ന്യൂഡൽഹി: പാലക്കാട് വാളയാറിൽ ഇതര സംസ്ഥാന തൊഴിലാളിയെ ആൾക്കൂട്ടം തല്ലിക്കൊന്ന കേസിൽ ചീഫ് സെക്രട്ടറിയോട് ദേശീയ മനുഷ്യാവകാശ കമ്മീഷൻ (എൻഎച്ച്ആർസി) റിപ്പോർട്ട് തേടി. ഛത്തീസ്ഗഡ് സ്വദേശി രാംനാരായണൻ കൊല്ലപ്പെട്ട സംഭവത്തിൽ അഭിഭാഷകൻ സുഭാഷ് തീക്കാടൻ നൽകിയ പരാതിയിലാണ് നടപടി.
പരാതിക്കാരൻ, ഇര, ബന്ധപ്പെട്ട അധികൃതർ എന്നിവരിൽനിന്നും വിവരംതേടി രണ്ടുദിവസത്തിനകം പ്രാഥമിക റിപ്പോർട്ട് നൽകാൻ അന്വേഷണ വിഭാഗത്തിനും നിർദേശം നൽകിയിട്ടുണ്ട്.
