എല്ലാവരും നടൻ വിജയിനെ കണ്ടുപഠിക്കണമെന്ന് ബോളിവുഡ് കോറിയോഗ്രാഫറും സംവിധായികയുമായ ഫറാ ഖാൻ. വിജയ് അസാമാന്യ പ്രതിഭയും കൃത്യനിഷ്ഠയുള്ള ആളുമാണ്. ഇക്കാര്യത്തിൽ ബോളിവുഡ് താരങ്ങൾ വിജയിനെ മാതൃകയാക്കണം.
സഹതാരങ്ങളെ എങ്ങനെ ബഹുമാനിക്കണമെന്ന് അദ്ദേഹത്തിനറിയാം. എപ്പോൾ ഷൂട്ടിംഗ് നടത്തണമെന്ന് പറഞ്ഞാലും അദ്ദേഹം തയ്യാറായിരിക്കും. ചെന്നൈയിൽ ഒരു പുസ്തക പ്രകാശനത്തിനെത്തിയപ്പോഴാണ് അവർ വിജയിനെ ഇങ്ങനെ പുകഴ്ത്തിയത്.
നൻപൻ എന്ന സിനിമയിൽ വിജയിനു വേണ്ടി നൃത്തസംവിധാനം ഒരുക്കിയത് ഫറാ ആയിരുന്നു. വിജയ്ക്കൊപ്പം കൂടുതൽ ചിത്രങ്ങളിൽ സഹകരിക്കാൻ താത്പര്യമുണ്ടെന്നും ഫറാ ഖാൻ പറഞ്ഞു. നടൻ അജിത്തിനെക്കുറിച്ചും ഫറായ്ക്ക് പറയാൻ ഏറെയുണ്ട്. ചെയ്യുന്ന ജോലിയിൽ ആത്മാർഥതയുള്ളയാളാണ് അജിത്ത്.