ഭരതനാട്യത്തിന്റെ രണ്ടാമത്തെ ഫ്രാഞ്ചൈസി മോഹിനിയാട്ടം ഒരു വലിയ ബ്ലോക് ബസ്റ്ററാക്കി തന്ന കേരളത്തിലെ പ്രേക്ഷകരോട് നന്ദി. ഇങ്ങനെ ഒരു പരിപാടിയില് പങ്കെടുക്കാന് പറ്റുമെന്ന് ജീവിതത്തില് ഞാന് വിചാരിച്ച കാര്യമല്ല. ഞാന് സപ്പോര്ട്ടിംഗ് റോള് ചെയ്ത പല സിനിമകളും ഹിറ്റായ ശേഷം ഇങ്ങനെയുള്ള ആഘോഷങ്ങള് നടന്നിട്ടുണ്ട്.
എന്റെ ഓരോ പടം വരുമ്പോഴും ആ സിനിമ വലിയ വിജയമാകുമെന്ന് വെറുതെയെങ്കിലും ഞാന് ചിന്തിച്ചിരുന്നു. പക്ഷേ അതൊന്നും സംഭവിക്കാതെ പോയി. പക്ഷേ മോഹിനിയാട്ടത്തില് അത് സംഭവിച്ചു. ഇതൊരു സ്വപ്നം പോലെയാണ് എനിക്ക് ഫീല് ചെയ്യുന്നത്. ദൈവം എനിക്കിത് തന്നല്ലോ. 21 വര്ഷത്തെ കാത്തിരിപ്പാണ്.
എന്താകും എന്റെ കരിയര് എന്ന് എനിക്കും അമ്മയ്ക്കും ഭാര്യയ്ക്കും മക്കള്ക്കും അച്ഛനും അറിയില്ലായിരുന്നു. പക്ഷേ ദൈവത്തില് ഞാന് ഭയങ്കരമായി വിശ്വസിച്ചിരുന്നു. സിനിമകള് കിട്ടുമെന്ന് മാത്രമല്ല എന്റെ അഭിനയവും ദൈവം നന്നാക്കി തരുമെന്ന വിശ്വാസം എനിക്കുണ്ടായിരുന്നു. ഇൻഡസ്ട്രിയുടെ പിന്തുണ കൊണ്ട് എനിക്ക് സിനിമകള് കിട്ടിത്തുടങ്ങി.
കാമറയ്ക്കുമുന്നില് അഭിനയിച്ച് അഭിനയിച്ച് ഇപ്പോള് നിങ്ങള് കാണുന്ന സൈജു കുറുപ്പാകാന് പറ്റി. എന്റെ കുടുംബം ഹാപ്പിയാണ്. എനിക്ക് ശരിക്ക് സന്തോഷിക്കാന് പറ്റുന്നില്ല. ഉള്ളില് ഞാന് തുള്ളിച്ചാടുകയാണ്. നിങ്ങളുടെ അനുഗ്രഹം കൊണ്ടാണ് ഇതെല്ലാം സംഭവിച്ചത്. -സൈജു കുറുപ്പ്
