രാജാക്കാട്: സ്വകാര്യ റിസോർട്ടിലെ ജീവനക്കാരനായ അതിഥി തൊഴിലാളിയുടെ ഭാര്യയെയും അഞ്ചു വയസുള്ള മകനെയും കാണാതായതായി പരാതി.
ബൈസണ്‍വാലി ടീ കന്പനിയിലെ സ്വകാര്യ റിസോർട്ടിൽ ജോലി ചെയ്യുന്ന മധ്യപ്രദേശ് സ്വദേശി മുകേഷ് മോങ്കറുടെ ഭാര്യ പ്രീതി(31), മകൻ ആനന്ദ് (5) എന്നിവരെയാണ് രണ്ടാഴ്ച മുൻപ് താമസ സ്ഥലത്തു നിന്നും കാണാതായത്.
പ്രീതിയുടെ കൈവശമുണ്ടായിരുന്ന ഫോണ് സ്വിച്ച് ഓഫ് ആണെന്നും മുകേഷ് പറയുന്നു.
ഇതുസംബന്ധിച്ച് മുകേഷ് മോങ്കർ പരാതി നൽകിയിട്ടുണ്ടെന്നും ഇയാളുടെ മൊഴി രേഖപ്പെടുത്തിയ ശേഷം തുടർ നടപടികൾ സ്വീകരിക്കുമെന്നും രാജാക്കാട് സിഐ ബി. പങ്കജാക്ഷൻ അറിയിച്ചു.
