അഹാനകൃഷ്ണ സംവിധാനം ചെയ്ത പൂക്കൾ എന്ന മ്യൂസിക് ആൽബത്തിന്റെ ട്രാക്കിന് നൃത്തം ചെയ്ത് കൃഷ്ണ സഹോദരിമാർ. സഹോദരിമാരായ ഇഷാനിക്കും ഹൻസികയ്ക്കുമൊപ്പമാണ് അഹാന നൃത്തം ചെയ്യുന്നത്.
ജയ് ഉണ്ണിത്താൻ സംഗീതമൊരുക്കിയതു മുതൽ വീണയുടെ ഈ നോട്ട് തന്റെ പ്രിയപ്പെട്ടതാണെന്നും ഈ ട്രാക്കിന് നൃത്തം ചെയ്യാനായി കാത്തിരിക്കുകയാണെന്നും അഹാന നേരത്തേ കുറിച്ചിരുന്നു. അന്നുമുതൽ അഹാനയുടെ ഡാൻസിനായി കാത്തിരിക്കുകയായിരുന്നു ആരാധകർ. മൂവരുടെയും നൃത്തത്തിന് വലിയ കൈയടികളാണ് ലഭിക്കുന്നത്.
നാല് ദശലക്ഷത്തിലധികം കാഴ്ചക്കാരാണ് ഇതിനകം ഈ വീഡിയോ കണ്ടത്. എന്നാൽ ദിയ ഇല്ലാത്ത കുറവ് ഉണ്ടെന്നാണ് ദിയാ ഫാൻസിന്റെ പരാതി.
