സിനിമ-സീരിയല്‍ രംഗത്ത് ഒരു പോലെ തിളങ്ങിയ അപൂര്‍വം നടിമാരിലാരാളാണ് സ്വാസിക വിജയ്.
വൈഗ എന്ന തമിഴ്ച്ചിത്രത്തിലൂടെ ആണ് നടി അഭിനയരംഗത്തേക്ക് എത്തിയത്. പിന്നീട് ലാല്‍ജോസിന്റെ അയാളും ഞാനും തമ്മില്‍ എന്ന ചിത്രത്തിലൂടെയായിരുന്നു മലയാള സിനിമയിലേക്ക് താരം എത്തിയത്.
പിന്നീട് സീരിയല്‍ രംഗത്തേക്കും കൈവെച്ച താരം സീത എന്ന പരമ്പരയിലൂടെ മലയാളികളുടെ ഹൃദയം കവര്‍ന്നെടുക്കുക ആയിരുന്നു.
നൃത്തത്തിലൂടെ കലാരംഗത്തേക്ക് വന്ന സ്വാസികയുടെ പിന്നീട് അഭിനേത്രിയായി മാറുകയായിരുന്നു. സിനിമ, സീരിയല്‍, ടെലിവിഷന്‍ ഷോകള്‍, ഹ്രസ്വ ചിത്രങ്ങള്‍, മ്യൂസിക് ആല്‍ബം, അവതാരിക തുടങ്ങി എല്ലാ മേഖലകളിലും താരം ഇതിനോടകം കഴിവു തെളിയിച്ചിട്ടുണ്ട്.
നാല്‍പ്പതിലധികം സിനിമകളിലും പത്തോളം സീരിയലുകളും ഇതിനോടകം തന്നെ നടിയുടേതായി പുറത്തുവന്നു.
മികച്ച സ്വഭാവനടിക്കുള്ള കേരള ചലച്ചിത്ര പുരസ്‌കാരം ഉള്‍പ്പെടെ സ്വാസിക ഇതിനകം നേടിയിട്ടുണ്ട്.ഇതിനോടകം തന്നെ മലയാളത്തിലെ സൂപ്പര്‍താരങ്ങള്‍ അടക്കമുള്ള താരങ്ങളുടെ നായികയായി നടി അഭിനയിച്ച് കഴിഞ്ഞു.
സിദ്ധാര്‍ത്ഥ് ഭരതന്‍ സംവിധാനം ചെയ്ത ചതുരം ആണ് സ്വാസികയുടേതായി ഏറ്റവും ഒടുവില്‍ പുറത്തിറങ്ങിയ ചിത്രം.
ഈ സിനിമയില്‍ അതീവ ഗ്ലാമറസ് ലുക്കില്‍ ആയിരുന്നു നടി എത്തിയത്. സോഷ്യല്‍ മീഡിയയിലും ഏറെ സജീവമായ നടി സീരിയിലും സിനിമകളും യൂട്യൂബ് വ്ളോഗിംഗും എല്ലാമായി ഇപ്പോള്‍ തിരക്കോടു തിരക്കിലാണ്.
അതേ സമയം മലയാള സിനിമയിലെ വനിതകളുടെ സംഘടനയായ ഡബ്ല്യുസിസിയെ കുറിച്ചു സ്വാസിക നടത്തിയ തുറന്നു പറച്ചിലാണ് ഇപ്പോള്‍ ഏറെ ചര്‍ച്ചയായി മാറിയിരിക്കുന്നത്.
ഡബ്ല്യുസിസി പോലെയുള്ള സംഘടനകളില്‍ തനിയ്ക്ക് വിശ്വാസമില്ലെന്നാണ് സ്വാസിക തുറന്നടിച്ചത്. പ്രശ്‌നങ്ങള്‍ ഭയമില്ലാതെ പറയേണ്ടയിടത്ത് പറയും.
അതിന് ഒരു സംഘടനയുടെ പിന്‍ബലം വേണമെന്ന് കരുതുന്നില്ല എന്നും ഒരു മാധ്യമത്തിനു നല്‍കിയ അഭിമുഖത്തില്‍ സ്വാസിക പറഞ്ഞു.
