നാടുകാണി: നാടുകാണിയിലെ കുടിവെള്ള പ്ലാന്റിൽ അതിക്രമിച്ചു കയറി നാശനഷ്ടം വരുത്തിയ സംഭവത്തിൽ പൊലിസ് കേസെടുത്തു. പുഷ്പഗിരി വട്ടക്കുടിയിൽ റോബിൻ തോമസ് പാർട്ണറായി നിർമിച്ച നാടുകാണിയിലെ കുടിവെള്ള പ്ലാന്റിലാണ് സംഭവം.
അതിക്രമിച്ചുകയറിയ സാമൂഹ്യവിരുദ്ധർ ഫർണിച്ചറുകളും ആർഒ പ്ലാന്റും ഐഎസ്ഐ ലാബും മറ്റും നശിപ്പിക്കുകയായിരുന്നു. 12 ലക്ഷം രൂപയുടെ നാശനഷ്ടം ഉണ്ടായതായാണ് പരാതി. ഒക്ടോബർ 20 നും നവംബർ13 നും ഇടയിലുള്ള സമയത്താണ് അതിക്രമം നടന്നത്. സംഭവത്തിൽ തളിപ്പറമ്പ് പൊലിസ് കേസെടുത്തു അന്വേഷണം ആരംഭിച്ചു.
