ന്യൂഡൽഹി: ഭാരത് ജോഡോ ന്യായ് യാത്രയുടെ ആന്തം പുറത്തിറങ്ങി. കോൺഗ്രസ് മുൻ അധ്യക്ഷൻ രാഹുല് ഗാന്ധി ആന്തം സാമൂഹിക മാധ്യമങ്ങളിലൂടെ പങ്കുവച്ചു.
ഇതിനോടൊപ്പം തന്നെ ഭാരത് ജോഡോ ന്യായ് യാത്രയുടെ മുന്നൊരുക്കത്തിന്റെ ഭാഗമായി പൗരസമൂഹത്തോട് രാഹുൽ ഗാന്ധി സംവദിച്ചു. യാത്രയിൽ ഉന്നയിക്കേണ്ട വിഷയങ്ങളെ സംബന്ധിച്ചുള്ള കാര്യങ്ങളാണ് രാഹുൽ ഗാന്ധി പൗരസമൂഹത്തോട് ചോദിച്ചത്. തൊഴിലില്ലായ്മ, ദളിത് ആദിവാസി പിന്നാക്ക വിഭാഗങ്ങൾ നേരിടുന്ന പ്രശ്നങ്ങൾ, വിലക്കയറ്റം മുതലായ വിഷയങ്ങൾ യാത്രയിൽ ഉന്നയിക്കണമെന്നുള്ള മറുപടിയാണ് ലഭിച്ചത്.
ഭാരത് ജോഡോ ന്യായ് യാത്ര ജനുവരി 14 ന് മണിപ്പൂരിൽ നിന്ന് ആരംഭിക്കും. 110 ജില്ലകൾ 100 ലോക്സഭാ സീറ്റുകൾ 337 നിയമസഭാ സീറ്റുകൾ ഉൾപ്പെടെ 15 സംസ്ഥാനങ്ങളിലൂടെ യാത്ര കടന്നുപോകും. കോൺഗ്രസ് അധ്യക്ഷൻ മല്ലികാർജുന ഖാർഗെ മണിപ്പൂരിൽ യാത്ര ഫ്ലാഗ് ഓഫ് ചെയ്യും. വീഡിയോ കാണാൻ ഇവിടെ ക്ലിക് ചെയ്യുക.