പാലാ: മുഖ്യമന്ത്രി സ്ഥാനത്തേക്കു വി.ഡി.സതീശന്റെ പേര് യുഡിഎഫ് അണിയറ ചർച്ചകളിൽ സജീവമാവുമ്പോള് പാലായില് സതീശന്റെ പേരില് മേയ് മാസ വണക്കത്തിനായി അമലോത്ഭവ മാതാ കുരിശുപള്ളിയില് പ്രസുദേന്തിയാക്കി പണം അടച്ച് വ്യാപാരി.
ഇന്നലെയാണ് ടൗണിലെ വ്യാപാരിയായ സിബി റീജന്സി 1500 രൂപ അടച്ച് രസീത് കൈപ്പറ്റിയത്. പ്രത്യേക രാഷ്ട്രീയമൊന്നും തനിക്കില്ലെന്നും കഴിഞ്ഞ അഞ്ചു വര്ഷക്കാലം വി.ഡി.സതീശന് കേരളത്തിലെ പ്രതിപക്ഷത്തിന് നല്കിയ നേതൃത്വം അഭിനന്ദനാര്ഹമാണെന്നും അദ്ദേഹം പറഞ്ഞു.
ചങ്ങനാശേരിയില് ഫ്ളെക്സ് ബോര്ഡ്
ചങ്ങനാശേരി: വി.ഡി. സതീശന് ആശംസകള് അറിയിച്ച് ചങ്ങനാശേരിയില് ഫ്ളെക്സ് ബോര്ഡ്. ചങ്ങനാശേരി മാര്ക്കറ്റിലെ ലോഡിംഗ് ആൻഡ് അണ്ലോഡിംഗ് വര്ക്കേഴ്സ് കോണ്ഗ്രസ് ഐഎന്ടിയുസി ഓഫീസിനു മുമ്പിലാണ് ഫ്ളെക്സ്ബോര്ഡ് ഉയര്ന്നിരിക്കുന്നത്.
യുഡിഎഫിനെ അധികാരത്തിലെത്തിക്കാന് കഠിനാധ്വാനം ചെയ്ത സതീശന് മുഖ്യമന്ത്രിയാകുമെന്നാണ് പ്രതീക്ഷയെന്നും തൊഴിലാളികള് പറഞ്ഞു.
