ആട് പോലെ ഹ്യൂമറിന് പ്രധാന്യമുള്ള സിനിമ ചെയ്യുമ്പോള്‍ ജയനെ (ജയസൂര്യ) പോലുള്ളവരുടെ സപ്പോര്‍ട്ട് ആവശ്യമാണ്. അദ്ദേഹമത് വാരിക്കോരി തരുകയും ചെയ്യും.
ആടില്‍ എന്‍റെ ഏറ്റവും ഹിറ്റായ ഡയലോഗ് ഷാജിയേട്ടാ നമ്മള്‍ പോലുമറിയാതെ നമ്മളൊരു അധോലോകമായി മാറിയിരിക്കുന്നു… എന്നതാണ്. അത് ജയന്‍റെ സംഭാവനയാണ്.
അതുപോലെ ഷാജിയേട്ടാ ഇവളെയങ്ങ്… എന്ന ഡോയലോഗും ആട്ടിന്‍കാട്ടത്തിന് പിന്നെ അവലോസുണ്ടയുടെ രുചിയുണ്ടാവില്ലല്ലോ ഷാജിയേട്ടാ… എന്ന ഡയലോഗും ജയസൂര്യ കൊണ്ടുവന്നതാണ്..
ഷാജിയേട്ടാ ഇവളെയങ്ങ് എന്ന ഡയലോഗ് അഭിനയിക്കുന്നതിന് മുന്പ് ജയസൂര്യ എന്നോട് പറഞ്ഞു, നോക്കിക്കോ സൈജു ഒരുപാട് ട്രോളന്മാര് ഈ ഡയലോഗ് ഉപയോഗിക്കും എന്ന്.
ഇപ്പോഴും ആള്‍ക്കാര് പൊതുവേ ദാസന്‍റെയും വിജയന്‍റെയും ഡയലോഗ് പോലെ ഉപയോഗിക്കുന്നതാണ് ആടിലെ ഈ ഡയലോഗും.-സൈജു കുറുപ്പ്
