സിനിമാ താരങ്ങളുടെ സംഘടനയായ ‘അമ്മ’യുടെ ആഭ്യന്തര പരാതി പരിഹാര സെല്ലില്‍ രാജി തുടരുന്നു.
സെല്‍ അധ്യക്ഷ ശ്വേത മേനോനും കുക്കു പരമേശ്വരനും രാജിവച്ചു. ഇരുവരും രാജിക്കാര്യം അറിയിച്ച് അമ്മയ്ക്ക് ഇ- മെയില്‍ അയച്ചു. കഴിഞ്ഞ ദിവസം മാലാ പാര്‍വതി രാജിവച്ചിരുന്നു.
യുവ നടിയുടെ പീഡന പരാതിയില്‍ വിജയ് ബാബുവിനെതിരെ ശക്തമായ നടപടി ആവശ്യപ്പെട്ട് സെല്‍ അമ്മ എക്സിക്യുട്ടീവ് കൗണ്‍സിലിന് കത്ത് നല്‍കിയിരുന്നു.
എന്നാല്‍ എക്സിക്യുട്ടീവ് കൗണ്‍സിലില്‍ നിന്ന് മാറിനില്‍ക്കാമെന്ന വിജയ് ബാബുവിന്റെ കത്ത് അംഗീകരിച്ച അമ്മ, കര്‍ശന നടപടി വേണമെന്ന സെല്ലിന്റെ ആവശ്യം പാടെ തള്ളിയിരുന്നു.
ഇതേതുടര്‍ന്ന് സെല്ലില്‍ നിന്നും രാജിവച്ച മാലാ പാര്‍വതി, ശ്വേത മേനോനും കുക്കു പരമേശ്വരനും രാജിസന്നദ്ധത പ്രകടിപ്പിച്ചതായി പറഞ്ഞിരുന്നു.
