പാലോട്: വസ്തു വീതംവച്ച് കൊടുക്കാത്തതിന് അമ്മയെ കൊലപ്പെടുത്താൻ ശ്രമിക്കുകയും കമ്പിപാര കൊണ്ട് കാല് അടിച്ചൊടിക്കുകയും ചെയ്ത മകനെ പാലോട് പോലീസ് അറസ്റ്റ് ചെയ്തു.
കുറുപുഴ പവ്വത്തൂർ ശാന്തി ഭവനിൽ ചന്ദ്രിക (63)നെ ആക്രമിച്ച മകൻ ശാന്തുലാൽ (42) നെയാണ് പോലീസ് അറസ്റ്റ് ചെയ്തത്.അമ്മയുടെ വക 60 സെന്‍റ് സ്ഥലം നേരത്തെ മകന് എഴുതി കൊടുത്തിരുന്നു.
ഇതുപോരെന്നു പറഞ്ഞായിരുന്നു ആക്രമണം. പാലോട് ഇൻസ്പെക്ടർ പി. ഷാജിമോന്‍റെ നേതൃത്വത്തിൽ എസ്ഐ നിസാറുദ്ദീൻ, ഉദയകുമാർ, രാജേഷ്കുമാർ എന്നിവരടങ്ങുന്ന സംഘമാണ് അറസ്റ്റിനു നേതൃത്വം നൽകിയത്.
മുമ്പും ഇയാൾ അമ്മക്കെതിരെ ഇത്തരം ആക്രമണം നടത്തിയിട്ടുണ്ടെന്ന് പോലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
