കോട്ടയം: എംഡിഎംഎയുമായി ഇതര സംസ്ഥാന തൊഴിലാളി ഉള്പ്പെടെ മൂന്നുപേര് പിടിയിലായ സംഭവത്തില് കോട്ടയം വെസ്റ്റ് പോലീസ് വിശദമായ അന്വേഷണം തുടങ്ങി.
കോട്ടയം കാരാപ്പുഴ സ്വദേശി രഞ്ജിത്ത് തമ്പി (32), അയ്മനം സ്വദേശി ജയരാജ്, അസം സ്വദേശി ആമിര് ഹുസൈന് എന്നിവരെയാണ് പിടികൂടിയത്.
സംഘം ആരുടെ പക്കല് നിന്നാണ് ലഹരിവസ്തുക്കൾ വാങ്ങിയതുള്പ്പെടെയുള്ള കാര്യങ്ങളാണ് പോലീസ് അന്വേഷിക്കുന്നത്. കഴിഞ്ഞ ദിവസം രാവിലെ ഇവരെ വേളൂര് കളപ്പുരയ്ക്കല് ഭാഗത്തുനിന്നാണ് 6.35 ഗ്രാം എംഡിഎംഎയുമായി പിടികൂടിയത്.
രഞ്ജിത്തിന്റെ പേരില് കുമരകം, ഗാന്ധിനഗര്, കോട്ടയം വെസ്റ്റ് എന്നീ സ്റ്റേഷനുകളില് കേസു ക ളുണ്ട്. ജയരാജിന്റെ പേരില് ഗാന്ധിനഗര്, കോട്ടയം വെസ്റ്റ് പോലീസ് സ്റ്റേഷനിലും കേസുണ്ട്. കോടതിയില് ഹാജരാക്കിയ പ്രതികളെ റിമാന്ഡ് ചെയ്തു.
