അമ്പലപ്പുഴ: വീട്ടമ്മയുടെ മുഖത്ത് മുളകുപൊടി വിതറി കവര്ച്ച. അമ്പലപ്പുഴ വടക്ക് പഞ്ചായത്ത് രണ്ടാം വാര്ഡ് കാക്കാഴം കാരപ്പറമ്പില് അജിത്തിന്റെ ഭാര്യ സിന്ധുവിന്റ മാലയാണ് കവര്ന്നത്. ഇന്നലെ ഉച്ചയ്ക്ക് 12 മണിയോടെയാണ് സംഭവം. അമ്പലപ്പുഴയിലെ ബാങ്കില് പോയി തിരികെ വന്ന ശേഷം അടുക്കള ജോലിയിലേര്പ്പെട്ടിരിക്കെ ആരോ കോളിംഗ് ബെല്ലടിക്കുകയും വാതില് തുറന്നപ്പോള് പുറത്തു നിന്നിരുന്നയാള് കണ്ണില് മുളകുപൊടി വിതറിയ ശേഷം സിന്ധുവിനെ അകത്തേക്കു തള്ളിയിടുകയുമായിരുന്നു. നിലത്തു വീണ ഇവരുടെ വാ പൊത്തിപ്പിടിച്ച ശേഷം കഴുത്തിലണിഞ്ഞിരുന്ന മൂന്നരപവന് വരുന്ന മാല വലിച്ചു പൊട്ടിച്ചു ഓടി രക്ഷപ്പെടുകയായിരുന്നു. പിടിവലിയില് സിന്ധുവിന്റെ കഴുത്തിന് പരിക്കേറ്റിട്ടുണ്ട്. അമ്പലപ്പുഴ പോലീസില് പരാതി നല്കി. പോലീസ് അന്വേഷണം ആരംഭിച്ചു.
Related posts
പോളയില് കുടുങ്ങി പോളിംഗ്; ബോട്ടില്ലാത്തവര് വോട്ട് ചെയ്തില്ല
കോട്ടയം: പോളയില് കുടുങ്ങി പടിഞ്ഞാറന് പ്രദേശങ്ങളിലെ വോട്ടര്മാര്. ബോട്ട് നീങ്ങില്ല, വള്ളം തുഴയാനുമാകില്ല എന്ന വിധം പോളം തിങ്ങിയതിനാൽ തിരുവാര്പ്പ്, അയ്മനം,...ഒരുമിച്ചിരുന്നു മദ്യപിച്ചശേഷം സുഹൃത്തിന്റെ മാല കവർന്നു; യുവാവ് അറസ്റ്റിൽ
ഈരാറ്റുപേട്ട: ഒരുമിച്ചിരുന്നു മദ്യപിച്ചശേഷം സുഹൃത്തിന്റെ മാല കവർന്ന കേസിൽ യുവാവ് അറസ്റ്റിൽ. ഈരാറ്റുപേട്ട മുരിക്കോലിൽ കുന്നുംപുറത്ത് വീട്ടിൽ കുഞ്ഞി മനാഫ് എന്ന്...ലോക്സഭാ തെരഞ്ഞെടുപ്പ്; കോട്ടയം ജില്ലയിൽ പോളിംഗ് ശതമാനത്തില് ഇടിവ്
കോട്ടയം: 2019 ലോക്സഭാ തെരഞ്ഞെടുപ്പിനെക്കാള് പോളിംഗ് ശതമാനത്തിലുണ്ടായ വന് ഇടിവ് മൂന്നു മുന്നണികളിലും ആശങ്കയും പ്രതീക്ഷയും ഉളവാക്കുന്നു. 75.41 ശതമാനത്തില്നിന്നു പത്തു...