കണ്ണൂർ: ഇങ്ങനെയൊരു ചതി മദ്യപാൻമാരോട് വേണ്ടായിരുന്നു. മൂന്നാമത്തെ പെഗ്ഗ് വാങ്ങുന്നവർക്കാണ് അളവ് കുറച്ച് നൽകി ഇങ്ങനെയൊരു പണി ബാറുകാർ കൊടുത്തത്. വിജിലൻസിന്റെ മിന്നൽ പരിശോധനയിലാണ് ഇത്തരമൊരുതട്ടിപ്പ് പുറത്ത് വന്നത്. . 60 മില്ലിക്ക് പകരം 48 മില്ലിയുടെ അളവ് പാത്രം ഉപയോഗിച്ച സംഭവത്തിൽ കണ്ണൂര് പഴയങ്ങാടിയിലെ പ്രതീക്ഷ ബാറിനാണ് 25,000 രൂപ പിഴയിട്ടു.
ബാറിലെത്തി മദ്യപിക്കുന്നവര്ക്ക് ആദ്യത്തെ രണ്ട് പെഗ് നൽകുന്നത് അളവ് കൃത്യമായിട്ടാണ്. മദ്യപിക്കുന്നയാൾ ഫിറ്റായിയെന്ന് തോന്നിയാൽ 60 മില്ലിയുടെ പാത്രം മാറ്റിയിട്ട് 48 മില്ലിയുടെ പാത്രം ഉപയോഗിക്കും. 30 മില്ലിക്ക് പകരം 24 മില്ലിയേ പിന്നീട് ലഭിക്കൂ.
ബാറുകളിൽ വിജിലൻസ് നടത്തിയ പരിശോധനയിലാണ് തട്ടിപ്പ് കണ്ടെത്തിയത്. പഴയങ്ങാടി, ഇരിട്ടി, തളിപ്പറമ്പ്, പയ്യന്നൂര് ഭാഗങ്ങളിലുള്ള ബാറുകളിലാണ് വിജിലൻസ് പരിശോധന നടത്തിയത്.
