മുംബൈ: ന്യൂസിലൻഡിനെ പരാജയപ്പെടുത്തി ടെസ്റ്റ് പരമ്പരയിൽ ഇന്ത്യ തകർപ്പൻ ജയം നേടി. പരമ്പരയിലെ അവസാന മത്സരത്തിൽ 372 റൺസിനാണ് ഇന്ത്യ ന്യൂസിലൻഡിനെ പരാജയപ്പെടുത്തിയത്.
നാലാം ദിനം ബാറ്റിംഗ് പുനരാരംഭിച്ച ന്യൂസിലന്‍ഡ് 167 റണ്‍സില്‍ ഓള്‍ഔട്ടായി. ഇന്ത്യക്കായി ജയന്ത് യാദവും, രവിചന്ദ്ര നാല് വിക്കറ്റ് വീതം നേടി.
ഡാറിൽ മിച്ചൽ(60), വിൽ യംഗ്(20), ഹെന്‍റി നിക്കോൾസ്(44) രച്ചിൻ രവീന്ദ്ര(18) എന്നിവർ മാത്രമാണ് ന്യൂസിലൻഡിനു വേണ്ടി ഭേദപ്പെട്ട പ്രകടനം നടത്തിയത്.
ഇന്ത്യക്കായി ജയന്ത് യാദവ് 14 ഓവറിൽ 49 റൺസിന് നാല് വിക്കറ്റും അശ്വിൻ 22 ഓവറിൽ 34 പന്തിൽ നാല് വിക്കറ്റുകളും അക്ഷർ പട്ടേൽ 10 ഓവറിൽ ഒരു വിക്കറ്റും നേടി.
ഇതോടെ രണ്ട് മത്സരങ്ങളുടെ ടെസ്റ്റ് പരമ്പര ഇന്ത്യ 1-0 ത്തിന് സ്വന്തമാക്കി. ഒന്നാം ടെസ്റ്റ് സമനിലയായിരുന്നു.
