Set us Home Page

സര്‍ജിക്കല്‍ സ്‌ട്രൈക്ക് പൂര്‍ത്തിയാക്കാന്‍ പുലിമൂത്രവും ഉപയോഗിച്ചിരുന്നു ! ദൗത്യം വിജയകരമായി പൂര്‍ത്തിയാക്കുന്നതില്‍ നിര്‍ണായക പങ്ക് വഹിച്ചതും ഈ പുലിമൂത്രം തന്നെ;ദൗത്യത്തിന് നേതൃത്വം കൊടുത്ത കമാന്‍ഡറിന്റെ വെളിപ്പെടുത്തല്‍ വൈറലാകുന്നു…

പാകിസ്ഥാന്‍ അതിര്‍ത്തി കടന്ന് 2016ല്‍ ഇന്ത്യന്‍ സേന നടത്തിയ സര്‍ജിക്കല്‍ സ്‌ട്രൈക്കില്‍ നായകളില്‍ നിന്നു രക്ഷനേടാനായി പുലിമൂത്രം ഉപയോഗിച്ചതായി വെളിപ്പെടുത്തല്‍. സര്‍ജിക്കല്‍ സ്‌ട്രൈക്കിന് നേതൃത്വം നല്‍കിയ മുന്‍ കരസേന കമാന്‍ഡര്‍ രാജേന്ദ്ര നിമ്പോര്‍ക്കറാണ് ഇക്കാര്യം വെളിപ്പെടുത്തിയത്. അര്‍ധരാത്രി അതിര്‍ത്തി കടന്നുള്ള ആക്രമണപദ്ധതി തയ്യാറാക്കുമ്പോള്‍ ആ പ്രദേശത്തിന്റെ പ്രത്യേകതകളും കണക്കിലെടുത്തിരുന്നു. തെരുവ് നായ്ക്കള്‍ ധാരാളമുള്ള മേഖലയായിരുന്നു അത്. ആ സാഹചര്യത്തില്‍ ചെറിയ ആളനക്കം പോലും പ്രശ്‌നമാകും.

പാകിസ്താന്‍ സൈന്യത്തിന് നേരെ ആക്രമണം നടത്താനുള്ള സേനയുടെ ദൗത്യം പട്ടി കുരച്ചാലോ സേനയെ അവ പിന്തുടര്‍ന്നാലോ പാളിപോയേക്കാം എന്ന് അവസ്ഥയും സംജാതമായിരുന്നു. കയ്യില്‍ അത്യാധുനിക ആയുധം കരുതിയതുകൊണ്ട് ഇവിടെ പ്രയോജനമുണ്ടാകില്ല. മറിച്ച് പട്ടിയെ ആ ഭാഗത്തേക്ക് വരാതെ മാറ്റി നിര്‍ത്തണം. അതിനായിട്ടാണ് ജൈവ മാര്‍ഗം എന്ന നിലയില്‍ പുലിമൂത്രം കരുതിയത്. പുലിമൂത്രത്തിന്റെ ഗന്ധമടിച്ചാല്‍ പട്ടികള്‍ പേടിച്ച് അകന്ന് പോകും.

നിമ്പോര്‍ക്കറുടെ സംഭാവനകള്‍ പരിഗണിച്ച് നല്‍കിയ ബാജിറാവു പേഷ്വാ ശൗര്യ പുരസ്‌കാരം സ്വീകരിച്ച് പുണെയില്‍ സംസാരിക്കവെയാണ് അദ്ദേഹം ഇക്കാര്യം വെളിപ്പെടുത്തിയത്. 2016ല്‍ ഇന്ത്യ നടത്തിയ സര്‍ജിക്കല്‍ സ്‌െ്രെടക്ക് ഇന്ത്യന്‍ സൈന്യത്തിന്റെ ചരിത്രത്തിലെ തന്നെ ഒരു നാഴിക കല്ലായിരുന്നു. ഇതിന് നേതൃത്വം നല്‍കിയത് കമാന്‍ഡര്‍ രാജേന്ദ്ര നിമ്പോര്‍ക്കറായിരുന്നു. പാകിസ്താന്‍ സൈന്യം ജമ്മുകശ്മീരിലെ അതിര്‍ത്തി രേഖ ലംഘിച്ച് ഉറിയില്‍ നടത്തിയ ആക്രമണത്തില്‍ 17 സൈനികര്‍ കൊല്ലപ്പെട്ടിരുന്നു. ഇതിന്റെ പ്രതികാരമായായിരുന്നു സര്‍ജിക്കല്‍ സ്‌ട്രൈക്ക്.

‘പാക് അതിര്‍ത്തിയിലെ നൗഷേര സെക്ടറിലെ ബ്രിഗേഡ് കമാന്‍ഡറായിരുന്ന നിമ്പോര്‍ക്കര്‍ക്ക് പ്രദേശത്തെ ജൈവവ്യവസ്ഥയെപ്പറ്റി കൃത്യമായ ധാരണ ഉണ്ടായിരുന്നു. രാത്രികാലങ്ങളില്‍ പുലി നായകളെ ആക്രമിക്കുമായിരുന്നതിനാല്‍ അവ പുലിയിറങ്ങുന്ന സ്ഥലങ്ങളിലേക്ക് വരുമായിരുന്നില്ല. പാക് അതിര്‍ത്തിക്കുള്ളില്‍ നായകളുടെ സാന്നിധ്യം ഞങ്ങള്‍ മനസിലാക്കിയിരുന്നു. ഈ രഹസ്യ ഓപ്പറേഷനില്‍ ഇത് പ്രതിരോധിക്കാന്‍ ഞങ്ങള്‍ പുലിയുടെ മൂത്രം കൈയില്‍ കരുതുകയും പ്രദേശത്ത് തളിക്കുകയും ചെയ്തു’ ഇതാണ് സര്‍ജിക്കല്‍ സ്‌ട്രൈക്കിന്റെ പിന്നിലെ പ്രധാന വിജയം എന്ന് അദ്ദേഹം പറഞ്ഞു. എന്തായാലും ആളുകള്‍ക്ക് ഒരു സര്‍പ്രൈസായിരിക്കുകയാണ് ഈ വെളിപ്പെടുത്തല്‍.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/

LATEST NEWS