ആലപ്പുഴ: സ്വകാര്യ പാഴ്സൽ സർവീസ് വഴി കൊൽക്കത്തയിൽ നിന്ന് തിരുവനന്തപുരത്തേക്ക് കടത്തുകയായിരുന്ന നിരോധിത ലഹരി വസ്തുക്കൾ ആലപ്പുഴയിൽ എക്സൈസ് സംഘം പിടികൂടി. സ്വകാര്യ പാഴ്സൽ സർവീസിന്റെ ഓഫീസിൽ ലോറിയിലെത്തിയ ലഹരി വസ്തുക്കളാണ് എക്സൈസ് ഇൻസ്പെക്ടർ ഉനൈസ് അഹമ്മദിന്റെ നേതൃത്വത്തിലുള്ള സംഘം പിടികൂടിയത്. കൊൽക്കത്തയിൽ നിന്നും ആലപ്പുഴയിലെത്തിയ പാഴ്സൽ ലോറിയിലെ സാധനങ്ങൾ ഗോഡൗണിൽ തരംതിരിക്കുന്നതിനിടയിലാണ് എക്സൈസ് സംഘം ഇവ കണ്ടെത്തിയത്. ലോറിയിലെ കെട്ടുകളിൽ ചിലത് ലഹരി വസ്തുക്കളാണെന്ന വിവരം എക്സൈസിന് ലഭിച്ചതിനെത്തുടർന്നായിരുന്നു പരിശോധന. തിരുവനന്തപുരത്തെ വസ്ത്ര വ്യാപാര ശാലയിലേക്കുള്ള തുണിക്കെട്ടുകൾക്കൊപ്പമുണ്ടായിരുന്ന രണ്ട് ചാക്കുകളിലായിരുന്നു ലഹരിവസ്തുക്കൾ. 20 പായ്ക്കറ്റുകളടങ്ങിയ പെട്ടികളാക്കിയായിരുന്നു ഇവ ചാക്കിൽ അടുക്കിയിരുന്നത്. 5500 പായ്ക്കറ്റ് ലഹരി വസ്തുക്കളാണ് എക്സൈസ് കണ്ടെടുത്തത്. 84 കിലോ ഗ്രാം വരുന്ന ഇവയ്ക്ക് വിപണിയിൽ രണ്ടേ മുക്കാൽ ലക്ഷം രൂപയോളം വില വരുമെന്നാണ് കരുതുന്നത്. ബംഗാൾ സ്വദേശിയുടെ പേരിലായിരുന്നു കൊൽക്കത്തയിൽ നിന്ന് പാഴ്സൽ…
Read MoreCategory: Alappuzha
വാർത്തതുണയായി..! കഞ്ചാവിന്റെ പിടിയിലമരുന്ന കുട്ടനാട്; വാർത്തയെ തുടർന്ന് പോലീസ് അന്വേഷണത്തിൽ പിടിയിലായത് അഞ്ചുപേർ; ദിവസ വാടകയ്ക്ക് വാഹനം എടുത്താണ് ഇവരുടെ വിൽപനയെന്ന് പോലീസ്
മങ്കൊന്പ്(ആലപ്പുഴ): കുട്ടനാട്ടിൽ വിവിധ സ്ഥലങ്ങളിൽ എക്സൈസ് സ്പെഷൽ സ്ക്വാഡ് സിഐ കെ.ആർ. ബാബുവിന്റെ നേതൃത്വത്തിൽ നടത്തിയ വാഹനപരിശോധനയിലും അന്വേഷണത്തിലും കഞ്ചാവുമായി അഞ്ചുപേർ പിടിയിൽ. ആലപ്പുഴ-ചങ്ങനാശേരി റോഡിൽ പൂപ്പള്ളി, മങ്കൊന്പ്, കിടങ്ങറ എന്നിവിടങ്ങളിൽ നടത്തിയ അന്വേഷണത്തിലും വാഹന പരിശോധനയിലുമാണ് ഇവർ പിടിയിലായത്. കുട്ടനാടിന്റെ വിവിധ പ്രദേശങ്ങളിൽ കഞ്ചാവിന്റെയും ലഹരിവസ്തുക്കളുടെയും വിൽപ്പനയും, ഉപയോഗവും വ്യാപകമാകുന്നതായി കഴിഞ്ഞ ദിവസങ്ങളിൽ തുടർച്ചയായി ദീപികയിൽ റിപ്പോർട്ട് ചെയ്തിരുന്നു. മൂന്നു കേസുകളിലായാണ് അഞ്ചുപേരെ അറസ്റ്റു ചെയ്തത്. കിടങ്ങറ പാലത്തിനു കിഴക്കുവശം വച്ചാണ് ഇന്നോവ കാറിൽ കടത്തിയ രണ്ടുകിലോ 100 ഗ്രാം കഞ്ചാവ് കണ്ടെടുത്തത്. ചങ്ങനാശ്ശേരി പെരുന്ന ഒളശപുരയിടം വീട്ടിൽ ബാലന്റെ മകൻ നിബിൻ (30), പെരുന്ന ഫാത്തിമാപുരം മലയിൽ പുതുപറന്പിൽ കൃഷ്ണൻകുട്ടിയുടെ മകൻ കിഷോർ (24) എന്നിവരെ അറസ്റ്റ് ചെയ്തത്. ഇവർ ചങ്ങനാശേരി സ്വദേശിയിൽനിന്നും ദിവസ വാടകയ്ക്ക് വാഹനം എടുത്ത് തമിഴ്നാട്ടിലെ കന്പത്തുനിന്നും എത്തിച്ചതാണ് കഞ്ചാവെന്നും…
Read Moreതെറ്റു കണ്ടാൽ ഇനിയും പറയും..! മന്ത്രി ജി.സുധാകരന്റെ നിലപാടിനെതിരെ ജില്ലാ പഞ്ചായത്തംഗം രംഗത്ത്; പൊതു പരിപാടികളിൽ നിന്ന് തന്നെ ഒഴിവാക്കുന്ന മന്ത്രി ജി.സുധാകരന്റെ നിലപാടിനെതിരെ മന്ത്രിക്ക് പരാതി നൽകാനൊരുങ്ങി എ ആർ കണ്ണൻ
അന്പലപ്പുഴ: പൊതു പരിപാടികളിൽ നിന്ന് തന്നെ ഒഴിവാക്കുന്ന മന്ത്രി ജി.സുധാകരന്റെ നിലപാടിനെതിരെ ജില്ലാ പഞ്ചായത്തംഗം എ.ആർ.കണ്ണൻ രംഗത്ത്. രാഷ്ട്രീയ പ്രതികാരം തീർക്കാൻ മന്ത്രി സത്യപ്രതിജ്ഞാലംഘനം നടത്തുകയാണെന്നും എ.ആർ. കണ്ണൻ ആരോപിച്ചു. അന്പലപ്പുഴ ഗവ. മോഡൽ സ്കൂളിലെ ഓഡിറ്റോറിയ നിർമാണത്തിലെ അഴിമതിയുമായി ബന്ധപ്പെട്ട് വിജിലൻസിന് പരാതി നൽകിയ ശേഷമാണ് മന്ത്രി തന്നെ പൊതുപരിപാടികളിൽ നിന്ന് ഒഴിവാക്കി തുടങ്ങിയതെന്നാണ് ആരോപണം. ഓഡിറ്റോറിയ നിർമാണത്തിലെ അഴിമതിയെക്കുറിച്ച് മന്ത്രിയോട് നേരിട്ട് പരാതി പറഞ്ഞിട്ടും ഫലമില്ലാതെ വന്നപ്പോഴാണ് വിജിലൻസിന് പരാതി നൽകിയത്. സമാന സംഭവം കെ.കെ. കുഞ്ചുപിള്ള സ്കൂളിൽ ഉണ്ടായപ്പോൾ മന്ത്രി സ്വയം പരാതിക്കാരനായി മാറുകയായിരുന്നു. ജില്ലാ പഞ്ചായത്തംഗമായ തന്നെ സർക്കാർ പരിപാടികളിൽ പങ്കെടുപ്പിക്കില്ലെന്ന തരത്തിൽ മന്ത്രി പ്രസംഗിച്ചത് സത്യപ്രതിജ്ഞാലംഘനമാണ്. രാഷ്ട്രീയ വിരോധത്തിന്റെ പേരിൽ ഒരു ജനപ്രതിനിധിയെ പൊതുപരിപാടികളിൽ നിന്നും മാറ്റി നിർത്തുന്നത് മാന്യതയ്ക്കു നിരക്കാത്തതാണെന്ന് മന്ത്രി സ്വയം വിലയിരുത്തണമെന്നും കണ്ണൻ പറഞ്ഞു.ഇതിനെതിരെ മുഖ്യമന്ത്രിക്കും,…
Read Moreപ്രസവം കഴിഞ്ഞ യുവതിക്ക് കടുത്ത വയറുവേദന! ശുചിമുറിയില് പോയപ്പോള് പുറത്തുവന്നത് മൂന്നു മീറ്ററോളം നീളമുള്ള തുണി; അമ്പലപ്പുഴയിലെ സംഭവത്തെക്കുറിച്ച് ബന്ധുക്കള്…
അന്പലപ്പുഴ: പ്രസവം കഴിഞ്ഞ് വീട്ടിലേക്കു മടങ്ങിയ യുവതി ശുചി മുറിയിൽ പോയപ്പോൾ മൂന്നു മീറ്ററോളം നീളമുള്ള തുണി പുറത്തുവന്നു. ആശുപത്രിയിലെ പിഴവെന്നാരോപിച്ച് ബന്ധുക്കൾ പോലീസിനും, ആശുപത്രി സൂപ്രണ്ടിനും പരാതി നൽകി. ആലപ്പുഴ മെഡിക്കൽ കോളജ് ആശുപത്രിയിൽ കഴിഞ്ഞ 29നാണ് പുന്നപ്ര സ്വദേശിനിയായ യുവതി പെണ്കുഞ്ഞിന് ജന്മം നൽകിയത്. ഒന്പതുമണിക്കൂർ കഴിഞ്ഞാണ് യുവതിയെ ബന്ധുക്കളെ കാണിച്ചത്. രക്തസ്രാവം നിലക്കാതിരുന്നതുകൊണ്ടാണ് വാർഡിലേക്കു മാറ്റാൻ താമസിച്ചതെന്നാണ് ഡ്യൂട്ടി ഡോക്ടർ ബന്ധുക്കളോടു പറഞ്ഞത്. പിന്നീട് ദിവസങ്ങൾക്കുശേഷം വീട്ടിലേക്കു മടങ്ങിയ യുവതി കടുത്ത വയറുവേദന അനുഭവിച്ചിരുന്നു. കഴിഞ്ഞ നാലിന് വീട്ടിലെ ശുചി മുറിയിൽ വച്ച് മൂന്നു മീറ്ററോളം തുണി പുറത്തു വരുകയും, യുവതി ബോധരഹിതയായി വീഴുകയുമായിരുന്നു. ഉടൻ തന്നെ ബന്ധുക്കൾ ഇവരെ ആശുപത്രിയിലെത്തിച്ചു തുടർന്ന് സ്കാനിംഗിന് വിധേയയാക്കിയ യുവതിയെ പിന്നീട് ലേബർ മുറിയിൽ വീണ്ടും പ്രവേശിപ്പിച്ചു. കുഞ്ഞിന് മുലപ്പാൽ കൊടുക്കാൻ പോലും യുവതിക്ക് കഴിഞ്ഞിരുന്നില്ലെന്ന്…
Read Moreപിതാവ് കാണിച്ച ആ ചിത്രങ്ങള് തുണയായി! ആലപ്പുഴയില് വീട്ടുമുറ്റത്തു കളിച്ചുകൊണ്ടിരുന്ന കുട്ടിയെ തട്ടിക്കൊണ്ടുപോകാന് ശ്രമം; ആന്ധ്ര സ്വദേശി പിടിയില്
ആലപ്പുഴ: വീട്ടുമുറ്റത്തു കളിച്ചുകൊണ്ടിരുന്ന മൂന്നുവയസുള്ള കുട്ടിയെ തട്ടിക്കൊണ്ടുപോകാൻ ശ്രമം നടത്തിയ ആന്ധ്ര സ്വദേശിയെ നാട്ടുകാർ പിടികൂടി പോലീസിൽ ഏൽപ്പിച്ചു. ആന്ധ്ര സ്വദേശിയായ ചിന്നപ്പൻ (75) ആണ് പിടിയിലായത്. വീട്ടുകാർ ബഹളം വെച്ചതിനെ തുടർന്നു ഓടിയയാളെ നാട്ടുകാർ കൈയ്യോടെ പിടികൂടുകയായിരുന്നു. പാണാവള്ളി പഞ്ചായത്ത് ആറാംവാർഡിൽ കൃപയിൽ സജീവന്റെ മകനെയാണ് ഇയാൾ തട്ടിക്കൊണ്ടുപോകാൻ ശ്രമം നടത്തിയത്. സംഭവ ദിവസം രാവിലെ അരയംകാവ് ക്ഷേത്രപ്രദേശത്ത് എത്തിയെന്ന് പറയപ്പെടുന്ന ഇയാൾ വീട്ടുമുറ്റത്ത് കളിച്ചുകൊണ്ടിരുന്ന കുട്ടിയെ പത്തുരൂപ കാട്ടി അടുക്കലേക്ക് വിളിയ്ക്കുവാൻ ശ്രമിച്ചു. തലേദിവസം കുട്ടികളെ തട്ടിക്കൊണ്ടു പോകുന്ന ചിത്രങ്ങൾ നവമാധ്യമങ്ങളിൽ വന്നത് പിതാവ് കാട്ടിയിരുന്നതിനാൽ ഭയപ്പെട്ട് കുട്ടി നിലവിളിയ്ക്കുകയും നാട്ടുകാർ ചേർന്ന് ഇയാളെ പിടികൂടി പൂച്ചാക്കൽ സ്റ്റേഷനിൽ ഏൽപ്പിക്കുകയുമായിരുന്നു. ഇയാളുടെ പക്കൽനിന്ന് ഒൻപതിനായിരം രൂപയും, നാല് ഉപയോഗിച്ചു കഴിഞ്ഞ ഐസ്ക്രീം ബോളുകളും, രണ്ട് ബിങ്കോ, ചവണ, ബ്ലേഡുകൾ, പുതിയ നൂറോളം മുള്ളാണികൾ എന്നിവ…
Read Moreവിദേശത്ത് വാഹനാപകടത്തിൽ പരിക്കേറ്റ പുന്നപ്ര സ്വദേശി പ്രജീഷ് മുരളീധരൻ മരിച്ചു; പ്രിജീഷ് സഞ്ചരിച്ചിരുന്ന കാർ മറ്റൊരു കാറിന്റെ പിന്നിലിടിച്ചാണ് അപകടം
അന്പലപ്പുഴ: പുന്നപ്ര സ്വദേശി വിദേശത്ത് വാഹന അപകടത്തിൽ മരിച്ചു. പുന്നപ്ര തെക്ക് പഞ്ചായത്ത് ഏഴാം വാർഡിൽ കരിഞ്ചീര വെളിയിൽ മുരളീധരൻ- കാഞ്ചന ദന്പതികളുടെ ഏകമകൻ പ്രജീഷ് മുരളീധരൻ (28) ആണ് മരിച്ചത്. ചൊവ്വാഴ വൈകുന്നേരത്തോടെ ദുബൈയിലെ റാസൽഖൈമയിലായിരുന്നു അപകടം. പ്രിജീഷ് സഞ്ചരിച്ചിരുന്ന കാർ മറ്റൊരു കാറിന്റെ പിന്നിലിടിച്ചാണ് അപകടമുണ്ടായത്. ഇടിയുടെ ആഘാതത്തിൽ തലക്ക് ഗുരുതരമായി പരിക്കേറ്റ പ്രജീഷിനെ റാസൽ ഖൈമയിലെ ആശുപത്രിയിൽ പ്രവേശിപ്പിച്ചങ്കിലും വ്യാഴാഴ്ച വൈകുന്നേരം 4.30 ഓടെ മരണം സംഭവിക്കുകയായിരുന്നു. ഷാർജായിലെ ലിഫ് കൊ, അൽ റവാബി ട്രേഡിഗ് കന്പനിയിലെ മർച്ചന്റ് എയിസർ ആയിരുന്നു പ്രജീഷ്. ഇദ്ദേഹം സഞ്ചരിച്ചിരുന്ന വാഹനത്തിന്റെ ഡ്രൈവർ തമിഴ്നാട് സ്വദേശിയായ ധർമ ലിംഗം നിസാര പരിക്കുകളോടെ രക്ഷപെടുകയായിരുന്നു. പ്രജീഷിന്റെ മൃദേഹം നാട്ടിലെത്തിക്കാനുള്ള നടപടികൾ ആരംഭിച്ചു.
Read Moreകപടപ്രഖ്യാപനങ്ങളുടെ കടലാസുകൂട്ടം..! ബജറ്റിൽ പ്രഖ്യാപനങ്ങൾ നടത്തിയെന്നതൊഴിച്ചാൽ തുക വകയിരുത്തിയിട്ടില്ല; ആലപ്പുഴ ജില്ലയ്ക്ക് ആശാവഹമായ ഒന്നുമില്ലെന്ന് എം ലിജു
ആലപ്പുഴ: കപട പ്രഖ്യാപനങ്ങളുടെ കടലാസുകൂട്ടമാണ് മന്ത്രി തോമസ് ഐസക് അവതരിപ്പിച്ച ബജറ്റെന്ന് ഡിസിസി പ്രസിഡൻറ് എം. ലിജു. പ്രഖ്യാപനങ്ങൾ നടത്തിയെന്നതൊഴിച്ചാൽ തുക വകയിരുത്തിയിട്ടില്ല. പ്രത്യേകിച്ച് തീരദേശമേഖലയിൽ പാക്കേജ് പ്രഖ്യാപനം നടത്തിയ മന്ത്രി തുക വകകൊള്ളിച്ചിട്ടില്ല. കടൽഭിത്തി, പുലിമുട്ട്നിർമാണം, കടൽക്ഷോഭത്തിൽ വീട് നഷ്ടപ്പെട്ടവരുടെ പുനരധിവാസം എന്നിവയെ സംബന്ധിച്ച് വ്യക്തതയില്ല. ക്ഷേമപെൻഷൻകാർക്ക് സാമൂഹ്യ സുരക്ഷാ പെൻഷൻ നിഷേധിച്ചിരിക്കുന്നു. പുതിയ പതിനായിരക്കണക്കിന് അപേക്ഷ കെട്ടിക്കിടക്കുന്നതിനേക്കുറിച്ചും മൂന്നുമാസമായി പുതിയ അപേക്ഷകൾ സ്വീകരിക്കാത്തതിനെക്കുറിച്ചും ബജറ്റിൽ മന്ത്രി ഒന്നും പറയുന്നില്ല. പൊതുമേഖലാ സ്ഥാപനങ്ങളുടെ പുനരുദ്ധാരണത്തിന് കാതലായ നിർദേശം ബജറ്റിലില്ല. മുൻ ബജറ്റിലെ വാഗ്ദാനങ്ങൾ ഒന്നുംപാലിക്കാതെ അതേ കാര്യങ്ങൾ ഈ ബജറ്റിലും ആവർത്തിച്ചിരിക്കുകയാണ്. കായംകുളം താലൂക്ക് ഇത്തവണയും പ്രഖ്യാപിക്കാത്തത് പ്രതിഷേധാർഹമാണ്. കയർ മേഖലയിൽ കോടികളുടെ പ്രഖ്യാപനം നടത്തുന്നതല്ലാതെ കാര്യങ്ങൾ ഒന്നും നടക്കുന്നില്ല. കഴിഞ്ഞ ബജറ്റിൽ ജില്ലയിലെ ടൂറിസം മേഖലയ്ക്കായി പ്രഖ്യാപിച്ച പലതും കടലാസിൽ തന്നെയാണ്. ഈ ബജറ്റിൽ…
Read Moreവല്ലാത്ത ചതിയായിപ്പോയി..! മുന്നറിയിപ്പില്ലാതെ ബോട്ട് സർവീസ് നിർത്തി; കുട്ടനാടൻ മേഖലയിലെ യാത്രാക്ലേശം ദുരിതത്തിലായി; പുതിയ അഞ്ചുബോട്ടുകൾ ഉടൻ ഇറങ്ങുമെന്ന് അധികൃതർ
എടത്വ: മുന്നറിയിപ്പില്ലാതെ ബോട്ട് സർവീസ് നിർത്തിയതോടെ കുട്ടനാടൻ മേഖലയിൽ യാത്രാക്ലേശം. പായിപ്പാട്ടു നിന്നും ആലപ്പുഴയ്ക്കും കാരിച്ചാലിൽ നിന്നും ചങ്ങനാശേരിയിലേക്കുമുള്ള രണ്ടു ബോട്ടുകളാണ് യാതൊരു മുന്നറിയിപ്പും ഇല്ലാതെ നിർത്തിയത്. രണ്ടു ബോട്ടുകളും രാവിലെയും വൈകുന്നേരവുമായി രണ്ടു നേരങ്ങളിലാണ് സർവീസ് നടത്തിയിരുന്നത്. പായിപ്പാട് നിന്നും ആലപ്പുഴയ്ക്കുള്ള ബോട്ട് രാവിലെ 7.45നു പുറപ്പെട്ട് രാത്രി 7.45ന് തിരികെയെത്തും. കാരിച്ചാലിൽനിന്നും സർനീസ് നടത്തുന്ന ബോട്ട് പുലർച്ചെ 5.30ന് സർവീസ് നടത്തി വൈകുന്നേരം 5.30 ന് തിരികെയെത്തിയിരുന്നതാണ്. സർവീസ് നിർത്തലാക്കിയതോടെ കർഷകത്തൊഴിലാളികളും മത്സ്യത്തൊഴിലാളികളും ഏറെ ബുദ്ധിമുട്ടിലായി. കുട്ടനാടൻ പ്രദേശങ്ങളിലെ പാടശേഖരങ്ങളിൽ തൊഴിലാളികൾ തൊഴിൽ തേടിപോയിരുന്നതിനും മത്സ്യത്തൊഴിലാളികൾ മത്സ്യവിപണനം നടത്തുന്നതിനും യാത്രയ്ക്കായി ആശ്രയിച്ചതും ഈ ബോട്ട് സർവീസുകളെ ആയിരുന്നു. ചെറുതന, ആയാപറന്പ്, കുറിച്ചിക്കൽ, തണ്ടപ്ര, കുന്നുമ്മ, തകഴി, പുളിങ്കുന്ന്, പുല്ലങ്ങടി, ചന്പകുളം, മങ്കൊന്പ്, കാവാലം, നെടുമുടി എന്നിവിടങ്ങളിലേക്ക് എത്താനുള്ള സർവീസുകളായിരുന്നു ഇത്. കുട്ടനാട്ടിലെ മറ്റ് സ്ഥലങ്ങളിൽ…
Read Moreചെറിയൊരു വിലപേശൽ; ചെങ്ങന്നൂർ ഉപതെരഞ്ഞെടുപ്പിൽ തങ്ങളെ സഹായിക്കുമെന്ന് ഉറപ്പുതരുന്നവരെ സഹായിക്കുമെന്ന് സമസ്ത നായർ സമാജം
മാവേലിക്കര:സമസ്ത നായർ സമാജത്തിന്റെആവശ്യങ്ങൾക്കായും അസംബ്ലിയിൽ ശബ്ദമുയർത്തുമെന്ന് തങ്ങൾക്ക് ഉറപ്പുനൽകുന്നവരെ ചെങ്ങന്നൂർ ഉപതെരഞ്ഞെടുപ്പിൽ സഹായിക്കുമെന്ന് സമസ്ത നായർ സമാജം സംസ്ഥാന ട്രഷറാർ പുതുക്കേരി സുരേന്ദ്രനാഥ്. തങ്ങൾ തുല്യ നീതിക്കായാണ് പോരാടുന്നത് മറ്റുള്ളവരുടെ അവകാശങ്ങൾ തട്ടിയെടുക്കാനല്ല. ഇതിനായി ഞങ്ങൾക്ക് ഒപ്പം നിൽക്കുമെന്ന് ഏതു സ്ഥാനാർത്ഥി ഉറപ്പുനൽകുന്നോ അവരെ വ്യക്തിപരമായി സഹായിക്കും. സംഘടനയ്ക്ക് ഒരു രാഷ്ട്രീയ പാർട്ടികളോടും അടുപ്പമില്ല. കഴിഞ്ഞ തെരഞ്ഞെടുപ്പിൽ ഒ. രാജഗോപാലിനെ സഹായിച്ചതും പാർട്ടി നോക്കിയല്ല. അദ്ദേഹം ഞങ്ങളുമായി സഹകരിച്ചതിന്റെ പ്രത്യുപകാരമായാണെന്നും അദ്ദേഹം കൂട്ടിച്ചേർത്തു.
Read Moreവീട്ടിൽ അതിക്രമിച്ച് കയറി എൺപതുകാരിയെ അതിക്രൂരമായി പീഡിപ്പിച്ച തമിഴ്നാട് സ്വദേശി അറസ്റ്റിൽ; ആശുപത്രിയിൽ കഴിയുന്ന വയോധിക ആരോഗ്യനില ഗുരുതരം; സംഭവത്തിൽ വനിതാ കമ്മീഷൻ കേസെടുത്തു
ഇലന്തൂർ: പ്രക്കാനത്ത് വയോധികയെ കെട്ടിയിട്ടു പീഡിപ്പിച്ച സംഭവത്തിൽ തമിഴ്നാട് സ്വദേശി അറസ്റ്റിലായി. തമിഴ്നാട് മാർത്താണ്ഡം സ്വദേശി ചെല്ലദുരൈ (49) യാണ് പിടിയിലായത്. ടാപ്പിംഗ് തൊഴിലാളിയാണ്. 12 വർഷമായി ഇലന്തൂരിനടുത്ത് കെ.വി. മത്തായി ഉപദേശിയുടെ വീട്ടിൽ വാടകയ്ക്ക് താമസിക്കുകയായിരുന്നു. ഭാര്യയും മക്കളും നാട്ടിൽ പോയതിനാൽ ഇയാൾ ഒറ്റയ്ക്കായിരുന്നു കഴിഞ്ഞ ദിവസങ്ങളിൽ താമസം. പ്രക്കാനത്തിനു സമീപം തനിയെ താമസിക്കുന്ന വയോധികയെ കെട്ടിയിട്ട ശേഷം പീഡിപ്പിക്കുകയായിരുന്നുവെന്ന് ഇയാൾ പോലീസിനോടു പറഞ്ഞു. വീടിന്റെ ജനൽ അഴി തകർത്താണ് അകത്തുകടന്നത്. ചെല്ലദുരൈയുമായി ഇന്നലെ പോലീസ് സംഭവസ്ഥലത്തെത്തി തെളിവെടുത്തു. ഇയാളുടെ വീട്ടിലും കൊണ്ടുവന്നിരുന്നു. പിന്നീട് കോടതിയിൽ ഹാജരാക്കി റിമാൻഡു ചെയ്തു. ആശുപത്രിയിൽ കഴിയുന്ന വയോധിക ആരോഗ്യനില വീണ്ടെടുത്തിട്ടില്ല. ആന്തരികാവയവങ്ങൾക്ക് ക്ഷതമേറ്റിട്ടുണ്ടെന്ന് പരിശോധിച്ച ഡോക്ടർമാർ പറഞ്ഞു. കയർ കെട്ടി മുറുക്കിയതിന്റെ മുറിവുകൾ പുറമേയുണ്ട്. തിങ്കളാഴ്ച രാത്രി ഒന്പതിനു ശേഷമാണ് ചെല്ലദുരൈ വീട്ടിൽ അതിക്രമിച്ചു കയറിയതെന്ന് പറയുന്നു. ചൊവ്വാഴ്ച…
Read More