ഗിന്നസ് പക്രുവിനെ നായകനാക്കി മോർസെ ഡ്രാഗൺ എന്‍റർടെയ്ൻമെന്‍റ്സിന്‍റെ ബാനറിൽ രാകേഷ് സുബ്രഹ്മണ്യൻ നിർമിക്കുന്ന 916 കുഞ്ഞൂട്ടൻ എന്ന ചിത്രത്തിന്‍റെ ടൈറ്റിൽ പോസ്റ്റർ താരം മോഹൻ ലാൽ പ്രകാശനം ചെയ്തു.
ഗിന്നസ് പക്രുവിനൊപ്പം ടിനി ടോം പ്രധാന കഥാപാത്രത്തെ അവതരിപ്പിക്കുന്ന 916 കുഞ്ഞൂട്ടൻ, തമിഴ് സിനിമയിലെ പ്രമുഖ സംവിധായകരായ ലിങ്കുസ്വാമി, മുരുകദോസ്, മജീദ്, വടിവുടയാൻ, വിൻസെന്‍റ് ശെൽവ തുടങ്ങിയവരുടെ സഹ സംവിധായകനായ ആര്യൻ വിജയ് കുടുംബ പശ്ചാത്തലത്തിൽ നർമത്തിനും ആക്ഷനും തുല്യപ്രധാന്യം നല്കി കഥയെഴുതി സംവിധാനംചെയ്യുന്നു.
കൊടുങ്ങല്ലൂരും ഇരിങ്ങാലക്കുടയും പ്രധാന ലോക്കേഷനാകുന്ന ഈ ചിത്രത്തിന്‍റെ ഛായാഗ്രഹണം തമിഴ് തെലുങ്ക് സിനിമകളിലെ പ്രമുഖ ഛായാഗ്രാഹകനായ എസ് ശ്രീനിവാസ റെഡ്ഢി നിർവഹിക്കുന്നു.
അജീഷ് ദാസ് എഴുതിയ വരികൾക്ക് ആനന്ദ് മധുസൂദനൻ സംഗീതം പകരുന്നു.എഡിറ്റർ-അഖിലേഷ് മോഹൻ, എക്സിക്യൂട്ടീവ് പ്രൊഡ്യൂസർ-പാസ്ക്കൽ ഏട്ടൻ,പ്രൊഡക്ഷൻ കൺട്രോളർ-സജീവ് ചന്തിരൂർ,കല-പുത്തൻചിറ രാധാകൃഷ്ണൻ, മേക്കപ്പ്-ഹസ്സൻ വണ്ടൂർ, വസ്ത്രാലങ്കാരം-സുജിത് മട്ടന്നൂർ,സ്റ്റിൽസ്-ഗിരി ശങ്കർ, ഡിസൈൻ-കോളിൻസ് ലിയോഫിൽ, കൊറിയോഗ്രാഫി-പോപ്പി, ആക്ഷൻ-ഫീനിക്സ് പ്രഭു, ചീഫ് അസോസിയേറ്റ് ഡയറക്ടർ-സാബു മാത്യുസ്, അസോസിയേറ്റ് ഡയറക്ടർ-സുരേഷ് ഇളമ്പൽ, പ്രൊഡക്ഷൻ എക്സിക്യൂട്ടിവ്-ഷിന്‍റോ ഇരിങ്ങാലക്കുട, പി ആർഒ- എ.എസ്. ദിനേശ്.
