അമ്മ അറിയാതെ ഒന്നും നടക്കില്ല! അമ്മ മാ​ന്നാ​ന​ത്തെ​ത്തി ഭീ​ഷ​ണി​പ്പെ​ടു​ത്തി​; കെവിനെ കൊലപ്പെടുത്തിയതില്‍ രഹ്നയ്ക്ക് മുഖ്യപങ്കുണ്ടെന്നാണ് നീനുവിന്റെ വെളിപ്പെടുത്തല്‍

കോ​ട്ട​യം: കെ​വി​ൻ വ​ധ​ക്കേ​സി​ൽ നീ​നു​വി​ന്‍റെ അ​മ്മ ര​ഹ്ന​യെ ഒ​ഴി​വാ​ക്കി​യ​തി​നെ​തി​രേ മ​ക​ൾ നീ​നു. കെ​വി​നെ കൊ​ല​പ്പെ​ടു​ത്തി​യ​തി​ൽ ര​ഹ്ന​യ്ക്ക് മു​ഖ്യ​പ​ങ്കു​ണ്ടെ​ന്നാ​ണ് നീ​നു​വി​ന്‍റെ വെ​ളി​പ്പെ​ടു​ത്ത​ൽ. അ​മ്മ അ​റി​യാ​തെ ഒ​ന്നും ന​ട​ക്കി​ല്ലെ​ന്നാ​ണ് നീ​നു മാ​ധ്യ​മ പ്ര​വ​ർ​ത്ത​ക​രോ​ട് പ​റ​ഞ്ഞ​ത്. കെ​വി​നൊ​പ്പം ത​ട്ടി​ക്കൊ​ണ്ടു​പോ​യ അ​നീ​ഷി​ന്‍റെ മൊ​ഴി​യി​ലും ര​ഹ്ന​യു​ടെ പ​ങ്കി​നെ​ക്കു​റി​ച്ച് വ്യ​ക്ത​മാ​ക്കു​ന്നു​ണ്ട്.

കെ​വി​നെ​യും അ​നീ​ഷി​നെ​യും ര​ണ്ടു വ​ണ്ടി​ക​ളി​ലാ​ണ് പ്ര​തി​ക​ൾ ത​ട്ടി​ക്കൊ​ണ്ടു പോ​യ​ത്. അ​നീ​ഷി​ന്‍റെ വ​ണ്ടി​യി​ൽ ഉ​ണ്ടാ​യി​രു​ന്ന പ്ര​തി​ക​ളി​ൽ ഒ​രാ​ൾ ര​ഹ്ന​യു​മാ​യി സം​സാ​രി​ക്കു​ന്ന​ത് കേ​ട്ട​താ​യി അ​നീ​ഷ് പോ​ലീ​സി​ന് മൊ​ഴി ന​ല്കി​യി​ട്ടു​ണ്ട്. അ​വ​നെ കൊ​ന്നു​ക​ള​യാ​ൻ ര​ഹ്ന നി​ർ​ദേ​ശം ന​ല്കി​യ​താ​യി അ​നീ​ഷി​ന് മ​ന​സി​ലാ​യി. ഇ​ക്കാ​ര്യം അ​ന്വേ​ഷ​ണ ഉ​ദ്യോ​ഗ​സ്ഥ​രോ​ട് പ​റ​ഞ്ഞ​താ​ണ്. എ​ന്നി​ട്ടും ര​ഹ്ന​യെ ഇ​തു​വ​രെ കേ​സി​ൽ പ്ര​തി​യാ​ക്കി​യി​ട്ടി​ല്ല.

കേ​സി​ൽ ര​ഹ്ന​യ്ക്ക് പ​ങ്കി​ല്ലെ​ന്നാ​ണ് ഇ​പ്പോ​ഴും പോ​ലീ​സ് പ​റ​യു​ന്ന​ത്. കെ​വി​നെ ത​ട്ടി​ക്കൊ​ണ്ടു പോ​യ സം​ഭ​വ​ത്തി​നു പി​ന്നാ​ലെ നീ​നു​വി​ന്‍റെ പി​താ​വ് ചാ​ക്കോ​യും ഭാ​ര്യ ര​ഹ്ന​യും ഒ​രു​മി​ച്ചാ​ണ് വീ​ടു​വി​ട്ട​ത്. ഇ​വ​ർ ഒ​രു​മി​ച്ചാ​ണ് കാ​ര്യ​ങ്ങ​ൾ കൈ​കാ​ര്യം ചെ​യ്ത​ത്. ചാ​ക്കോ കേ​സി​ൽ പ്ര​തി​യാ​യി​ട്ടും ര​ഹ്ന​യെ എ​ന്താ​ണ് കേ​സി​ൽ ഉ​ൾ​പ്പെ​ടു​ത്താ​ത്ത​തെ​ന്നത് ഇ​പ്പോ​ഴും അ​ജ്ഞാ​തം.

കെ​വി​നെ ത​ട്ടി​ക്കൊ​ണ്ടു​പോ​യ​തി​ന്‍റെ ത​ലേ​ന്ന് ര​ഹ്ന മാ​ന്നാ​ന​ത്തെ​ത്തി കെ​വി​നെ ഭീ​ഷ​ണി​പ്പെ​ടു​ത്തി​യ​താ​യി നീ​നു ആ​രോ​പി​ക്കു​ന്നു. കേ​സി​ലെ പ്ര​തി​ക​ളി​ൽ ഒ​രാ​ളാ​യ നി​യാ​സി​നൊ​പ്പ​മാ​ണ് ര​ഹ്ന മാ​ന്നാ​ന​ത്ത് എ​ത്തി​യ​ത്. ഇ​തി​ൽ നി​ന്ന് ര​ഹ്ന​യാ​ണ് ശ​രി​ക്കും ത​ട്ടി​ക്കൊ​ണ്ടു​പോ​ക​ലി​നു​ള്ള എ​ല്ലാ ത​ന്ത്ര​ങ്ങ​ളും മെ​ന​ഞ്ഞ​തെ​ന്നു ത​ന്നെ​യാ​ണ് ക​രു​തു​ന്ന​ത്. ഗൂ​ഢാ​ലോ​ച​ന​യി​ലെ പ്ര​ധാ​നി​യാ​യി​ട്ടും ര​ഹ്ന​ന​യെ കേ​സി​ൽ ഉ​ൾ​പ്പെ​ടു​ത്താ​തെ പോ​ലീ​സി​ന്‍റെ ഒ​ളി​ച്ചു​ക​ളി ഇ​പ്പോ​ഴും തു​ട​രു​ക​യാ​ണ്.