കരിയറിന്റെ സ്റ്റാർട്ടിംഗിൽ ഒരുപാട് ഓഡിഷനിൽ പോകുമായിരുന്നു എന്ന് ശ്രുതി സുരേഷ്. കാസ്റ്റിംഗ് കോളുകൾ കാണുന്നത് എല്ലാം അയയ്ക്കും, അപ്പോൾ അവർ നമ്മളെ വിളിക്കും. ഓഡിഷന് പോകുമ്പോൾ വലിയ ക്യൂ ആയിരിക്കും അന്ന്. പ്രൊഡക്ഷൻ നോക്കിയോ ഡയറക്ടറിനെ നോക്കിയോ ആയിരിക്കില്ല പോകുന്നത്, നമ്മുക്ക് അറിയില്ലല്ലോ അതൊന്നും. പക്ഷേ, അവിടെ ചെല്ലുമ്പോൾ പ്രമോഷന്റെ ഭാഗമായി വെറുതെ ഓഡിഷൻ നടത്തുന്നവർ ആയിരിക്കും.
ഇന്നാണെങ്കിൽ ആരെയെങ്കിലും സെറ്റിൽ പരിചയം ഉണ്ടാകും. അല്ലെങ്കിൽ വിളിച്ചുചോദിക്കാൻ എങ്കിലും ആളുണ്ട് ഇന്ന്. അങ്ങനെ രണ്ട് മൂന്ന് ഓഡിഷനു പോയത് അബദ്ധം ആയിട്ടുണ്ട്. സിനിമയും ആയി ഒരു ബന്ധവും ഇല്ലാത്ത കാര്യങ്ങളാണ് അവർ അവിടെ നിന്ന് ചെയ്യിക്കുന്നത്.
ഒരു അനുഭവം ഉണ്ടായിട്ടുണ്ട്. ആ സിനിമ റീലീസ് ആയി വളരെ ഹിറ്റായിരുന്നു, പക്ഷേ ആ സിനിമയുടെ ഓഡിഷന് നമ്മുടെ ഏജ് ഗ്രൂപ്പിൽ ഉള്ളവരെ ആവശ്യം ഉണ്ടായിരുന്നില്ല. ആ സിനിമ കണ്ടപ്പോൾ എന്തിനാണ് അവിടെ പോയി ക്യൂ നിന്നത് എന്ന തോന്നിയിട്ടുണ്ട്.
വളരെ കൊമേഷ്യൽ ആയി സിറ്റിയിൽ നടക്കുന്ന ഒരു പടമായിരുന്നു. പേരൊന്നും പറയുന്നില്ല. പക്ഷേ എന്റെയടുത്ത് അന്നു പറഞ്ഞത് വയലിൽ ജോലി ചെയ്യുന്ന പോലെ ചെയ്യാൻ ആണ്. എന്തുകൊണ്ടാണ് അവർ അങ്ങനെ ചെയ്യിച്ചത് എന്ന് എനിക്ക് ഇപ്പോഴും അറിയില്ല. സിനിമയുമായി കുറച്ചുകൂടി കണക്ട് ചെയ്യുന്ന ടാസ്ക് തന്നിരുന്നെങ്കിൽ നന്നായി ഇരുന്നേനെ എന്നു തോന്നിയിട്ടുണ്ട്. അങ്ങനെ കുറച്ച് അബദ്ധങ്ങൾ ഓഡിഷൻ പോയി പറ്റിയിട്ടുണ്ട് എന്ന് ശ്രുതി സുരേഷ് പറഞ്ഞു.
