കറാച്ചി: ഒരു കലണ്ടർ വർഷത്തിൽ ട്വന്‍റി-20 ക്രിക്കറ്റിൽ (രാജ്യാന്തരം+ലീഗ്) 2000 റണ്‍സ് നേടുന്ന ആദ്യ കളിക്കാരൻ എന്ന ചരിത്രനേട്ടം സ്വന്തമാക്കി പാക്കിസ്ഥാന്‍റെ മുഹമ്മദ് റിസ്വാൻ. വെസ്റ്റ് ഇൻഡീസിനെതിരായ മൂന്നാം ട്വന്‍റി-20യിൽ 87 റണ്‍സ് നേടിയതോടെയാണിത്.
രാജ്യാന്തര ട്വന്‍റി-20യിൽ ഒരു കലണ്ടർ വർഷത്തിൽ 1000 റണ്‍സ് കടക്കുന്ന ആദ്യ താരം എന്ന നേട്ടവും ഈ വർഷം റിസ്വാൻ സ്വന്തമാക്കിയിരുന്നു. 2021ൽ 29 രാജ്യാന്തരങ്ങളിൽ നിന്ന് റിസ്വാൻ 1326 റണ്‍സ് നേടി.
മൂന്നാം ട്വന്‍റി-20യിൽ ഏഴ് വിക്കറ്റ് ജയം നേടിയ പാക്കിസ്ഥാൻ പരന്പര തൂത്തുവാരി. സ്കോർ: വെസ്റ്റ് ഇൻഡീസ് 207/3 (20). പാക്കിസ്ഥാൻ 208/3 (18.5).
ഇരു രാജ്യങ്ങളും തമ്മിൽ നടക്കാനിരുന്ന ഏകദിന ക്രിക്കറ്റ് പരന്പര കോവിഡ് ഭീഷണിയെത്തുടർന്നു മാറ്റിവച്ചു.
