കാഞ്ഞിരപ്പള്ളി: പ്രായപൂർത്തിയാകാത്ത പെണ്‍കുട്ടിക്ക് വ്യാജപേരിൽ സന്ദേശമയച്ച് അപകീർത്തിപ്പെടുത്തിയ സംഭവത്തിൽ വിവാഹിതനായ യുവാവിനെ പോലീസ് അറസ്റ്റ് ചെയ്തു.
കാഞ്ഞിരപ്പള്ളി പാറക്കടവ് റിത്താസ് അക്ബർ (35)നെയാണ് ഇന്നലെ പോലീസ് അറസ്റ്റ് ചെയ്തത്. ഇയാൾ സുഹൃത്തിന്‍റെ ചിത്രം പ്രൊഫൈൽ പിക്ചറാക്കി പെണ്‍കുട്ടിക്ക് സന്ദേശം അയയ്ക്കുകയായിരുന്നു.
അശ്ലീല സന്ദേശങ്ങൾ ലഭിച്ചതോടെ സംശയം തോന്നിയ പെണ്‍കുട്ടി പോലീസിൽ പരാതി നൽകി. തുടർന്ന് പോലീസ് നന്പർ പിന്തുടർന്ന് ഇയാളെ പിടികൂടുകയായിരുന്നു. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
