വേനല്ക്കാലത്ത് ആരോഗ്യകാര്യത്തില് പ്രത്യേക ശ്രദ്ധ വേണമെന്ന് വിദഗ്ധര്. ഫിറ്റ്നസ് ദിനചര്യകള് ആരംഭിക്കാന് ഏറ്റവും അനുയോജ്യമായ സമയമാണ് വേനല്കാലം. ജിം വര്ക്കൗട്ടുകള് അത്യാവശ്യമാണെങ്കിലും ശരീരഭാരം നിയന്ത്രിക്കുന്നതിലും ശരീരം സുന്ദരമായി നിലനിര്ത്തുന്നതിലും ഭക്ഷണക്രമം തുല്യമായ പങ്ക് വഹിക്കുന്നുണ്ടെന്ന് പ്രമുഖ ഡയറ്റീഷ്യന് റിതിക സമദ്ദാര് പറഞ്ഞു.
കലിഫോര്ണിയ ബദാം, ഗ്രീക്ക് യോഗര്ട്ട്, സാല്മണ് മത്സ്യം എന്നിവ ഉള്പ്പെടുത്തിയ ലളിതവും പ്രോട്ടീന് സമ്പുഷ്ടവുമായ ഡയറ്റ് പ്ലാന് പിന്തുടരുന്നത് ഗുണകരമാവും. പ്രോട്ടീന്, ആരോഗ്യകരമായ കൊഴുപ്പുകള്, വിറ്റാമിന് ഇ, മഗ്നീഷ്യം എന്നിവയാല് സമ്പുഷ്ടമായ ബദാം രക്തത്തിലെ പഞ്ചസാരയുടെ അളവ് പെട്ടെന്ന് വര്ധിപ്പിക്കാതെ ഊര്ജം നിലനിര്ത്താന് സഹായിക്കും.
ഫിറ്റ്നസ് ലക്ഷ്യമിട്ടുള്ള ഏത് ഭക്ഷണക്രമത്തിലും ഇവ മികച്ചൊരു ചേരുവയാണെന്നും, ഇതോടൊപ്പം രണ്ട് പുഴുങ്ങിയ മുട്ടകള് കൂടി ഉള്പ്പെടുത്തുന്നത് പൂര്ണമായ പ്രോട്ടീന് ലഭിക്കാന് സഹായിക്കുമെന്നും അവര് പറഞ്ഞു.
