രാഹുലിന്‍റെ കഥാപാത്രത്തിനായി ജോഹർ തിരഞ്ഞെടുത്തത് രൺവീർ സിങ്ങിനെയാണ്.
ഷാരൂഖ് ഖാൻ, റാണി മുഖർജി, കജോൾ എന്നിവർ പകരം വയ്ക്കാൻ കഴിയാത്ത അഭിനേതാക്കളാണ്. എന്നാൽ ഇങ്ങനെയൊരു സാങ്കൽപ്പിക സാഹചര്യത്തിൽ ആലിയ ഒരു മികച്ച അഞ്ജലി ആയിരിക്കുമെന്ന് ഞാൻ പറയും. ഒരുപക്ഷേ, ജാൻവിയോ അനന്യയോ ഒരു മികച്ച ടീനയായിരിക്കാം. രാഹുൽ കടുപ്പക്കാരനാണ്, ഒരുപക്ഷേ രൺവീർ സിംഗ് അതിലേക്ക് നന്നായിരിക്കും’ എന്നും കരൺ വ്യക്തമാക്കി.
1998-ൽ പുറത്തിറങ്ങിയ കുച്ച് കുച്ച് ഹോതാ ഹേയുടെ രചനയും സംവിധാനവും കരൺ ജോഹർ നിർവഹിച്ചു. ഇന്ത്യയിൽ നിന്ന് 80.12 കോടി രൂപ കളക്ഷൻ നേടിയ ചിത്രം ലോകമെമ്പാടും 1 ബില്യൺ കടന്നു. 1998-ൽ ലോകമെമ്പാടും ഏറ്റവും കൂടുതൽ കളക്ഷൻ നേടിയ ബോളിവുഡ് ചിത്രമായി ഇത് മാറി.
