മലപ്പുറം: മലപ്പുറത്ത് റാഗിംഗിനിടെ വിദ്യാർഥിക്ക് ക്രൂരമർദനം. പരപ്പനങ്ങാടി കോ-ഓപ്പറേറ്റീവ് കോളജിലെ ഒന്നാം വർഷ ബിരുദ വിദ്യാർഥി രാഹുലിനാണ് പരിക്കേറ്റത്.
സീനിയര്‍ വിദ്യാർഥികളോട് ബഹുമാനമില്ലെന്ന് പറഞ്ഞാണ് മര്‍ദ്ദിച്ചതെന്ന് രാഹുല്‍ പറഞ്ഞു.
രാഹുലിന്‍റെ കണ്ണിനാണ് പരിക്കേറ്റത്. മുഖത്തും ദേഹത്തുമെല്ലാം മര്‍ദ്ദനമേറ്റതിന്‍റെ പാടുകളുമുണ്ട്.
ബസ് സ്റ്റോപ്പില്‍ നില്‍ക്കുകയായിരുന്ന രാഹുലിനെ സംസാരിക്കാനുണ്ടെന്ന് പറഞ്ഞ് കൂട്ടിക്കൊണ്ടുപോയാണ് മര്‍ദ്ദിച്ചത്.
രാഹുല്‍ കോഴിക്കോട് മെഡിക്കല്‍ കോളജില്‍ ചികിത്സ തേടി. റാഗിംഗ് നടത്തിയ സീനിയര്‍ വിദ്യാർഥികളെ മാനേജ്‌മെന്‍റ് സസ്‌പെന്‍ഡ് ചെയ്തു.
റാഗ് ചെയ്ത സീനിയര്‍ വിദ്യാർഥികള്‍ക്കെതിരെ ജാമ്യമില്ലാ വകുപ്പ് പ്രകാരം കേസെടുത്തതായി പോലീസ് അറിയിച്ചു.
