ഓട്ട മത്സരത്തിൽ ഒപ്പം ഓടിയ സുഹൃത്തിന് പരിക്ക് പറ്റിയപ്പോൾ താങ്ങി എടുക്കുന്ന മത്സരാർഥികളാണ് സുഹൃത്തുക്കൾക്ക് ഏറ്റവും ഉദാത്തമായ ഉദാഹരണം. നല്ല സമറായക്കാരന്റെ ഉപമ ജീവിതത്തിൽ അന്വർഥമായതിൽ സന്തോഷംകൊണ്ട് ആശംസകൾ നേർന്ന് സമൂഹ മാധ്യമങ്ങൾ .
ബോസ്റ്റൺ മാരത്തണിൽ ആദ്യമായി ഓടുന്ന അജയ് ഹരിദാസ് എന്ന യുവാവ് ഓട്ട മത്സരത്തിനിടയ്ക്ക് വീണ് പരിക്ക് പറ്റി എഴുന്നേൽക്കാനാവാതെ ട്രാക്കിൽ കിടന്നപ്പോൾ കാണികളല്ല എഴുന്നേൽക്കാൻ സഹായിച്ചത് മറിച്ച് കൂടെ ഓടിയ അപരിചിതരായ സൂഹൃത്തുക്കൾ തന്നെയാണ്. ഒരു നല്ല സമറായക്കാരനെപ്പോലെ കൂടെ ഓടിയ സുഹൃത്തിനെ താങ്ങികൊണ്ട് ഓടിയ രണ്ട് മത്സരാർഥികളാണ് സമൂഹ മാധ്യമത്തിന്റെ കൈയടികൾ ഏറ്റുവാങ്ങിയത്.
ഹൃദയസ്പർശിയായ ഈ നിമിഷം കാണികളുടെ കണ്ണ് നിറയ്ക്കുന്നതാണെന്ന് സോഷ്യൽ മീഡിയ കുറിച്ചു. റോബ്സൺ ഒലിവേറ, ആരോൺ ബെഗ്സ് എന്ന രണ്ട് യുവാക്കളാണ് ഹരി ദാസിനെ തോളിൽ താങ്ങികൊണ്ട് ഓട്ട മത്സരം പൂർത്തിയാക്കിയത്.
ഞാൻ ഓടി ഫിനിഷിംഗ് ലൈൻ അടുത്തെത്തിയപ്പോളഅ് ഹരി വീഴുന്നത് കണ്ടെന്നും തിരിഞ്ഞ് ഓടി പോയി എടുക്കണം എന്ന് പെട്ടെന്ന് തോന്നിയതായും റോബ്സൺ ഒലിവേറ പറഞ്ഞു. റോബ്സൺ ഒലിവേറയാണ് ഈ ദൃശ്യങ്ങൾ പങ്കുവച്ചതിന് മറുപടിയായി മനോഹരമായ വാക്കുകൾ സമൂഹ മാധ്യമങ്ങളിൽ പോസ്റ്റ് ചെയ്തിരിക്കുന്നത്.
