Set us Home Page

മുക്കത്തെ ഓട്ടോക്കാർ മുത്താണ്..! ന​ന്‍​മ​യു​ടെ പു​തി​യ മാ​തൃ​കയായി മുക്കത്തെ ഓട്ടോക്കാർ; മാസത്തിലെ ഒരുദിവത്തെ വേതനം നിർധന രോഗികൾക്ക്

മു​ക്കം:​ ന​ന്‍​മ​യു​ടെ പു​തി​യ മാ​തൃ​ക തീ​ര്‍​ക്കു​ക​യാ​ണ് ഒ​രു പ​റ്റം ഓ​ട്ടോ തൊ​ഴി​ലാ​ളി​ക​ള്‍. കൊ​ടി​യ​ത്തൂ​ര്‍ ഗ്രാ​മ​പ​ഞ്ചാ​യ​ത്തി​ലെ പ​ന്നി​ക്കോ​ടെ​ന്ന ഗ്രാ​മ​ത്തി​ലെ 30 ഓ​ളം വ​രു​ന്ന ഓ​ട്ടോ തൊ​ഴി​ലാ​ളി​ക​ളാ​ണ് സ​ഹ​ജീ​വി സ്‌​നേ​ഹ​ത്തി​ന് പു​ത്ത​ന്‍ മാ​തൃ​ക തീ​ര്‍​ക്കു​ന്ന​ത്. ഓ​രോ മാ​സ​വും ത​ങ്ങ​ളു​ടെ ഒ​രു ദി​വ​സ​ത്തെ വേ​ത​നം അ​ശ​ര​ണ​ര്‍​ക്കും നി​ര്‍​ധ​ന രോ​ഗി​ക​ള്‍​ക്കും ന​ല്‍​കു​മെ​ന്ന തീ​രു​മാ​ന​മാ​ണ് ഇ​വ​ര്‍ എ​ടു​ത്ത​ത്.

അ​ന്ന​ന്ന​ത്തെ അ​ന്ന​ത്തി​ന് വേ​ണ്ടി ഓ​ട്ടോ ഓ​ടി​ച്ച് കു​ടും​ബം പു​ല​ര്‍​ത്തു​ന്ന ഓ​ട്ടോ തൊ​ഴി​ലാ​ളി​ക​ള്‍​ക്ക് മി​ച്ചംവയ്ക്കാ​ന്‍ കാ​ര്യ​മാ​യൊ​ന്നും ഉ​ണ്ടാ​വു​ക​യി​ല്ല എ​ന്ന​താ​ണ് സ​ത്യം. എ​ന്നാ​ലും സ​മൂ​ഹ​ത്തി​ന്‍റെ താ​ഴെക്കി​ട​യി​ലു​ള്ള​വ​രു​ടെ നി​സഹാ​യ​ത മ​ന​സി​ലാ​ക്കി​യാ​ണ് ഈ ​തൊ​ഴി​ലാ​ളി​ക​ള്‍ ഇ​ത്ത​ര​മൊ​രു തീ​രു​മാ​ന​മെ​ടു​ത്ത​ത്. സാ​ധാ​ര​ണ​ക്കാ​ര​ന്‍റെ വ​ണ്ടി എ​ന്ന​റി​യ​പ്പെ​ടു​ന്ന ഓ​ട്ടോ​യി​ല്‍ ദി​വ​സ​വും ക​യ​റു​ ന്ന​വ​രു​ടെ മ​ന​സ​ലി​യി​ക്കു​ന്ന ക​ഥ​ക​ള്‍ കേ​ട്ട​തും ഇ​ത്ത​ര​മൊ​രു തീ​രു​മാ​ന​ത്തി​ന് പി​ന്നി​ലു​ണ്ട്.​

പ​ന്നി​ക്കോ​ട് പൊ​ലുകു​ന്ന​ത്ത് വി​ജ​യ​ന്‍ എ​ന്ന വൃ​ക്ക​രോ​ഗി​ക്കാ​യാ​ണ് ഇ​ന്ന​ലെ പ​ന്നി​ക്കോ​ട്ടെ 30 ഓ​ളം ഓ​ട്ടോ​ക​ള്‍ സ​ര്‍​വീ​സ് ന​ട​ത്തി​യ​ത്. ഓ​ട്ടോ തൊ​ഴി​ലാ​ളി​ക​ളു​ടെ ഈ ​ന​ല്ല മ​ന​സ് ക​ണ്ട​റി​ഞ്ഞ യാ​ത്ര​ക്കാ​രും ഇ​വ​രെ ക​യ്യ​യ​ച്ച് സ​ഹാ​യി​ച്ചു.​തു​ച്ഛ​മാ​യ വ​രു​മാ​നം കൊ​ണ്ട് ത​ങ്ങ​ളു​ടെ കു​ടും​ബ​ത്തി​ന്‍റെ പ​ട്ടി​ണി മാ​റ്റു​ന്ന ഈ ​തൊ​ഴി​ലാ​ളി​ക​ള്‍ ഒ​രോ മാ​സ​വും ഒ​രു ദി​വ​സം മ​റ്റൊ​രു കു​ടും​ബ​ത്തി​നും കൈ​താ​ങ്ങാ​കു​ക​യെ​ന്ന​ത് സ​മൂ​ഹ​ത്തി​ന് ഒ​രു മാ​തൃ​ക ത​ന്നെ​യാ​ണ്.

രാഷ്ട്രദീപിക വാര്‍ത്തകള്‍ ഫേസ്ബുക്കില്‍ പിന്തുടരാന്‍ ഞങ്ങളുടെ പേജ് ലൈക്ക് ചെയ്യൂ...

https://www.facebook.com/RashtraDeepika/
നിങ്ങളുടെ അഭിപ്രായങ്ങൾ മലയാളത്തിൽ രേഖപ്പെടുത്താൻ മംഗ്ലീഷിൽ ടൈപ് ചെയ്തു താഴെക്കാണുന്ന കമെന്റ് ബോക്സിൽ പേസ്റ്റ് ചെയ്യുക

LATEST NEWS