രാജസ്ഥാനിലെ കൊടും ചൂടിനെ ചെറുക്കാൻ യുവാവിന്റെ പുതിയ വിദ്യ, പക്ഷേ കിട്ടിയതോ എട്ടിന്റെ പണി. അസഹ്യ ചൂടിൽ നിന്ന് രക്ഷപെടാൻ പയറ്റിയത് പുതിയ നുറുക്ക് വിദ്യ, വലിയ പാലിന്റെ പാത്രം തലയിൽ കമഴ്ത്തിവച്ച സംഭവമാണ് ഇപ്പോൾ വലിയ ജനശ്രദ്ധ നേടിയിരിക്കുന്നത്.
രാജസ്ഥാനിൽ ഒരു യുവാവ് ചൂടിൽ നിന്ന് രക്ഷപ്പെടാൻ 15 ലിറ്ററിന്റെ സ്റ്റീൽ പാത്രം തലയിൽ വെച്ചപ്പോൾ അത് ഇയാളുടെ തലയിൽ കുടുങ്ങിപ്പോകുകയായിരുന്നു. പാത്രം സ്വന്തമായി ഊരിമാറ്റാൻ സാധിക്കാതെ വന്നതോടെ നാട്ടുകാർ ഒത്തുകൂടി രക്ഷാപ്രവർത്തനം നടത്താൻ ശ്രമിച്ചു.
ഒടുവിൽ, ഹാർഡ്വെയർ കടയിൽ കൊണ്ടുപോയി ഗ്രൈൻഡർ മെഷീൻ ഉപയോഗിച്ച് പാത്രം മുറിച്ചാണ് ഇയാളെ രക്ഷപ്പെടുത്തിയത്. ഏകദേശം രണ്ട് മണിക്കൂർ നീണ്ട പരിശ്രമത്തിനൊടുവിലാണ് പാത്രം തലയിൽ നിന്ന് നീക്കം ചെയ്യാൻ സാധിച്ചത്. പാത്രം മുറിച്ച് മാറ്റി ആളെ പുറത്തെത്തിച്ചെങ്കിലും പരിക്കുകളൊന്നും പറ്റിയിട്ടില്ല. രാജസ്ഥാനിലെ മധോഗഢ് ഗ്രാമത്തിലാണ് സംഭവം നടന്നത്.
