കൊച്ചി : നടി ആക്രമിക്കപ്പെട്ട കേസ് ക്ലൈമാക്‌സിലോട്ടു നീങ്ങുമ്പോള്‍ കാവ്യാ മാധവന്റെ ഉടമസ്ഥതയിലുള്ള വസ്ത്രവ്യാപാര സ്ഥാപനമായ ലക്ഷ്യയ്ക്കു നേരെയുള്ള ആരോപണം മുറുകുന്നു. ല്ക്ഷ്യയില്‍ സുനി വന്നപ്പോഴുണ്ടായ ജീവനക്കാര്‍ ഇപ്പോഴവിടെയില്ലെന്നാണ് പുതിയ റിപ്പോര്‍ട്ട്. അവരെ ഏതോ രഹസ്യ സങ്കേതത്തിലേക്ക് മാറ്റിയതായാണ് പോലീസിന്റെ സംശയം.പഴയ സ്റ്റാഫുകളെ അന്വേഷിക്കാന്‍ പോലീസ് ശ്രമം തുടങ്ങി. കഴിഞ്ഞ ദിവസം നടിയെ ആക്രമിക്കുന്ന ദൃശ്യങ്ങളടങ്ങിയ മെമ്മറികാര്‍ഡ് ഇവിടെ നിന്ന് കണ്ടെത്തിയതായി റിപ്പോര്‍ട്ടുകളും വന്നിരുന്നു. കേസില്‍ വ്യക്തത വരുത്തിയ ശേഷം മതി അറസ്റ്റെന്ന നിര്‍ദ്ദേശത്തെ തുടര്‍ന്ന് എല്ലാ പഴുതും അടയ്ക്കുന്നതിന് വേണ്ടിയാണ് പഴയ ജീവനക്കാരെ ചോദ്യം ചെയ്യുക. മെമ്മറി കാര്‍ഡും പണവുമായി ബന്ധപ്പെട്ട് സുനിയും കൂട്ടാളി വിജീഷും എത്തിയെന്ന് അവകാശപ്പെടുന്ന സമയത്തെ ജീവനക്കാരുടെ മൊഴി എടുക്കാനാണ് പോലീസ് ശ്രമം. ലക്ഷ്യ കാവ്യയുടെ പേരിലാണെങ്കിലും കാവ്യയുടെ അമ്മയാണ് ഇതിന്റെ മേല്‍നോട്ടം നിര്‍വഹിക്കുന്നത്. സിസിടിവി ദൃശ്യങ്ങളും അന്വേഷണ സംഘം പരിശോധിക്കുന്നുണ്ട്.
Read Moreകാവ്യാ മാധവന്റെ സ്ഥാപനമായ ലക്ഷ്യയിലെ പഴയ ജീവനക്കാരെ ഒളിപ്പിച്ചതായി സംശയം; പള്‍സര്‍ സുനി വന്നപ്പോള്‍ ഉണ്ടായിരുന്ന ജീവനക്കാരെ പൊക്കാന്‍ രണ്ടും കല്‍പ്പിച്ച് പോലീസ്
