പുതിയ ചിത്രമായ ഒടിയന്റെ ലുക്കില്‍ ആദ്യമായി പൊതുവേദിയില്‍ പ്രത്യക്ഷപ്പെട്ടത് ആരാധകര്‍ ആഘോഷമാക്കിയിരുന്നു. കഴിഞ്ഞ ദിവസം ഇടപ്പള്ളിയിലെ മൈജി ഷോറും ഉദ്ഘാടനത്തിനാണ് മോഹന്‍ലാല്‍ നീല ടീഷര്‍ട്ടും കൂളിംഗ് ഗ്ലാസും അണിഞ്ഞ് എത്തിയത്. ഒടിയന്‍ ലുക്കില്‍ ശരീരഭാരം കുറച്ചും മീശയില്ലാതെയും എത്തിയ മോഹന്‍ലാലിനെ കാണാന്‍ വലിയ ജനക്കൂട്ടമാണ് രാവിലെ മുതല്‍ ഇടപ്പള്ളി ഷോറൂമിന് മുന്നില്‍ എത്തിയിരുന്നത്.
പരിപാടിക്കെത്തിയ ലാല്‍ കുടവയര്‍ പുറത്തുകാണാതിരിക്കാന്‍ ടീഷര്‍ട്ടിന് അടിയില്‍ ബെല്‍റ്റിട്ടെന്ന് സോഷ്യല്‍ മീഡിയയില്‍ പ്രചരണം ഉണ്ടായി. മോഹന്‍ലാല്‍ ബെല്‍റ്റ് ധരിച്ചിട്ടുണ്ടെന്ന് സൂചിപ്പിക്കുന്ന ചിത്രങ്ങള്‍ വ്യാപകമായി പ്രചരിപ്പിക്കപ്പെടുന്നുണ്ട്. അതിനിടയാണ് ആ ഫോട്ടോയില്‍ മറ്റൊരു ചര്‍ച്ച കൂടി നടക്കുന്നത്. മോഹന്‍ലാലിന്റെ വാച്ചാണ് ഇപ്പോള്‍ സോഷ്യല്‍ മീഡിയയിലെ താരം. മോഹന്‍ലാലിന്റെ തന്നെ സിനിമ ഡയലോഗിലെ കാര്‍ട്ടിയറല്ല വാച്ച് ലോകോത്തര കമ്പനികളിലൊന്നായ ഹുബ്ലോട്ട് ക്ലാസിക് വാച്ചുകളീലെ ഫ്യൂഷന്‍ ബ്ല്യൂ എന്ന മോഡലാണു മോഹന്‍ലാല്‍ കെട്ടിയിരുന്നത്. ഏകദേശം 7.61 ലക്ഷം രൂപ വരും വാച്ചിനു ഈ വാച്ച് കേരളത്തില്‍ തന്നെ ഉപയോഗിക്കുന്നവര്‍ വളരെ കുറവാണ്. യാതൊരു കാര്യവുമില്ലാതെ വയറിനെക്കുറിച്ച് അഭിപ്രായം പറഞ്ഞവര്‍ ധാരാളം പ്രത്യേകതകളുള്ള ഈ വാച്ച് ശ്രദ്ധിക്കാന്‍ മറന്നു പോയെന്നതാണ് അതിശയം.
