മുസഫർനഗർ: കൗമാരക്കാരിയായ പെണ്കുട്ടിയെ മാസങ്ങളോളം പീഡിപ്പിച്ച യുവാവ് അറസ്റ്റിൽ. ഉത്തർപ്രദേശിലെ മുസഫർനഗറിലാണു സംഭവം.
ജനുവരി മുതൽ നിരവധി അവസരങ്ങളിൽ യുവാവ് പെണ്കുട്ടിയെ പീഡിപ്പിച്ചിരുന്നെന്നു പോലീസ് പറഞ്ഞു. പീഡനദൃശ്യങ്ങൾ യുവാവ് സമൂഹമാധ്യമത്തിൽ പ്രചരിപ്പിച്ചതിനു പിന്നാലെയാണ് കൗമാരക്കാരി പോലീസിനെ സമീപിച്ചത്. പരാതി ലഭിച്ചതിനു പിന്നാലെ ശനിയാഴ്ച വൈകിട്ടുതന്നെ യുവാവിനെ അറസ്റ്റ് ചെയ്തെന്നു സർക്കിൾ ഓഫീസർ രാജീവ് കുമാർ സിംഗ് പറഞ്ഞു.
പീഡനത്തിനിരയായ പെണ്കുട്ടിയെ വൈദ്യപരിശോധനയ്ക്കു വിധേയയാക്കി. ബലാത്സംഗം ഉൾപ്പെടെയുള്ള കുറ്റങ്ങളാണ് പോലീസ് പ്രതിക്കെതിരേ ചുമത്തിയിട്ടുള്ളത്.