മൊബൈല്‍ ഗെയിമായ പോക്കിമോന്‍ ലോകമെങ്ങും തരംഗം തീര്‍ക്കുന്നതിനിടെ അസംഭവമായ ഒരു വാര്‍ത്ത. പോക്കിമോന്‍ തന്നെ ബലാത്സംഗം ചെയ്തുവെന്ന പരാതിയുമായി ഒരു യുവതി പോലീസില്‍ പരാതി നല്കിയിരിക്കുന്നു. റഷ്യന്‍ തലസ്ഥാനമായ മോസ്‌കോയില്‍ നിന്നാണ് സംഭവം റിപ്പോര്‍ട്ട് ചെയ്തിരിക്കുന്നത്. തന്റെ അപ്പാര്‍ട്ട്‌മെന്റില്‍ വെച്ച് പോക്കിമോന്‍ ക്രൂരമായി ബലാത്സംഗം ചെയ്തുവെന്നാണ് യുവതിയുടെ പരാതിയില്‍ പറയുന്നത്.
രാത്രി ഗെയിം കളിച്ച് കൊണ്ടു കിടക്കുകയായിരുന്നുവെന്നും രാവിലെ എണീറ്റപ്പോഴാണ് തന്നെ പോക്കിമോന്‍ ബലാത്സംഗം ചെയ്തുവെന്ന് മനസിലായത്. രാവിലെ എഴുന്നേറ്റ് നോക്കുമ്പോള്‍ വലിയൊരു പോക്കിമോന്‍ തന്റെ ദേഹത്തിന് മുകളില്‍ കിടക്കുന്നത് കണ്ടുവെന്നാണ് യുവതിയുടെ പരാതിയില്‍ പറയുന്നത്. പേടിച്ചുപോയ താന്‍ കിടക്കയില്‍ നിന്നു ചാടിയെഴുന്നേറ്റപ്പോള്‍ പോക്കിമോന്‍ സ്ഥലംവിട്ടെന്നും യുവതി പറയുന്നു. തന്റെ കിടക്കയില്‍ പലപ്പോഴും പോക്കിമോന്റെ സാന്നിധ്യം അനുഭവപ്പെടുന്നുണ്ട്. എന്നാല്‍ ഭര്‍ത്താവ് പറയുന്നത് ഭാര്യയ്ക്കു വട്ടാണെന്നാണ്.
ഒരു സൈക്യാട്രിക്കിനെ കാണാന്‍ പോയെന്നും എന്നാല്‍ ഭാര്യയുടെ തോന്നല്‍ ഇതുവരെ അവസാനിച്ചില്ലെന്നും ഭര്‍ത്താവ് പറയുന്നു. നിരവധി പോക്കിമോന്മാര്‍ തന്റെ വീട്ടില്‍ കറങ്ങി നടക്കുന്നുണ്ടെന്നും തന്റെ നായയ്ക്ക് അവരെ തിരിച്ചറിയാന്‍ സാധിക്കുന്നുണ്ടെന്നുമാണ് ഈ സ്ത്രീ വെളിപ്പെടുത്തുന്നത്. താന്‍ പോക്കിമോന്‍ കളിക്കുമ്പോള്‍ നായ നിര്‍ത്താതെ കുരയ്ക്കാറുണ്ടെന്നും ഇവര്‍ പറയുന്നു. ഇവരുടെ പരാതി ലോകമെങ്ങും വലിയ വാര്‍ത്തയായിരിക്കുകയാണ്. പോക്കിമോനെ നിരോധിക്കണമെന്നാവശ്യപ്പെട്ട് ചിലയിടങ്ങളില്‍ പ്രതിഷേധയോഗങ്ങള്‍ നടന്നതായും റിപ്പോര്‍ട്ടുണ്ട്.
