പതിനഞ്ചുകാരിയായ മകളെ കാമുകന് നിരന്തരം കാഴ്ചവച്ച് യുവതിയെയും ഇവരുടെ കാമുകനെയും പോലീസ് അറസ്റ്റു ചെയ്തു. യുവതിയുടെ സഹോദരന്റെ പരാതിയെത്തുടര്‍ന്നായിരുന്നു അറസ്റ്റ്.
ചെന്നൈയിലെ മാടിപാക്കത്താണ് സംഭവം. 36കാരിയായ യുവതിയാണ് തന്റെ മകളെ 32 വയസുള്ള കാമുകന് നിരവധി തവണ കാഴ്ച്ചവെച്ചത്. കാമുകന്റെ നിരന്തര ബലാല്‍സംഗത്തെത്തുടര്‍ന്ന് ഗര്‍ഭിണിയായ പെണ്‍കുട്ടി ഒക്ടോബര്‍ മാസത്തില്‍ പ്രസവിച്ചിരുന്നു.
കുറച്ച് വര്‍ഷങ്ങള്‍ക്ക് മുമ്പ് ഭര്‍ത്താവില്‍ നിന്ന് വേര്‍പിരിഞ്ഞ ശേഷം യുവതി, ചിത്രകാരനായ ശേകറുമായി അടുപ്പത്തിലായി. വീട്ടില്‍ പതിവായി സന്ദര്‍ശനം നടത്തിയ ശേഖര്‍, യുവതിയുടെ 15 വയസ്സുള്ള മൂത്ത മകളെ ലൈംഗികമായി ചൂഷണം ചെയ്യാന്‍ തുടങ്ങി.
പെണ്‍കുട്ടി തന്റെ അവസ്ഥ അമ്മയുടെ മുമ്പാകെ വിവരിച്ചപ്പോള്‍, നിശബ്ദമായി ”സഹകരിക്കാന്‍” ആവശ്യപ്പെട്ടു. കൗമാരക്കാരിയുടെ ലൈംഗിക ചൂഷണം ഗര്‍ഭധാരണത്തിന് കാരണമായി. സെപ്റ്റംബറില്‍ അമ്മ ഗര്‍ഭിണിയാണെന്ന് അറിയിക്കാതെ തന്നെ സഹോദരന്റെ വീട്ടില്‍ ഉപേക്ഷിച്ചു.
ഗര്‍ഭാവസ്ഥയെക്കുറിച്ച് പെണ്‍കുട്ടി അമ്മാവനോട് പറഞ്ഞു, തുടര്‍ന്ന് അമ്മയുമായി ബന്ധപ്പെടാന്‍ ശ്രമിച്ചെങ്കിലും വെറുതെയായി. തുടര്‍ന്ന് പെണ്‍കുട്ടിയുടെ അമ്മാവന്‍ മദിപാക്കം വനിതാ പൊലീസിനെ സമീപിച്ച് പരാതി നല്‍കി.
അമ്മാവന്റെ പരാതിയുടെ അടിസ്ഥാനത്തില്‍ കമിതാക്കള്‍ക്കെതിരെ പോക്‌സോ കുറ്റങ്ങള്‍ ചുമത്തി പൊലീസ് കേസെടുത്തു. പ്രതികളെ പിടികൂടാനുള്ള ശ്രമങ്ങള്‍ ആരംഭിച്ചു.
രക്ഷപ്പെട്ട കൗമാരക്കാരിയെ ഒരു പുനരധിവാസ കേന്ദ്രത്തിലേക്ക് മാറ്റി, അവിടെ ഒക്ടോബര്‍ മാസത്തില്‍ ഒരു കുട്ടിക്ക് ജന്മം നല്‍കി. കഴിഞ്ഞ ദിവസമാണ് പ്രതികള്‍ പിടിയിലായത്.
