കോട്ടയം: പാലായിലെ കേരള കോൺഗ്രസ് സ്ഥാനാർഥി പ്രഖ്യാപനം അഭിപ്രായ ഭിന്നതകളിൽപ്പെട്ട് നീളുന്നതിനിടെ ജോസ് കെ.മാണിയെ പരിഹസിച്ച് ഷോൺ ജോർജ്. നിഷ ജോസ് കെ.മാണിയേക്കാൾ പാലായിൽ മത്സരിക്കാൻ യോഗ്യതയുള്ളവർ വറെയുണ്ടെന്ന് ഷോൺ അഭിപ്രായപ്പെട്ടു.
തന്‍റെ ഫേസ്ബുക്ക് പേജിലാണ് ഷോൺ ഈ അഭിപ്രായം രേഖപ്പെടുത്തിയത്. 17 പേരുടെ പേരുകളാണ് ഷോൺ നിർദേശിക്കുന്നത്.ജോയി എബ്രഹാം, കുര്യാക്കോസ് പടവൻ, സജി മഞ്ഞകടമ്പൻ, ഫിലിപ്പ് കുഴികുളം, സാജൻ തൊടുക, നിർമ്മല ജിമ്മി തുടങ്ങിയ 17 പേരുകളാണ് ഷോൺ നിർദേശിച്ചിട്ടുള്ളത്.
“ഒരു പ്രാവശ്യം പോലും കേരളാ കോൺഗ്രസിന് സിന്ദാബാദ് വിളിക്കാത്ത ഭാര്യയെ താങ്കൾക്ക് പേടിയില്ലെങ്കിൽ കുടുതൽ ചർച്ചക്ക് ആവശ്യമില്ല, ഇവരിൽ ആരെ വേണമെങ്കിലും പരിഗണിക്കാ’മെന്നും ഷോൺ പരിഹസിക്കുന്നുണ്ട്.
