തിരുവനന്തപുരം; എൻ.പ്രശാന്തിനെതിരായ നടപടിയിൽ സന്തോഷമെന്നും പ്രശാന്തിനെ നേരത്തെ സസ്പെൻഡ് ചെയ്യേണ്ടതായിരുന്നുവെന്നും സിപിഎം നേതാവും മുൻ മന്ത്രിയുമായ ജെ. മേഴ്സിക്കുട്ടിയമ്മ.വിശദീകരണം ചോദിച്ചില്ലെന്ന പ്രശാന്തിന്റെ വാദം തെറ്റാണ്. വിശദീകരണം ചോദിക്കാനാണ് സസ്പെൻഷൻ. സർക്കാർ നടപടി നാടിന്റെ രക്ഷയ്ക്ക് വേണ്ടിയുള്ളതാണ്. ഏത് ഉദ്യോഗസ്ഥനും തെറ്റായി നീങ്ങിയാൽ നടപടി ഉണ്ടാകും- മേഴ്സിക്കുട്ടിയമ്മ പറഞ്ഞു.സംഘപരിവാറിന് പിന്നാലെ നമ്മൾ ബഹുമാനിക്കുന്നവർ പോകുന്നത് ഉത്കണ്ഠപ്പെടുത്തുന്നു. മതത്തിന്റെ അടിസ്ഥാനത്തിൽ ഗ്രൂപ്പ് ഉണ്ടാക്കിയത് ആദ്യത്തെ സംഭവമാണ്. കേരളീയ സമൂഹത്തെ വിഭജിക്കാനുള്ള ആർഎസ്എസ് അജണ്ടയിൽ കേരളത്തിലെ മധ്യവർഗം വീണു കൊടുക്കുന്നു. ഇക്കാര്യത്തിൽ സർക്കാർ നടപടി കൃത്യമാണ്. മുനമ്പം വിഷയം വിഭജനത്തിനുള്ള ആർഎസ്എസ് അജണ്ടയാണെന്നും മേഴ്സിക്കുട്ടിയമ്മ പറഞ്ഞു. സംസ്ഥാന സർക്കാർ ആരെയും ഇറക്കിവിടില്ലെന്ന് ഉറപ്പുനൽകിയതാണ്. തെരഞ്ഞെടുപ്പിനെ ബന്ധിപ്പിച്ച് ഇത് പറയുന്നത് ഏതറ്റം വരെ എത്തി എന്നതിന് തെളിവാണ്. വകുപ്പുമന്ത്രി ആരെയും വർഗീയപരമായി പറഞ്ഞില്ല. മന്ത്രിയുടെ പ്രസ്താവന ദുർവ്യാഖ്യാനം ചെയ്തത് ആസൂത്രിതമായാണെന്നും മേഴ്സിക്കുട്ടിയമ്മ പറഞ്ഞു.
Read MoreCategory: Edition News
22കാരിയെ ശീതളപാനീയത്തില് മയക്കുമരുന്ന് കലര്ത്തി പീഡിപ്പിച്ചു: മുന് ഹോര്ട്ടികോർപ് എംഡി റിമാന്ഡില്
കൊച്ചി: ഒഡീഷ സ്വദേശിനിയായ യുവതിയെ ശീതളപാനീയത്തില് മയക്കുമരുന്നു കലര്ത്തി നല്കി പീഡിപ്പിപ്പിച്ച കേസില് അറസ്റ്റിലായ മുന് ഹോര്ട്ടികോർപ് എംഡി ആയിരുന്ന ശിവപ്രസാദി (75)നെ റിമാന്ഡ് ചെയ്തു. കഴിഞ്ഞ ദിവസം എറണാകുളം എസിപി ഓഫീസില് കീഴടങ്ങിയ ഇയാളെ പിന്നീട് ദേഹാസ്വാസ്യത്തെ തുടര്ന്ന് സ്വകാര്യ ആശുപത്രിയില് പ്രവേശിപ്പിച്ചിരിക്കുകയായിരുന്നു. ഇന്നലെ ഉച്ചയോടെയാണ് ശിവപ്രസാദിനെ ഡിസ്ചാര്ജ് ചെയ്തത്. ഇയാള്ക്കെതിരേ രണ്ട് കേസുകളാണ് രജിസ്റ്റര് ചെയ്തിരിക്കുന്നത്. പോലീസ് കേസെടുത്തതിന് പിന്നാലെ ഒളിവില് പോയ ശിവപ്രസാദ് 28 ദിവസങ്ങള്ക്ക് ശേഷമാണ് കൊച്ചി എസിപി ഓഫീസില് കീഴടങ്ങിയത്. പിന്നാലെ നെഞ്ച് വേദനയുണ്ടെന്നും ആശുപത്രിയില് പോകണമെന്നും പ്രതി പറഞ്ഞതോടെ കൊച്ചിയിലെ സ്വകാര്യ ആശുപത്രിയിലേക്ക് മാറ്റി. തുടര് പരിശോധനകള്ക്ക് ശേഷം കഴിഞ്ഞ ദിവസം ഉച്ചയ്ക്കാണ് 75കാരനായ ശിവപ്രസാദിനെ ഡിസ്ചാര്ജ് ചെയ്തത്. 22 വയസുള്ള, ഒഡീഷ സ്വദേശിയായ വീട്ടുജോലിക്കാരിയെ ശീതളപാനീയത്തില് മദ്യം നല്കി ഇയാള് കഴിഞ്ഞ മാസം 15 നായിരുന്നു പീഡിപ്പിച്ചത്.…
Read Moreപുതിയങ്ങാടിയിൽ ഫൈബർ വള്ളത്തിന് തീപിടിച്ചു: 40 ലക്ഷം രൂപയുടെ നാശനഷ്ടം
പഴയങ്ങാടി(കണ്ണൂർ): കണ്ണൂർ പുതിയങ്ങാടിയിൽ കടലിൽ നങ്കൂരമിട്ട ദുൽഹജ്ജ് എന്ന ഫൈബർ വള്ളത്തിനു തീപിടിച്ചു. ഇന്നു പുലർച്ചെ നാലോടെയാണ് തീപിടിത്തം ഉണ്ടായത്. 40 ലക്ഷം രൂപയുടെ നഷ്ടം കണക്കാക്കുന്നു. ഷോർട്ട് സർക്യൂട്ടാണ് തീപിടിത്തത്തിനു കാരണമെന്നാണ് പ്രാഥമിക നിഗമനം. വലയും എൻജിനും വള്ളവും മറ്റു മത്സ്യബന്ധന ഉപകരണങ്ങളുമാണു കത്തിനശിച്ചത്. തീപിടിത്തത്തത്തുടർന്ന് വള്ളത്തിൽ ഉണ്ടായിരുന്ന ഗ്യാസ് സിലിണ്ടർ പൊട്ടിത്തെറിച്ചത് അപകടത്തിന്റെ വ്യാപ്തി വർധിപ്പിച്ചു. പൂർണമായും കത്തിയ വള്ളം കടലിൽ മുങ്ങിപ്പോയി. കത്തിയ വള്ളത്തിനു സമീപത്തായി നിർത്തിയിട്ട മറ്റു വള്ളങ്ങളിലേക്കു തീ പടരാതിരുന്നത് ആശ്വാസമായി. പുതിയങ്ങാടി സ്വദേശികളായ ശിഹാബ്, സമീർ, മിൻഹാജ്, റിയാസ് എന്നിവരുടെ ഉടമസ്ഥതയിൽ ഉള്ളതാണ് കത്തിയ വള്ളം. അപകടത്തെത്തുടർന്ന് ഇന്നു രാവിലെ മുതൽ ഉച്ചവരെ പുതിയങ്ങാടിയിൽ മത്സ്യത്തൊഴിലാളികൾ ഹർത്താൽ പ്രഖ്യാപിച്ചു.
Read Moreകടവന്ത്ര പോലീസ് സ്റ്റേഷനില് യുവാവ് ആത്മഹത്യയ്ക്ക് ശ്രമിച്ച സംഭവം; ആണ് സുഹൃത്ത് പോക്സോ കേസില് അറസ്റ്റില്
കൊച്ചി: ആണ്സുഹൃത്ത് ബന്ധത്തില്നിന്ന് പിന്വാങ്ങിയതിലെ മനോവിഷമത്തില് യുവാവ് കടവന്ത്ര പോലീസ് സ്റ്റേഷനില് ആത്മഹത്യയ്ക്ക് ശ്രമിച്ച സംഭവത്തില് ആണ് സുഹൃത്ത് പോക്സോ കേസില് അറസ്റ്റില്. പള്ളുരുത്തി സ്വദേശി പ്രലോഭ് പ്രമോദ് (20) ആണ് അറസ്റ്റിലായത്. ആത്മഹത്യയ്ക്ക് ശ്രമിച്ച കോഴിക്കോട് സ്വദേശിയായ യുവാവിന്റെ പരാതിയിലാണ് അറസ്റ്റ്. പ്രലോഭുമായി കഴിഞ്ഞ ഒന്നര വര്ഷമായി കോഴിക്കോട് സ്വദേശി അടുപ്പത്തിലായിരുന്നു. എന്നാല്, അടുത്തിടെ പ്രലോഭ് ബന്ധത്തില്നിന്ന് പിന്വാങ്ങുകയായിരുന്നു. സുഹൃത്തിനെ ഇയാളുടെ ആവശ്യപ്രകാരം സ്റ്റേഷനിലേക്ക് വിളിപ്പിച്ചെങ്കിലും പോലീസിനോടും ഇയാള് താത്പര്യകുറവ് ആവര്ത്തിച്ചു. ഇതിന് പിന്നാലെയാണ് മനോവിഷമത്തില് സ്വവര്ഗാനുരാഗിയായ യുവാവ് സ്റ്റേഷനിലെ ശുചിമുറിയില് വച്ച് ആത്മഹത്യക്ക് ശ്രമിച്ചത്. അടുപ്പത്തിലായിരുന്ന സമയത്ത് പ്രായപൂര്ത്തിയാകാത്ത കോഴിക്കോട് സ്വദേശിയെ പ്രലോഭ് ലൈംഗികമായി പീഡിപ്പിച്ചുവെന്ന പരാതിയിലാണ് പള്ളുരുത്തി പോലീസ് ഇന്സ്പെക്ടര് രതീഷിന്റെ നേതൃത്വത്തിലുളള പോലീസ് സംഘം അറസ്റ്റ് ചെയ്തത്.
Read Moreനവീൻ ബാബുവിന്റെ മരണം; ആരോപണ വിധേയനായ കണ്ണൂർ വിജിലൻസ് സിഐ ബിനു മോഹനു സ്ഥലമാറ്റം
കണ്ണൂർ: കണ്ണൂർ എഡിഎം നവീൻബാബുവിന്റെ മരണവുമായി ബന്ധപ്പെട്ട് ആരോപണമുയർന്ന കണ്ണൂർ വിജിലൻസ് സിഐയെ സ്ഥലം മാറ്റി. ബിനു മോഹനനെയാണ് ന്യൂ മാഹി പോലീസ് സ്റ്റേഷനിലേക്ക് സ്ഥലം മാറ്റിയത്. പി.പി. ദിവ്യയുമായി ബന്ധപ്പെട്ട് ഉയർന്ന ബിനാമി ഇടപാടിൽ ബിനു മോഹനനും പങ്കുണ്ടെന്ന ആരോപണം യൂത്ത് കോൺഗ്രസും കോൺഗ്രസും ഉന്നയിച്ചിരുന്നു.ബിനു മോഹൻ വിജിലൻസിലിരുന്നാൽ കൈക്കൂലിയുമായി ബന്ധപ്പെട്ട് വിവാദ പെട്രോൾ പന്പുടമ പ്രശാന്തിനെതിരേയുള്ള അന്വേഷണം അട്ടിമറിക്കപ്പെടാൻ സാധ്യതയുണ്ടെന്നും കോൺഗ്രസ് ആരോപിച്ചിരുന്നു. ഇതിനിടെയാണ് ബിനു മോഹനനെ സ്ഥലം മാറ്റിക്കൊണ്ടുള്ള ഉത്തരവ് ഇന്നലെ പുറത്തിറങ്ങിയത്. ന്യൂ മാഹി സിഐയായിരുന്ന സി. ഷാജുവാണ് പുതിയ വിജിലൻസ് സിഐ.
Read Moreഉപതെരഞ്ഞെടുപ്പ്; അവസാനവട്ട വോട്ടുറപ്പിക്കൽ തിരക്കിൽ സ്ഥാനാർഥികൾ; വയനാടും ചേലക്കരയും നാളെ മനസ് തുറക്കും
കൽപ്പറ്റ, ചേലക്കര: വയനാട് ലോക്സഭാ മണ്ഡലവും ചേലക്കര നിയമസഭാ മണ്ഡലവും നാളെ പോളിംഗ് ബൂത്തിലേക്ക്.ആവേശം വിതറിയ ഉപതെരഞ്ഞെടുപ്പ് പ്രചാരണ ങ്ങൾക്കൊടുവിൽ അവസാനവട്ട വോട്ടുറപ്പിക്കാനുള്ള ശ്രമത്തിലാണു മുന്നണികള്. പോളിംഗ് സാമഗ്രികളുടെ വിതരണം രണ്ടിടത്തും ഇന്നു രാവിലെ ആരംഭിച്ചു. സംസ്ഥാന രാഷ്ട്രീയത്തില് മാത്രമല്ല, ദേശീയ രാഷ്ട്രീയത്തിലും വയനാട് ചര്ച്ചയാണ്. 14 ലക്ഷത്തോളം വോട്ടര്മാരാണ് മണ്ഡലത്തിലുള്ളത്. സ്ത്രീ വോട്ടര്മാരാണു കൂടുതല്. കഴിഞ്ഞ തവണ പോളിംഗ് ശതമാനം കുറഞ്ഞിരുന്നു. വോട്ടര്മാരെ കൂടുതല് പോളിംഗ് ബൂത്തിലേക്ക് എത്തിച്ച് റിക്കാര്ഡ് ഭൂരിപക്ഷം നേടാനാണ് യുഡിഎഫ് ക്യാമ്പിന്റെ ശ്രമം. യുഡിഎഫ് സ്ഥാനാര്ഥി പിയങ്കാഗാന്ധിയും സഹോദരന് രാഹുല് ഗാന്ധിയും തീര്ത്ത ഓളത്തിനിടയിലും എല്ഡിഎഫ്, എന്ഡിഎ മുന്നണി സ്ഥാനാര്ഥികള് ഇന്നലെ കൊട്ടിക്കലാശത്തില് ഒരു തരത്തിലും പിന്നിലായിരുന്നില്ല. എല്ഡിഎഫ് സ്ഥാനാര്ഥി സത്യന് മൊകേരിക്കൊപ്പം മന്ത്രി പി. പ്രസാദും മറ്റ് നേതാക്കളും കൊട്ടിക്കലാശത്തിന് ആവേശം പകര്ന്നു.സത്യന് മൊകേരിയുടെ കൊട്ടിക്കലാശത്തില് വിദേശികള് അണിനിരന്നതും ശ്രദ്ധേയമായി.…
Read Moreസ്ത്രീകളോടു അപമര്യാദ കാട്ടിയതിന് പുറത്താക്കപ്പെട്ടയാള് സിപിഎം ഏരിയ കമ്മിറ്റിയംഗം; വിവാദം പുകയുന്നു
കണ്ണൂര്: കണ്ണൂര് എഡിഎം നവീൻ ബാബുവിന്റെ മരണവുമായി ബന്ധപ്പെട്ട് പ്രതിസ്ഥാനത്തുള്ള മുന് ജില്ലാ പഞ്ചായത്ത് പ്രസിഡന്റ് പി.പി. ദിവ്യയെ പിന്തുണയ്ക്കുംവിധമുള്ള സിപിഎം ജില്ലാ സെക്രട്ടറി എം.വി. ജയരാജന്റെ പ്രസംഗം വിവാദമായതിന് പിന്നാലെ വീണ്ടും വിവാദങ്ങള് തലപൊക്കുന്നു. സ്ത്രീകളോട് അപമര്യാദയായി പെരുമാറിയ കുറ്റത്തിന് നടപടിക്ക് വിധേയമായ ആളെ പെരിങ്ങോം ഏരിയ സെക്രട്ടറി സ്ഥാനത്തേക്ക് നിയോഗിച്ചതും വിവാദമാകുന്നു. പെരിങ്ങോം ഏരിയ കമ്മിറ്റിയംഗമായിരുന്ന എം.വി. സുനില്കുമാറിനെ മുമ്പ് കമ്മിറ്റിയില്നിന്നും നീക്കം ചെയ്തിരുന്നു. സ്ത്രീകളോടുള്ള പെരുമാറ്റ ദൂഷ്യത്തിന്റെ പേരിലുയര്ന്ന വനിതാ സഖാവിന്റെ പരാതിയാണ് നടപടിക്ക് കാരണമായത്. ആരോപണ വിധേയനെ കഴിഞ്ഞ തദ്ദേശ തെരഞ്ഞെടുപ്പില് മത്സരിപ്പിച്ചതും ശക്തമായ വിമര്ശനത്തിനിടയാക്കിയിരുന്നു. അതിനിടയാണ് കഴിഞ്ഞ ദിവസം നടന്ന പെരിങ്ങോം ഏരിയ സമ്മേളനത്തില് ഇയാളുള്പ്പെട്ട പാനല് നേതൃത്വം അവതരിപ്പിച്ച് ഏരിയ കമ്മിറ്റിയിലേക്ക് എടുത്ത നടപടിയുണ്ടായത്. ബാലസംഘംമുതല് സജീവ പാര്ട്ടി പ്രവര്ത്തന പാരമ്പര്യമുള്ളവരെ തഴഞ്ഞ് പാര്ട്ടിക്ക് പേരുദോഷമുണ്ടാക്കിയയാളെ അവരോധിച്ച നേതൃത്വത്തിന്റെ…
Read Moreരാഹുല് മാങ്കൂട്ടത്തിലിന്റെ പ്രചാരണദൃശ്യം സിപിഎം ഫേസ് ബുക്ക് പേജിൽ; “ഹാക്കിംഗ്’ വിശദീകരണം പാളി; അഡ്മിന്മാര്ക്കു ശാസന
പത്തനംതിട്ട: “പാലക്കാട് എന്ന സ്നേഹ വിസ്മയം’ അടിക്കുറിപ്പോടെ രാഹുല് മാങ്കൂട്ടത്തിലിന്റെ പാലക്കാട്ടെ പ്രചാരണദൃശ്യം സിപിഎം പത്തനംതിട്ട ജില്ലാ കമ്മിറ്റിയുടെ ഔദ്യോഗിക ഫേസ് ബുക്ക് പേജിലെത്തിയത് അഡ്മിന്മാരുടെ കൈ അബദ്ധമെന്നു നിഗമനം. പേജിന്റെ അഡ്മിന്മാര്ക്കു ശാസന നല്കി പ്രശ്നം പറഞ്ഞുതീര്ക്കാനുള്ള ശ്രമവും തുടങ്ങി. രാഹുല് മാങ്കൂട്ടത്തിലും യൂത്ത് കോണ്ഗ്രസുകാരും ചേര്ന്ന് പേജ് ഹാക്ക് ചെയ്തുവെന്ന് ജില്ലാ സെക്രട്ടറി കെ.പി. ഉദയഭാനു ആരോപിച്ചിരുന്നെങ്കിലും അന്വേഷണത്തില് അതിനുള്ള സാധ്യത ഒഴിവായതോടെയാണ് അഡ്മിന്മാരിലേക്ക് അന്വേഷണം എത്തിയത്.ശനിയാഴ്ച രാത്രിയില് ഫേസ് ബുക്ക് പേജില് വന്ന വീഡിയോ ഒഴിവാക്കിയെങ്കിലും സ്ക്രീന്ഷോട്ടുകള് സാമൂഹ്യ മാധ്യമങ്ങളില് വ്യാപകമായി പ്രചരിച്ചതോടെ വിശദീകരണവുമായി രംഗത്തെത്താന് ജില്ലാ സെക്രട്ടറി അടക്കം നിര്ബന്ധിതനാകുകയായിരുന്നു. രാഹുല് മാങ്കൂട്ടത്തില് പാലക്കാട്ട് വീടുകളിലെത്തി വോട്ടു തേടുന്ന വീഡിയോയാണ് പ്രചരിച്ചത്. ഇതിന് അടിക്കുറിപ്പായാണ് “പാലക്കാട് എന്ന സ്നേഹവിസ്മയം” ചേര്ത്തത്. ഇത് വ്യാജ അക്കൗണ്ടാണെന്ന് ജില്ലാ സെക്രട്ടറി കെ.പി ഉദയഭാനു ആദ്യം…
Read Moreകോഴിക്കോട് റെയില്വേ സ്റ്റേഷനിൽ വിദേശ വനിതയ്ക്ക് തെരുവുനായയുടെ കടിയേറ്റു; നായശല്യം രൂക്ഷമെന്ന് യാത്രക്കാർ
കോഴിക്കോട്: കോഴിക്കോട് റെയില്വേ സ്റ്റേഷനിൽവച്ച് വിദേശ വനിതയ്ക്കു തെരുവുനായയുടെ കടിയേറ്റു. കോഴിക്കോടുനിന്ന് വന്ദേഭാരത് ട്രെയിനിൽ കൊച്ചിയിലേക്കു പുറപ്പെടാന് ഒരുങ്ങുകയായിരുന്ന 14 അംഗ ജര്മന് വിനോദയാത്രാ സംഘത്തിലെ ആസ്ട്രിച്ച് എന്ന വനിതയ്ക്കാണു തെരുവുനായയുടെ കടിയേറ്റത്. ഇന്നലെ വൈകിട്ട് 4.20ന് ആണു സംഭവം. റെയില്വേ പോലീസ് പ്രാഥമിക ശുശ്രൂഷ നല്കിയശേഷം അവരെ ആശുപത്രിയില് പ്രവേശിപ്പിച്ചു. കോഴിക്കോട് റെയില്വേ സ്റ്റേഷനിൽ തെരുവുനായ്ക്കളുടെ ശല്യം രൂക്ഷമാണെന്ന് യാത്രക്കാർ പറഞ്ഞു. പ്ലാറ്റ്ഫോമിലൂടെ തലങ്ങും വിലങ്ങും പായുന്ന നായ്ക്കളെ തട്ടി നടക്കാന് കഴിയാത്ത സ്ഥിതിയാണെന്നും യാത്രക്കാര്.
Read Moreബിജെപി നിയന്ത്രണത്തിലുള്ള പഴയങ്ങാടി ലേബർ വെൽഫെയർ സഹകരണ സംഘത്തിൽ 1.32 കോടിയുടെ ക്രമക്കേട്
കണ്ണൂർ: ബിജെപി നിയന്ത്രണത്തിലുള്ള പഴയങ്ങാടി ലേബർ വെൽഫെയർ സഹകരണ സംഘത്തിൽ ഓഡിറ്റ് പരിശോധനയിൽ ക്രമക്കേടുകൾ കണ്ടെത്തി. 2023-24 വർഷത്തെ ഓഡിറ്റ് പരിശോധനയിലാണ് ന്യൂനതകൾ കണ്ടെത്തിയത്. സംഘത്തിൽ 1.32 കോടി രൂപയുടെ ഫണ്ട് ശോഷണം നടന്നതായാണ് പരിശോധനയിൽ കണ്ടെത്തിയിരിക്കുന്നത്. സംഘത്തിന് നിലവിലെ ആസ്തിയേക്കാൾ കൂടുതൽ ബാധ്യതയാണെന്ന് ഓഡിറ്റ് റിപ്പോർട്ടിൽ പറയുന്നു. സംഘത്തിന്റെ ചെലവിനുള്ള വരുമാനം പോലുമില്ലെന്നും ദൈനംദിന ചെലവുകൾക്ക് അംഗങ്ങളുടെ നിക്ഷേപത്തെയാണ് ആശ്രയിക്കുന്നതെന്നും റിപ്പോർട്ടിൽ പറയുന്നു. ഇത്തരത്തിൽ പ്രവർത്തിക്കരുതെന്ന് സഹകരണ സംഘം രജിസ്ട്രാറുടെ ഉത്തരവുണ്ടെന്ന് ഓഡിറ്റ് റിപ്പോർട്ടിൽ ചൂണ്ടിക്കാട്ടിയിട്ടുണ്ട്. ഭരണസമിതി അംഗങ്ങളോ സെക്രട്ടറിയോ ജീവനക്കാരോ പരിശോധിച്ച് വ്യക്തമായി ശിപാർശ ചെയ്യാതെയാണ് അപേക്ഷകളിൽ വായ്പ അനുവദിച്ചതെന്നതാണ് മറ്റൊരു ക്രമക്കേട്. ഭൂരിഭാഗം സ്വത്ത് പരിശോധന റിപ്പോർട്ടിലും അധികാരപ്പെടുത്തിയ ആരും ഒപ്പുവച്ചിട്ടില്ല. സ്ഥലത്തിന്റെ മതിപ്പുവിലയുടെ 35 ശതമാനത്തിൽ താഴെയുള്ള തുക മാത്രമേ നൽകാവൂ എന്ന് നിയമമുണ്ടെങ്കിലും ചിലർക്ക് 60 ശതമാനത്തിലധികം വരെ നൽകിയിട്ടുണ്ട്.
Read More