മോണ്ടെ കാർലോ: മോണ്ടെ കാർലോ മാസ്റ്റേഴ്സ് ടെന്നീസ് ഫൈനലിൽ നിലവിലെ ചാന്പ്യനും ലോക ഒന്നാം നന്പർ താരവുമായ കാർലോസ് അൽകാരസിനെ 7-6 (7-5) 6-3 സ്കോറിന് പരാജയപ്പെടുത്തി യാനിക് സിന്നർ കിരീടം ചൂടി. ജയത്തോടെ കഴിഞ്ഞ നവംബറിന് ശേഷം സിന്നർ ആദ്യമായി ലോക റാങ്കിങ്ങിൽ ഒന്നാം സ്ഥാനത്തേക്ക് തിരിച്ചുവന്നു.
കഴിഞ്ഞ നവംബറിൽ നടന്ന എടിപി ചാന്പ്യൻഷിപ്പിന്റെ ഫൈനലിൽ സിന്നർ നേരിട്ടുള്ള സെറ്റുകൾക്ക് വിജയിച്ചതിനുശേഷം ലോകത്തിലെ ആദ്യ രണ്ട് സ്ഥാനക്കാരുടെ ആദ്യ കൂടിക്കാഴ്ച കൂടിയായിരുന്നു മൊണാക്കോ ഡിസൈറിൽ നടന്നത്.
