കലിഫോര്ണിയ: കാണാതായ ഇന്ത്യന് വിദ്യാര്ഥിയെ മരിച്ചനിലയില് കണ്ടെത്തി. യൂണിവേഴ്സിറ്റി ഓഫ് കലിഫോര്ണിയ ബെര്ക്ക്ലിയില് കെമിക്കല് ആന്ഡ് ബയോമോളികുലാര് എന്ജിനിയറിംഗ് വിദ്യാര്ഥിയായ കര്ണാടക സ്വദേശി സാകേത് ശ്രീനിവാസയ്യ (22) ആണ് മരിച്ചത്.
ഈ മാസം ഒന്പതിനാണ് സാകേതിനെ കാണാതായത്. മൃതദേഹം കണ്ടെടുത്ത വിവരം സാന്ഫ്രാന്സിസ്കോയിലെ ഇന്ത്യന് കോണ്സുലേറ്റ് സ്ഥിരീകരിച്ചു. കൂടുതല് വിവരങ്ങള് പുറത്തുവിട്ടിട്ടില്ല.
കര്ണാടക സ്വദേശിയായ സാകേത് ഐഐടി മദ്രാസില്നിന്ന് കെമിക്കല് എൻജിനിയറിംഗില് ബിടെക് നേടി. യുസി ബെര്ക്ക്ലിയില്, കെമിക്കല് ആന്ഡ് ബയോമോളിക്യുലാര് എഞ്ചിനിയറിംഗില് ബിരുദാനന്തര ബിരുദം ചെയ്യുകയായിരുന്നു. സാകേതിന്റെ റൂംമേറ്റാണ് കാണാതായ വിവരം പോലീസില് അറിയിച്ചത്.
