തൃശൂർ: ഗുരുവായൂരപ്പന് സമ്മാനമായി 12 പവന്റെ രണ്ട് സ്വർണ മാലകൾ സമർപ്പിച്ച് കാരക്കാട്ട് റോഡ് ശ്രീനിധി ഇല്ലത്ത് എ. ശിവകുമാറും കുടുംബവും. ലക്ഷ്മിദേവിയുടെ രൂപം ആലേഖനം ചെയ്ത് മുത്തുകള് അടുക്കുകള് പോലെ ചേര്ത്ത ലോക്കറ്റോടു കൂടിയ 57 ഗ്രാമിന്റെ സ്വര്ണമാലയും ഗണപതി രൂപം മുദ്രണം ചെയ്ത ലോക്കറ്റോടു കൂടിയ 41 ഗ്രാമിന്റെ മറ്റൊരു മാലയുമാണ് സമര്പ്പിച്ചത്.
ക്ഷേത്രം ഡപ്യൂട്ടി അഡ്മിനിസ്ട്രേറ്റര് പ്രമോദ് കളരിക്കല് വഴിപാടുകാരില് നിന്നും മാലകള് ഏറ്റുവാങ്ങി രസീത് നല്കി. നേരത്തെ വജ്ര കിരീടവും സ്വര്ണമാലകളും ശിവകുമാര് ഗുരുവായൂരപ്പന് സമര്പ്പിച്ചിട്ടുണ്ട്.
