പല്‍ഗര്‍: പന്ത്രണ്ടു വയസ്സുകാരന്‍ നിരന്തരമായി ലൈംഗികമായി പീഡിപ്പിച്ചതിനെത്തുടര്‍ന്ന് പത്തു വയസുകാരി ഗര്‍ഭിണിയായി. മഹാരാഷ്ട്രയിലെ പല്‍ഗര്‍ ജില്ലയിലെ ഒരു ഗ്രാമത്തില്‍ ശനിയാഴ്ചയാണ് സംഭവം. സംഭവത്തില്‍ 12കാരകനെതിരെ കേസ് റജിസ്റ്റര്‍ ചെയ്തു. പെണ്‍കുട്ടിയും ആണ്‍കുട്ടിയും അയല്‍വാസികളാണ്. കഴിഞ്ഞ നാല് മാസമായി ആണ്‍കുട്ടി പെണ്‍കുട്ടിയെ ബലാത്സംഗം ചെയ്ത് വരികയായിരുന്നെന്നാണ് പരാതിയില്‍ പറയുന്നത്.
കുറച്ച് ദിവസങ്ങള്‍ക്ക് മുമ്പ് തനിക്ക് വയറ് വേദന അനുഭവപ്പെടുന്നുവെന്ന് പെണ്‍കുട്ടി വീട്ടുകാരോട് പറയുകയായിരുന്നു. തുടര്‍ന്ന് മാതാപിതാക്കള്‍ കുട്ടിയുമായി ആശുപത്രിയില്‍ പരിശോധനയ്ക്ക് എത്തിയപ്പോഴാണ് കുട്ടി ഗര്‍ഭിണിയാണെന്ന വിവരം പുറത്തറിയുന്നത്.തുടര്‍ന്ന് മാതാപിതാക്കള്‍ ചോദ്യം ചെയ്തപ്പോള്‍ സംഭവിച്ച കാര്യങ്ങള്‍ കുട്ടി മാതാപിതാക്കളോട് തുറന്ന് പറയുകയായിരുന്നു. ഇതേത്തുടര്‍ന്ന് മാതാപിതാക്കള്‍ പോലീസ് സ്റ്റേഷനിലെത്തി പരാതി നല്‍കുകയായിരുന്നു. ആണ്‍കുട്ടിയെ ഇതുവരെ അറസ്റ്റ് ചെയ്തിട്ടില്ല. സംഭവത്തില്‍ അന്വേഷണം തുടരുകയാണെന്ന് പോലീസ് അറിയിച്ചു.
