പരസ്പരം ഒത്തുപോകാൻ കഴിയാത്തതിനാൽ കമിതാക്കൾ പിരിയുന്നത് സാധാരണയാണ്. എന്നാൽ ആ തീരുമാനം ഒരാളുടേത് മാത്രമാണെങ്കിൽ എതിരെ നിൽക്കുന്നയാൾ എങ്ങനെയാണ് ഇതിനോട് പ്രതികരിക്കുന്നതെന്ന് പറയാനാവില്ല. ചിലർ ആ തീരുമാനം ഉൾക്കൊള്ളും, മറ്റ് ചിലർ വിഷമിച്ചിരിക്കുകയും ചെയ്യും. എന്നാൽ ഇതിലൊന്നും പെടാത്ത ഒരു കൂട്ടരുണ്ട്, പ്രതികാര മനോഭാവവുമായി നടക്കുന്നവർ.
റെഡ്ഡിറ്റിൽ ഇതുമായി ബന്ധപ്പെട്ട് തന്‍റെ വിചിത്രമായ അനുഭവം പങ്കുവച്ച് എത്തിയിരിക്കുകയാണ് ഒരു യുവതി. ഈ യുവതിയുടെ കാമുകൻ ഒരു പ്ലംബറായിരുന്നു. അയാൾക്ക് പണം ചെലവഴിക്കാൻ വലിയ മടിയാണ്. കറന്‍റ് ബില്ലൊക്കെ ഈ യുവതിയാണ് അടയ്ക്കാറുള്ളത്.
മാത്രമല്ല, റെസ്റ്റോറനന്‍റുകളിലും മറ്റും പോയാൽ വെയിറ്റർമാർക്ക് ടിപ്പും കൊടുക്കില്ല. ഇത് യുവതിക്ക് തീരെ ഇഷ്ടമുള്ള കാര്യമായിരുന്നില്ല. അങ്ങനെ അവൾ അവനെ ഉപേക്ഷിക്കാൻ തീരുമാനിച്ചു. രണ്ടുപേരും പിരിഞ്ഞു കഴിഞ്ഞപ്പോൾ യുവാവ് തന്‍റെ സാധനങ്ങളെല്ലാം വാരി പെട്ടിയിലാക്കി അവിടെ നിന്നും പോയി.
എന്നാൽ ഉറങ്ങിക്കിടന്ന യുവതിക്ക് ഒരു പണികൊടുത്താണ് കാമുകൻ സ്ഥലംവിട്ടത്. ഉറക്കം കഴിഞ്ഞ് എഴുനേറ്റ യുവതി ബാത്ത് റൂമിൽ കയറിയപ്പോൾ ക്ലോസറ്റ് കാണുന്നില്ല. പ്ലംബറായ കാമുകൻ ക്ലോസറ്റും അടിച്ചുമാറ്റിയാണ് സ്ഥലംവിട്ടത്. ഇതോടെ യുവതി ആകെ പെട്ടുപോയി. ബാത്ത്റൂമിൽ പോവാനുള്ള തോന്നൽ കലശലായതോടെ യുവതിക്ക് ടാക്കോ ബെല്ലിലേക്ക് പോകേണ്ടി വന്നു. എന്നാൽ, അവിടെ ബാത്ത്റൂം ഉപയോഗിക്കണമെങ്കിൽ ഭക്ഷണം ഓർഡർ ചെയ്യണമായിരുന്നു.
പിന്നാലെ യുവതി മറ്റൊരു പ്ലംബറെ വിളിച്ച് പുതിയൊരു ക്ലോസറ്റും ബാത്ത് റൂമിൽ ഫിറ്റ് ചെയ്യിപ്പിച്ചു. യുവതിയുടെ ഈ അനുഭവം റെഡ്ഡിറ്റിൽ പെട്ടന്ന് തന്നെ വൈറലായി. ഇത്തരം അനുഭവം മറ്റാർക്കും ഉണ്ടാവരുതെന്നാണ് പലരും പോസ്റ്റിന് കമന്‍റിട്ടിരിക്കുന്നത്.
I split up with my boyfriend yesterday. I fell asleep while he was packing and he stole my toilet.
byu/shelblikadoo inWTF
