യൂട്യൂബ് ചാനലിലും മോദി തരംഗം അലയടിച്ചു. യൂട്യൂബിൽ രണ്ട് കോടി സബ്സ്ക്രൈബേഴ്സുള്ള ആദ്യ ലോക നേതാവായി ഇന്ത്യൻ പ്രധാനമന്ത്രി നരേന്ദ്ര മോദി. രണ്ട് കോടി സബ്സ്ക്രൈബേഴ്സ് എന്ന നേട്ടവും 4.5 ബില്യൺ (450 കോടി) വീഡിയോ കാഴ്‌ച്ചക്കാരും മോദി ചാനലിനു സ്വന്തം. സബ്‌സ്‌ക്രൈബർമാരുടെ എണ്ണത്തിലും വീഡിയോ വ്യൂവിന്‍റെ തോതിലും മറ്റെല്ലാ ലോക നേതാക്കളെയും പിന്നിലാക്കിയിരിക്കുകയാണ് മോദി ചാനൽ .
ഭരണത്തിൽ മാത്രമല്ല മോദി മുൻ പന്തിയിൽ. സബ്സ്ക്രൈബേഴ്സ്, വിഡിയോ കാഴ്‌ചകൾ, വിഡിയോകളുടെ ഗുണനിലവാരം എന്നീ കാര്യത്തിലും ഇന്ത്യൻ പ്രധാനമന്ത്രി തന്നെ യൂട്യൂബിൽ മുന്നിൽ.
ഇതിനു പുറമെ ഫേസ്ബുക്ക്, ട്വിറ്റർ, ഇൻസ്റ്റഗ്രാം തുടങ്ങിയ വമ്പൻ സോഷ്യൽ മീഡിയ പ്ലാറ്റ്ഫോമുകളിലെല്ലാം പ്രധാനമന്ത്രി മുന്നിലാണ്. പ്രധാനമന്ത്രി നരേന്ദ്രമോദിയുടെ യൂട്യൂബ് ചാനലിൽ ഏകദേശം 23,000 വീഡിയോകളാണുള്ളത്. 2022-ൽ പ്രധാനമന്ത്രിയുടെ യൂട്യൂബ് ചാനൽ ഒരു കോടി സബ്‌സ്‌ക്രൈബർമാർ കടന്നിരുന്നു.
