സ്വന്തം ലേഖകൻ കോഴിക്കോട്: തിരക്കുപിടിച്ച ജോലിക്കിടയിൽ നിന്നും ഓടി ഫോണ്എടുക്കുന്പോൾ കേൾക്കുന്നു സേവനദാതാക്കളുടെ ഓഫർ കോളുകൾ. ആളുകൾക്ക് ദേഷ്യം വരാൻ വേറെ എന്തെങ്കിലും കാരണം വേണോ…മെസേജ് ആണെങ്കിൽ പോട്ടെ.. ഉപയോക്താക്കളെ പിഴിയുന്നതോ പോട്ടെ ഇങ്ങനെ ബുദ്ധിമുട്ടിക്കണോ…എത്രയൊക്കെ തടയാൻശ്രമിച്ചിട്ടും മൊബൈൽ സ്പാം മെസേജുകളും കോളുകളും ഇപ്പോഴും ഉപയോക്താക്കളുടെ ഇൻബോക്സിലേക്ക് വന്നുകൊണ്ടിരിക്കുന്നു. ട്രായ് നിർദേശത്തെ തുടർന്ന് കുറച്ചു കാലമായി കുറഞ്ഞിരുന്ന മൊബൈൽ സ്പാം മെസേജുകളും കോളുകളും വീണ്ടും വർധിക്കുന്നു. ബിസിനസ് താൽപര്യത്തോടെയുള്ളത്, ആളുകളെ തെറ്റിദ്ധരിപ്പിക്കുന്നതും തട്ടിപ്പിനിരയാക്കുന്നതുമായ മെസേജുകളും ഫോണ്കോളുകളും എല്ലാം നാൾക്കു നാൾ വർധിക്കുകയാണ്. ജിയോ സിം വന്നതിനു ശേഷം മറ്റു മൊബൈൽ കന്പനികൾ ഓഫറുകളുമായി വിളിക്കുന്നതും മെസേജ് അയക്കുന്നതും വർധിച്ചിരിക്കുകയാണ്. ഉപയോക്താക്കളെ തങ്ങളുടെ സേവനങ്ങൾ അറിയിച്ചു കൊടുക്കാനും മറ്റു സേവനദാതാക്കളിലേക്ക് പോകുന്നത് തടയാനുമാണ് ഇവർ ഇങ്ങനെ ചെയ്യുന്നത്. ഒരു ദിവസം മൂന്നും നാലു തവണയാണ് മൊബൈൽ കന്പനികൾ ഉപയോക്താക്കളെ…
Read MoreCategory: Kozhikode
മദ്യലഹരിയിൽ അച്ഛനെ മകൻ തലയ്ക്കടിച്ചു കൊലപ്പെടുത്തി; മൃതദേഹം കട്ടിലിൽ കിടത്തിയ ശേഷം നാടുവിട്ടു; സ്വാഭാവികമെന്ന്കരുതിയ മരണം കൊലപാതകമായകഥയിങ്ങനെ…
പള്ളിക്കൽ: പള്ളിക്കലിൽ പിതാവിനെ മർദിച്ച് കൊലപ്പെടുത്തിയ കേസിൽ അറസ്റ്റിലായ മകനുമായി പോലീസ് തെളിവെടുപ്പ് നടത്തി. പള്ളിക്കൽ കലവിപച്ച സ്വദേശി ഗണേശൻ എന്ന് വിളിക്കുന്ന വിനോദ് (34) ആണ് പിതാവ് ഷണ്മുഖൻ (66) നെ ക്രൂരമായി മർദിച്ച് കൊലപ്പെടുത്തിയ കേസിൽ പോലീസിന്റെ പിടിയിലായത്. ഷണ്മുഖത്തിന്റെ മരണത്തിൽ സംശയം തോന്നിയ നാട്ടുകാരുടെ പരാതിയെ തുടർന്ന് പള്ളിക്കൽ പോലീസ് നടത്തിയ അന്വേഷണത്തിലാണ് കൊലപാതകത്തിന്റെ ചുരുൾ അഴിഞ്ഞത്. ഇക്കഴിഞ്ഞ 26 ന് രാവിലെയാണ് ഷണ്മുഖത്തിനെ വീടിനുള്ളിൽ മരിച്ച നിലയിൽ കണ്ടെത്തിയത്. ഷണ്മുഖത്തിനെ മർദിച്ച് കൊലപ്പെടുത്താൻ ഉപയോഗിച്ച ആയുധങ്ങൾ പോലീസ് തെളിവെടുപ്പിൽ കണ്ടെത്തി. സ്വാഭാവിക മരണമെന്ന് ആദ്യം കരുതിയെങ്കിലും പിന്നീട് നാട്ടുകാർക്ക് സംശയം തോന്നി പോലീസിൽ വിവരം അറിയിച്ചിരുന്നു. പോലീസ് ഇൻക്വസ്റ്റ് നടത്തി മൃതദേഹം പോസ്റ്റ്മോർട്ടത്തിന് വിധേയമാക്കിയിരുന്നു. പോസ്റ്റ്മോർട്ടം റിപ്പോർട്ടിലാണ് ഷണ്മുഖത്തിന്റെ മരണം കൊലപാതകമാണെന്ന് തെളിഞ്ഞത്. സംഭവ ദിവസം രാത്രിയിൽ വിനോദ് അവിടെ ഉണ്ടായിരുന്നുവെന്ന്…
Read Moreഅതുക്കും മേലെ കൈ താൻ യന്ത്രം..! സുബ്രഹ്മണ്യന്റെ ഓലഷെഡിലെ ക്രഷറിൽ എത്രവലിയ കരിങ്കലും പപ്പടമാകും; എല്ലാം പിൻതുണയും നൽകി നാട്ടുകാരും
മുക്കം: നിരവധി ക്വാറികളും ക്രഷറുകളും പ്രവർത്തിക്കുന്ന മലയോര മേഖലയിൽ യന്ത്രസാമഗ്രികൾ ഒന്നുമില്ലാതെ പരിസ്ഥിതിക്ക് യാതൊരു കോട്ടവും വരുത്താതെ ഒരു ചെറിയ ക്രഷർ യൂണിറ്റ് പ്രവർത്തിക്കുന്നു. കൊടിയത്തൂർ പഞ്ചായത്തിലെ പന്നിക്കോട് മാട്ടു മുറിയിലാണ് റോഡരികിൽ ഒരു ഓലഷെഡിൽ സുബ്രമണ്യന്റെ യൂണിറ്റ് പ്രവർത്തിക്കുന്നത്. ക്രഷർ യൂണിറ്റ് എന്ന് കേൾക്കുന്പോൾ ആരും ഞെട്ടേണ്ട. ഇത് ഈ മനുഷ്യന്റെ കുടുംബം പുലർത്താനുള്ള ഓട്ടത്തിന്റെ നേർക്കാഴ്ചയാണ്. ജന്മനാ ഉയരക്കുറവുള്ള സുബ്രമണ്യൻ കഴിഞ്ഞ 10 വർഷമായി ഇവിടെയുണ്ട്. മാതാവും മൂന്നു സഹോദരിമാരുമുള്ള കുടുംബത്തിന്റെ ഏക ആശ്രയമായ ഇയാൾക്ക് തന്റെ ശാരീരിക അവസ്ഥ മൂലം ഭാരിച്ച ജോലിക്കൊന്നും പോവാൻ കഴിയുമായിരുന്നില്ല. മാട്ടു മുറി മേഖലയിൽ പത്രവിതരണം നടത്തി കിട്ടുന്ന തുച്ഛമായ വരുമാനം ജീവിതം മുന്നോട്ട് കൊണ്ട് പോവാൻ കഴിയില്ലന്ന് മദസിലായി. രാവിലെ ഒന്പതോടെ തന്റെ ഷെഡിലെത്തുന്ന സുബ്രമണ്യൻ വൈകുന്നേരം നാലുവരെ കഠിനാധ്വാനം ചെയ്യും. തന്റെ മുന്നിലെത്തുന്ന വലിയ…
Read Moreപിന്നെവിടെപ്പോയ്..! യുവാവിനൊപ്പം കാണാതായ വളർത്തു പട്ടികൾ തിരികെയെത്തി ; മനോജിനെക്കുറിച്ച് വിവരമൊന്നുമില്ല; പോലീസിന്റെ അന്വേഷണം പോരെന്ന് നാട്ടുകാർ
കുറ്റ്യാടി: കഴിഞ്ഞ വെള്ളിയാഴ്ച മുതൽ കാണാതായ ചുരണി പൂതംപാറയിലെ കോളിക്കാം ചാലിൽ മനോജിനെ കുറിച്ച് സൂചനയൊന്നും ലഭിച്ചില്ല. അതിനിടയിൽ ഒപ്പം കാണാതായ വളർത്തു പട്ടികൾ രണ്ടും തിരിച്ചെത്തി.ഒന്ന് മനോജിന്റെ വീട്ടിലും മറ്റൊന്ന് മറ്റൊരു വീട്ടിലുമാണ് വന്നത്. മനോജൻ എങ്ങോട്ട് പോയെന്നതിനെ കുറിച്ച് സൂചനയൊന്നും ലഭിച്ചിട്ടില്ല.പോലീസ് വീട്ടുകാരിൽ നിന്നും നാട്ടുകാരിൽ നിന്നും വിവരങ്ങൾ ശേഖരിക്കുന്നുണ്ട്. ഇതിനിടയിൽ ദുരൂഹത ശക്തമായിട്ടുണ്ട്. ഒപ്പം പോലീസ് അന്വേഷണം പോരെന്ന അഭിപ്രായവും ഉയർന്നു. ഇന്നലെ തെരച്ചലിനായി പോലീസ് ഡോഗ് സ്ക്വാഡ് എത്തിയെങ്കിലും ഇരുട്ടിയതിനാൽ തിരിച്ചു പോയി. ഇന്ന് തിരച്ചിൽ നടത്തും. വനത്തിൽ തെരച്ചിൽ നടത്താൻ പോലീസ്,വനം,ഫയർഫോഴ്,തണ്ടർബോൾട്ട് വിഭാഗങ്ങളുടെ സേവനം ഉപയോഗപ്പെടുത്തണമെന്ന ആവശ്യമുയർന്നിട്ടുണ്ട്.
Read Moreചോദിക്കാനും പറയാനുമാരുമില്ല..! 26 ഏക്കറിൽ പരന്നുകിടക്കുന്ന ചേവായൂർ ത്വക്ക് രോഗാശുപത്രി മയക്കുമരുന്നു മാഫിയയുടെ രഹസ്യകേന്ദ്രങ്ങളാകുന്നു
സ്വന്തം ലേഖകൻ കോഴിക്കോട്: നഗരത്തിലെ പ്രധാന മയക്കുമരുന്ന് കേന്ദ്രങ്ങളിൽ ചേവായൂർ ത്വക്ക് രോഗാശുപത്രിയുടെ പരിസര പ്രദേശങ്ങളും.26 ഏക്കറോളം വരുന്ന സ്ഥലത്ത് സ്ഥിതി ചെയ്യുന്ന സർക്കാർ ത്വക്ക രോഗാശുപത്രിയിൽ ചുറ്റുമതിലുള്ളത് പേരിനുമാത്രമായാണ്. പലരും വളപ്പിനുള്ളിലേക്ക് ചാടി കയറി ലഹരി മാഫിയകാരെ സഹായിക്കുകയാണ്. റോഡിന്റെ വശത്ത് പ്രധാന ഗേറ്റിനോട് ചേർന്ന് കാണുന്ന ചുറ്റുമതിലാണ് സംരക്ഷണഭിത്തിയെന്ന് പറയാൻ ആശുപത്രിക്കുള്ളത്. ബാക്കിവരുന്ന ഭാഗം മുഴുവൻ തുറന്നുകിടക്കുകയാണ്. പകൽസമയങ്ങളിൽ പോലും ഒരു സെക്യൂരിറ്റി സ്ഥിരമായില്ലാത്ത ആശുപത്രിയിൽ ആർക്കും എപ്പോൾ വേണമെങ്കിലും കയറിചെല്ലാം എന്ന അവസ്ഥയാണ്. സുരക്ഷാ ജീവനകഎകാരുടെ കണ്ണുവെട്ടിച്ചും ഇവിടെ മയക്കുമരുന്ന് വിപണനവും വിൽപനയും നടക്കുന്നു.ചുറ്റുപാടും കാടു പിടിച്ചു കിടക്കുന്ന ആശുപത്രി പരിസരത്ത് ഇരുട്ടു പരക്കുന്നതോടെ മദ്യവും മയക്കുമരുന്നുമായി ആളുകളെത്തി തുടങ്ങുമെന്ന് അന്തേവാസികൾ പറയുന്നു. അടുത്തിടെയാണ് മയക്കുമരുന്നിന്റെ വർധിച്ച ഉപയാഗത്താൽ നഗരത്തിൽ വിദ്യാർഥി മരിച്ചത്. മയക്കുമരുന്നു കഞ്ചാവും യഥേഷ്ടം ലഭിക്കുന്നതിനൊപ്പം അവ ഉപയോഗിക്കുന്നതിന് നഗരത്തിൽ…
Read Moreഎട്ട്നില പൊക്കത്തിലെ തടി ബോംബ്..! അമിത ഭാരവുമായി പോകുന്ന മലയോര മേഖലകളിലെ തടിലോറികൾ വാഹനങ്ങൾക്കും കാൽനടയാത്രക്കാർക്കും ഭീഷണിയാകുന്നു
കരുവാരക്കുണ്ട്: മലയോര മേഖലകളിൽ അപകടകരമാംവിധം ലോറികളിൽ മരങ്ങൾ കയറ്റി പോകുന്നത് പതിവാ കുന്നു. വൈകുന്നേരങ്ങളിൽ അപകടഭീഷണിയുയർത്തി ലോഡു കയറ്റി സംസ്ഥാന പാതകളിലൂടെ നീങ്ങുന്ന വാഹനങ്ങൾ വഴിയാത്രക്കാർക്കും ചെറുവാഹനങ്ങൾക്കും ഭീഷണിയാണ്. അമിതഭാരത്തേ തുടർന്ന് വാഹനങ്ങൾ തകലാറിലാകുന്നതും നിത്യസംഭവമാണ്. തകരാറിലായ വാഹനങ്ങൾ നടുറോഡിൽ പാർക്ക് ചെയ്യേണ്ടി വരുന്നത് മറ്റ് വാഹനങ്ങൾക്ക് ഭീഷണിയാകാറുണ്ട്. രാത്രിയിൽ പോകുന്ന വാഹനങ്ങൾ വൈദ്യുതി കേബിളുകൾ തകർക്കുന്നതായും പരാതിയുണ്ട്. ഒരു ലോറിയിൽ പത്ത് ടണ് ഭാരം കയറ്റാമെന്നാണ് നിയമം. എന്നാൽ മുപ്പതു ടണ്ണിലധികം ഭാരം വഹിച്ചാണ് ലോറികൾ സർവീസ് നടത്തി വരുന്നത്. നിയമ ലംഘനം നടത്തി വരുന്നത് അധികൃതർ ഇത് കണ്ടില്ലെന്ന് നടിക്കുകയാണ്.
Read Moreചരക്കിനെ കയറ്റിയാലെന്താകുഴപ്പം? പാഴ്സൽ സർവീസുകളോട് മുഖം തിരിച്ച് കെഎസ്ആർടിസി; ലാഭം കൊയ്ത് സ്വകാര്യ ബസുകൾ ; മാറ്റം വേണമെന്ന ആവശ്യം ശക്തം
സ്വന്തം ലേഖകൻ കോഴിക്കോട്: നഷ്ടത്തിൽ നിന്ന് നഷ്ടത്തിലേയ്ക്ക് കൂപ്പുകുത്തുന്പോഴും കെഎസ്ആർടിസി പാഴ്്സൽ സർവീസുകളോട് മുഖം തിരിക്കുന്നു. ബസുകളിൽ ചരക്കുകൾ കൊണ്ടുവരുന്നതിലെ സാങ്കേതികത്വമാണു കെഎസ്ആർടിസിക്ക് തിരിച്ചടിയാവുന്നത്. ബസിൽ യാത്രചെയ്യുന്നവർ കയറ്റുന്ന പാഴ്സലുകൾ മാത്രം കൊണ്ടുവന്നാൽ മതിയെന്നാണ് കെഎസ്ആർടിസി തീരുമാനം. ഇതോടെ ഈ മേഖലയിൽ സ്വകാര്യ ബസുകൾ വൻ ലാഭം കൊയ്യുകയാണ്. അന്യസംസ്ഥാനങ്ങളിൽ നിന്ന് ലോഡുകണക്കിന് സാധനങ്ങളാണ് സ്വകാര്യ ബസുകൾ ദിനംപ്രതി കൊണ്ടുവരുന്നത്. അതും ബസിൽ ചരക്കുകളുടെ ഉടമസ്ഥരുണ്ടോ എന്നുനോക്കിയുമല്ല. രാത്രി കാലങ്ങളിൽ മൈസൂർ, ഉൗട്ടി തുടങ്ങിയ സ്ഥലങ്ങളിൽ നിന്ന് സ്വകാര്യ ബസുകൾ പ്രധാനമായും സർവീസ് നടത്തുന്നത് ചരക്കുകൾ കൊണ്ടുവരുന്നതിന് വേണ്ടിയാണ്. ഇതര സംസ്ഥാനങ്ങളിൽ നിന്നും മറ്റ് സ്റ്റാൻഡുകളിൽ നിന്ന് ഇടനിലക്കാരൻ വഴിയാണ് സ്വകാര്യ ബസുകൾ ചരക്കുകൾ കൊണ്ടുവരുന്നത്. ഇത് കൊണ്ടു തന്നെ ചരക്കുകൾ കൊണ്ടുവരുന്നതിന് ആവശ്യമായത്രയും വലിയ കേരിയറുകളാണ് സ്വകാര്യ ബസുകൾക്ക് മുകളിൽ ഉള്ളത്. കെഎസ്ആർടിസി ബസുകൾക്ക് ബസിന്റെ…
Read Moreപ്രായത്തിന്റെ വിഷമതകളില്ലാതെ… എഴുപതാം വയസിലും ചെറുപുഴയുടെ സംരക്ഷകനായി അബ്ദുൾ ഖാദർ
മുക്കം: മാലിന്യം അടിഞ്ഞുകൂടി നശിച്ചുകൊണ്ടിരിക്കുന്ന പുഴയെ സംരക്ഷിക്കുകയാണ് ഒരു എഴുപതുകാരൻ. കുറ്റിക്കടവ് വളയന്നൂർ സ്വദേശി പാലക്കൽ അബ്ദുൽ ഖാദറാണ് പ്രായത്തിന്റെ വിഷമതകളില്ലാതെ ചെറുപുഴയെ മാലിന്യമുക്തമാക്കുന്നത്. ചെറുപുഴയുടെ ഏഴ് പതിറ്റാണ്ടോളമായുള്ള കഥയറിയുന്ന അപൂർവം ആളുകളിൽ ഒരാളാണിദ്ദേഹം. തെളിനീരു പോലെ കാലഭേദമില്ലാതെ ഒഴുകിയിരുന്ന ഒരു ഭൂതകാലമുണ്ടായിരുന്നു ചെറുപുഴയ്ക്ക്. എല്ലാ വീടുകളിലും കിണറില്ലാതിരുന്ന പഴയ കാലത്ത് ഖാദറിന് ജീവജലമായിരുന്നു ചെറുപുഴ. ഖാദർ കണ്ടു വളർന്ന ഈ പുഴയുടെ അവസ്ഥ ഇന്ന് ഏറെ ദയനീയമാണ്. പ്ലാസ്റ്റിക്കും ഇറച്ചിമാലിന്യങ്ങളും കൊണ്ടുവന്നു തള്ളുന്ന ചെറുപുഴയെ നാട്ടുകാർ കൈയൊഴിഞ്ഞപ്പോഴും അബ്ദുൾഖാദറിന് പുഴയെ അങ്ങനെ കൈ ഒഴിയാൻ ആവുമായിരുന്നില്ല. പുഴയുടെ ഇന്നത്തെ ദുരവസ്ഥ മാറ്റാൻ ഈ വൃദ്ധൻ നടത്തുന്ന ശ്രമങ്ങൾ ഏറെ മാതൃകാപരമാണ്. സ്വന്തം തോണിയിൽ പുഴയിലൂടെ സഞ്ചരിച്ച് പുഴയിലെ പ്ലാസ്റ്റിക് മാലിന്യങ്ങൾ നീക്കം ചെയ്യുകയാണ്. കഴിഞ്ഞ കുറേ മാസങ്ങളായി ഇദ്ദേഹം ഈ പ്രവൃത്തി തുടരുകയാണ്. ഓരോ ദിവസവും…
Read Moreഇങ്ങനെയും സ്വര്ണം കടത്താം, പക്ഷേ…! സോപ്പിനകത്ത് ഒളിപ്പിച്ച 14.29 ലക്ഷം രൂപയുടെ സ്വർണം പിടികൂടി
കൊണ്ടോട്ടി: കരിപ്പൂർ വിമാനത്താവളത്തിൽ 466.4 ഗ്രാം സ്വർണം എയർകസ്റ്റംസ് ഇന്റലിജൻസ് പിടികൂടി. ഇന്നലെ രാവിലെ അബുദാബിയിൽ നിന്നെത്തിയ മലപ്പുറം തിരൂർ വളവന്നൂർ സ്വദേശിയിൽ നിന്നാണ് സ്വർണം കണ്ടെത്തിയത്. 14.29 ലക്ഷം രൂപ വില വരും. ബാഗേജിലുണ്ടായിരുന്ന സോപ്പിനകത്ത് ബിസ്കറ്റുകളായി കടത്താൻ ശ്രമിക്കുകയായിരുന്നു. 116 ഗ്രാം വീതമുളള നാല് സ്വർണബിസ്കറ്റുകളാണ് പിടികൂടിയത്. അസി.കമീഷണർമാരായ ജോയ് തോമസ്, ഡി.എൻ. പന്ത്, സൂപ്രണ്ടുമാരായ വിനയകുമാർ, ഡാൽട്ടൻ, സി.കെ.രാജ്കുമാർ, ഇൻസ്പെക്ടർമാരായ മഹാദേവ്, മൃദുൽകുമാർ, കെ.പി.ധർമരാജ് എന്നിവരടങ്ങിയ സംഘമാണ് സ്വർണം പിടികൂടിയത്.
Read Moreഇത് രണ്ടാം ജന്മം! കുരങ്ങിന് ബിസ്കറ്റ് നല്കുന്നതിനിടയിലാണ് കാല്വഴുതി കൊക്കയിലേക്ക്; കക്കയംവാലിയില് കൊക്കയില് വീണ വിനോദസഞ്ചാരിയെ രക്ഷപ്പെടുത്തി
കൂരാച്ചുണ്ട്: കക്കയം വിനോദ സഞ്ചാരകേന്ദ്രം സന്ദർശിച്ചു മടങ്ങിയ വിനോദസഞ്ചാരി കൊക്കയിലേക്ക് വീണെങ്കിലും അത്ഭുതകരമായി രക്ഷപ്പെട്ടു. മലപ്പുറം കൊണ്ടോട്ടി സ്വദേശിയായ കടാശേരി ഷൗക്കത്ത് (55) ആണ് അപകടത്തിൽപ്പെട്ടത്. കഴിഞ്ഞ ദിവസം വൈകിട്ട് 5.30 ഓടെയാണ് സംഭവം. ഷൗക്കത്തും മൂന്ന് സുഹൃത്തുക്കളും ഡാംസൈറ്റ് സന്ദർശിച്ച് മടങ്ങി വരുമ്പോൾ ഏഴ് കിലോമീറ്റർ കഴിഞ്ഞുള്ള കക്കയംവാലി വെള്ളച്ചാട്ടത്തിനരികിൽ വച്ച് കുരങ്ങിന് ബിസ്കറ്റ് നൽകുന്നതിനിടയിലാണ് കാൽവഴുതി കൊക്കയിലേക്ക് വീണത്. അൻപതടിയോളം താഴ്ചയുള്ളതിനാൽ കൂടെയുണ്ടായിരുന്നവർക്ക് ഒന്നും ചെയ്യാൻ കഴിയാതെയായി. പലരും കൊക്കയിലിറങ്ങാൻ ശ്രമംനടത്തിയെങ്കിലും സാധിച്ചില്ല. തുടർന്ന് നാട്ടുകാരെത്തി രക്ഷാപ്രവർത്തനത്തിലേപ്പെട്ടു. പിന്നീട് പേരാമ്പ്ര അഗ്നിശമന സേനാംഗങ്ങളും കൂരാച്ചുണ്ട് പോലീസും സ്ഥലത്തെത്തി. നാട്ടുകാരുടെ സഹായത്തോടെ അതിസാഹസികമായി വടംകെട്ടി കൊക്കയിലിറങ്ങി സ്ട്രെച്ചറിൽ രാത്രി 8.30ഓടെ യാണ് കരക്കുകയറ്റിയത്. കൊക്കയിൽ വൻ പാറക്കൂട്ടമായിരുന്നെങ്കിലും കാടും വള്ളികളും നിറഞ്ഞയിടത്തേക്ക് വീണതിനാൽ നിസാര പരിക്കുകളേ പറ്റിയുള്ളൂ. അവശനായ ഷൗക്കത്തിനെ ആശുപത്രിയിൽ പ്രവേശിപ്പിച്ചു. കൂരാച്ചുണ്ട് എസ്ഐ…
Read More