മാന്നാർ: യുവതിയെ വിവാഹ വാഗ്ദാനം നല്കി പീഡിപ്പിച്ച യുവാവ് പിടിയില്. ഒളിവില് കഴിഞ്ഞുവന്നിരുന്ന എണ്ണയ്ക്കാട് അമ്പാട്ട് പുത്തന്വീട്ടില് ഹരികുമാര് മകന് അനൂപി(29)നെയാണ് ചെങ്ങന്നൂര് ഡിവൈഎസ്പിയുടെ നേതൃത്വത്തിലുള്ള അന്വേഷണസംഘം അറസ്റ്റ് ചെയ്തത്.
പ്രതി യുവതിയുമായി പ്രണയത്തിലായി വിവാഹ വാഗ്ദാനം നല്കി പീഡിപ്പിച്ചശേഷം യുവതിയുമായുള്ള വിവാഹത്തിൽനിന്നും പിന്മാറി.
യുവതി ആത്മഹത്യക്ക് ശ്രമിക്കുകയും വണ്ടാനം മെഡിക്കൽ കോളജ് ആശുപത്രിയിൽ ചികിത്സയിൽ കഴിയുകയും ചെയ്തു. തുടര്ന്ന് മാന്നാര് പോലീസ് സ്റ്റേഷനില് കേസ് രജിസ്റ്റര് ചെയ്യുകയുമായിരുന്നു.
കേസ് രജിസ്റ്റർ ചെയ്തതറിഞ്ഞ പ്രതി മൊബൈല് ഫോണ് ഉപേക്ഷിച്ച് ഒളിവില് പോയി. പോലീസ് നടത്തിയ അന്വേഷണത്തിൽ പ്രതിയെ എരുമേലിയിലുള്ള ഒളിത്താവളത്തില്നിന്നും കണ്ടെത്തി. കോടതിയില് ഹാജരാക്കിയ പ്രതിയെ റിമാൻഡ് ചെയ്തു.
