മുളങ്കുന്നത്തുകാവ്: പ്രായപൂർത്തിയാകാത്ത പെണ്‍കുട്ടിയെ പ്രണയം നടിച്ചു തട്ടിക്കൊണ്ടുപോയ സംഭവത്തിൽ യുവാവിനെ പോലീസ് അറസ്റ്റു ചെയ്തു. പുറനാട്ടുകര തേനാരി വീട്ടിൽ രതീഷിനെ(34)യാണ് അറസ്റ്റ് ചെയ്തത്. കോടതിയിൽ ഹാജരാക്കിയ ഇയാളെ റിമാൻഡ് ചെയ്തു. പോസ്കോ നിയമപ്രകാരമാണ് ഇയാൾക്കെതിരേ കേസെടുത്തിരിക്കുന്നത്. കൂലിപ്പണിക്കാരനായ പ്രതിക്ക് ഭാര്യയും രണ്ടു മക്കളുമുണ്ട്.
പെണ്‍കുട്ടിയെ കാണാനില്ലെന്നറിയിച്ചു കുട്ടിയുടെ അമ്മയാണ് മെഡിക്കൽകോളജ് പോലീസിൽ പരാതി നൽകിയത്. പോലീസ് അനേ്വഷണത്തിലാണ് രണ്ടുപേരെയും പിടികൂടിയത്. പെണ്‍കുട്ടിയെ അമ്മയോടൊപ്പം പറഞ്ഞയച്ചു. പെൺകുട്ടിക്ക് യുവാവുമായി അടുപ്പമുണ്ടെന്നറിഞ്ഞ അമ്മ ഇക്കാര്യം പെണ്കുട്ടിയോട് ചോദിച്ചിരുന്നു.
തുടർന്ന് പെണ്‍കുട്ടി അമ്മ കയിലുകൊണ്ട് തലയ്ക്കടിച്ചെന്നു പോലീസിൽ പരാതി നൽകിയിരുന്നു. ഇതുപ്രകാരം പോലീസ് അമ്മയ്ക്കെതിരേ ബാലനീതി നിയമപ്രകാരം കേസെടുത്തിട്ടുണ്ട്.
