ചെങ്ങന്നൂർ: ചെങ്ങന്നൂരിലെത്തുന്ന ആയിരക്കണക്കിന് ശബരിമല തീർഥാടകർ ശുദ്ധജലം കിട്ടാതെ വലയും. എല്ലാ ദിവസവും കുടിവെള്ളവിതരണം ഇല്ലാത്തതാണ് കാരണം. ഒന്നിടവിട്ട ദിവസങ്ങളിലായിരിക്കും ജലവിതരണം നടത്തുക. അവലോകനയോഗങ്ങളിൽ തീർഥാടകർക്ക് എല്ലാ ദിവസവും കുടിവെള്ളം വിതരണം ചെയ്യണമെന്ന ആവശ്യമുയർന്നിരുന്നുവെങ്കിലും ജല അഥോറിറ്റിയുടെ മുൻ നിലപാടിൽ മാറ്റംവരുത്താൻ അധികൃതർ തയാറാകുന്നില്ല. കുന്നത്തുമല ഉന്നതതല ജലസംഭരണിയിൽനിന്ന് ചെങ്ങന്നൂർ നഗരസഭയുടെ രണ്ടു ഭാഗങ്ങളിലേക്ക് ഒന്നിടവിട്ട ദിവസങ്ങളിൽ വെള്ളം വിതരണം ചെയ്യുന്ന തരത്തിലാണ് വാൽവ് ക്രമീകരണം നടത്തിയിരിക്കുന്നതെന്നാണ് ജല അഥോറിറ്റി അധികൃതരുടെ വിശദീകരണം. ടൗൺ ഭാഗത്തേക്ക് വിതരണം നടത്തുന്ന ദിവസം മാത്രമേ റെയിൽവേ സ്റ്റേഷനിലെത്തുന്ന തീർഥാടകർക്ക് കുടിവെള്ളം ലഭിക്കുകയുള്ളൂ. റെയിൽവേ സ്റ്റേഷനിൽ ജല അഥോറിറ്റി അഞ്ചു പൈപ്പുകളാണ് സജ്ജമാക്കുന്നത്. ടൗൺ, റെയിൽവേ സ്റ്റേഷൻ, ബഥേൽ, തിട്ടമേൽ, നന്ദാവനം, ഐടിഐ ജംഗ്ഷൻ, പുത്തൻവീട്ടിൽപ്പടി, മുണ്ടൻകാവ്, മങ്കുഴിച്ചാൽ ഭാഗങ്ങളിലേക്ക് ഒരു ദിവസവും കിഴക്കേനട, കോടിയാട്ടുകര, മിത്രപ്പുഴ, ശാസ്താംകുളങ്ങര, ആൽത്തറ ഭാഗങ്ങൾ…
Read MoreCategory: Edition News
കണക്ഷൻ സ്ഥിരമാക്കാൻ കൈക്കൂലി; കെഎസ്ഇബി ഓവർസിയർ വിജിലൻസ് പിടിയിൽ
കുറവിലങ്ങാട്: താത്കാലിക വൈദ്യുതി കണക്ഷൻ സ്ഥിരപ്പെടുത്തി നൽകാൻ വീട്ടുടമയിൽനിന്ന് കൈക്കൂലി വാങ്ങുന്നതിനിടയിൽ കെഎസ്ഇബി ഓവർസിയർ വിജിലൻസ് പിടിയിൽ. കുറവിലങ്ങാട് കെഎസ്ഇബി സെക്ഷൻ ഓഫീസിലെ ഓവർസിയർ കീഴൂർ കണ്ണാർവയൽ എം.കെ. രാജേന്ദ്രനെ (51)യാണ് വിജിലൻസ് സംഘം അറസ്റ്റുചെയ്തത്. വീട്ടുടമയിൽനിന്നു 10,000 രൂപയാണ് കൈക്കൂലി വാങ്ങിയത്. പകലോമറ്റത്ത് വീട് നിർമാണം പൂർത്തീകരിച്ച പ്രവാസിയുടെ കുടുംബത്തിൽ നിന്നാണ് പണം ആവശ്യപ്പെട്ട് വാങ്ങിയത്.വിജിലൻസ് കിഴക്കൻമേഖല എസ്പി വി. ശ്യാംകുമാറിന്റെ നിർദേശാനുസരണം ഡിവൈഎസ്പി നിർമൽ ബോസിന്റെ നേതൃത്വത്തിലുള്ള സംഘമാണ് ഇന്നലെ ഒന്നോടെ ഓവർസിയറെ പിടികൂടിയത്. രണ്ടുവർഷം മുമ്പ് പകലോമറ്റത്ത് സ്ഥലം വാങ്ങിയ സ്ഥലത്ത് വീടിന്റെ നിർമാണ ജോലികൾ പൂർത്തീകരിച്ചതോടെ താത്കാലിക കണക്ഷൻ മാറ്റി സ്ഥിരപ്പെടുത്താൻ ആവശ്യപ്പെട്ട് അപേക്ഷ നൽകിയിരുന്നു. ത്രീഫേസ് കണക്ഷൻ ആവശ്യപ്പെട്ടായിരുന്നു അപേക്ഷ. എന്നാൽ ത്രീഫേസ് ലൈൻ കടന്നുപോകുന്നത് വീടിനു 500 മീറ്റർ അകലെക്കൂടിയാണെന്നും ഇതിൽനിന്നു ലൈൻ വലിക്കാൻ 65,000 രൂപ ചെലവഴിക്കേണ്ടിവരുമെന്നും…
Read Moreകിണറിനു സമീപം മാലിന്യംതള്ളൽ; പരാതിയുമായി നാട്ടുകാര്
പാലാ: നിരവധി കുടുംബങ്ങള്ക്ക് ആശ്രയമായ കുടിവെള്ള പദ്ധതിയുടെ കിണറിനും മോട്ടോര് ഹൗസിനും സമീപം സാമൂഹ്യവിരുദ്ധര് മത്സ്യ-മാംസ മാലിന്യങ്ങള് തള്ളുന്നതു പതിവായി. മാലിന്യങ്ങള് കുടിവെള്ളത്തില് കലരുമെന്ന ആശങ്കയിലാണ് നാട്ടുകാര്. വെള്ളഞ്ചൂര് തെരുവുംകുന്ന് കുടിവെള്ള പദ്ധതിയിലെ ഗുണഭോക്താക്കള്ക്കാണ് ഈ ഗതികേട്. രണ്ടു ദിവസമായി പമ്പിംഗ് നിര്ത്തിവച്ചിരിക്കുകയാണ്. ഗുണഭോക്തൃസമിതി ഭാരവാഹികള് നഗരസഭയിലും പോലീസിലും പരാതി നല്കിയിട്ടുണ്ട്. സിസിടിവി കാമറ സ്ഥാപിക്കണമെന്ന ആവശ്യവും ശക്തമായി. പദ്ധതിയുടെ കിണര് ളാലം തോടിനു തൊട്ടുസമീപമാണുള്ളത്. രാത്രികാലങ്ങളില് സാമൂഹ്യവിരുദ്ധര് വാഹനങ്ങളില് മാലിന്യമെത്തിച്ച് ഇവിടെയുള്ള പാലത്തില്നിന്നു തോട്ടിലേക്കു തള്ളുകയാണ്. കഴിഞ്ഞ ദിവസം കോഴിക്കടകളില്നിന്നുള്ള മാലിന്യമാണ് കാണപ്പെട്ടതെങ്കില് ഇന്നലെ മത്സ്യങ്ങളാണ് വന്തോതില് തള്ളിയത്. ഇവിടെയുള്ള കുളിക്കടവും മലിനമായി. കല്പ്പടവുകള് കെട്ടിയുണ്ടാക്കിയ കുളിക്കടവ് നിരവധി ആളുകള് കുളിക്കാനും അലക്കാനും ഉപയോഗിക്കുന്നതാണ്. സാമൂഹ്യവിരുദ്ധര്ക്കെതിരേ നിയമനടപടി സ്വീകരിക്കണമെന്നു നാട്ടുകാര് ആവശ്യപ്പെട്ടു.
Read Moreതോപ്പുംപടിയില് അസം സ്വദേശിയുടെ മരണം കൊലപാതകം; സുഹൃത്ത് പിടിയിൽ; കൊലപ്പെടുത്തിയത് ശ്വാസം മുട്ടിച്ച്
കൊച്ചി: എറണാകുളം തോപ്പുംപടിയില് അസം സ്വദേശിയെ മരിച്ചനിലയില് കണ്ടെത്തിയ സംഭവം കൊലപാതകമെന്ന് പോലീസ്. സംഭവവുമായി ബന്ധപ്പെട്ട് ഇയാളുടെ സുഹൃത്ത് അസം സ്വദേശിയായ അഭിജിത്തിനെ തോപ്പുംപടി പോലീസ് കസ്റ്റഡിയിലെടുത്ത് വിശദമായി ചോദ്യം ചെയ്തുവരുന്നു. ചോദ്യം ചെയ്യലിനു ശേഷമെ കൊലയ്ക്കു പിന്നിലെ കാരണം വ്യക്തമാകൂ. ഇയാളുടെ മറ്റ് രണ്ടു സുഹൃത്തുക്കളും പോലീസ് നിരീക്ഷണത്തിലാണ്. തോപ്പുംപടി നേതാജി ലോഡ്ജിലെ ഒമ്പതാം നമ്പര് മുറിയിലാണ് കബ്യ ജ്യോതി കക്കാടിനെ (26) ചൊവ്വാഴ്ച രാത്രി ഏഴോടെ മരിച്ച നിലയില് കണ്ടെത്തിയത്. ചൊവ്വാഴ്ച രാവിലെയാണ് കബ്യയും മറ്റു മൂന്നു പേരും ഒരുമിച്ചെത്തി മുറിയെടുത്തത്. കബ്യയും അഭിജിത്തും ഒരു മുറിയിലായിരുന്നു. മറ്റു രണ്ടുപേര് തൊട്ടടുത്ത മുറിയിലുമായിരുന്നു താമസിച്ചത്. മുറി ഒഴിയേണ്ട സമയം ആയിട്ടും വാതില് തുറക്കാതെ വന്നതോടെയാണ് ലോഡ്ജ് ഉടമയും ജീവനക്കാരും മുറി തുറന്ന് പരിശോധിച്ചത്. അപ്പോഴാണ് കബ്യയെ മരിച്ച നിലയില് മുറിയില് കണ്ടെത്തിയത്. തുടര്ന്ന് തോപ്പുംപടി…
Read Moreപ്രതിഷേധങ്ങള്ക്കൊടുവില് ചാണ്ടി ഉമ്മന് പൊതുപരിപാടിയില്
കോട്ടയം: പരാതികള്ക്കും പ്രതിഷേധങ്ങള്ക്കുമൊടുവില് ചാണ്ടി ഉമ്മന് എംഎല്എ പൊതുപരിപാടിയില് പങ്കെടുത്തു. മണര്കാട് സെന്റ് മേരീസ് ഹയര് സെക്കന്ഡറി സ്കൂളില് നടന്ന ഉപജില്ലാ കലോത്സവത്തിന്റെ സമാപന സമ്മേളനത്തിലാണു പങ്കെടുത്തത്. സമാപന സമ്മേളനത്തില് ഉദ്ഘാടകനായാണ് ചാണ്ടി ഉമ്മന് പങ്കെടുത്തത്. പുതുപ്പള്ളി നിയോജക മണ്ഡലത്തിലെ പൊതുപരിപാടികളില്നിന്നു സ്ഥലം എംഎല്എയായ തന്നെ ഒഴിവാക്കുന്നതായി ചൂണ്ടികാട്ടി ചാണ്ടി ഉമ്മന് നിയമസഭാ സ്പീക്കര് എ.എന്. ഷംസീറിന് അവകാശ ലംഘന പരാതി നല്കിയിരുന്നു. ഒരാഴ്ചയ്ക്കിടയില് രണ്ടാമത്തെ അവകാശ ലംഘന പരാതിയാണ് നല്കിയത്. കെ.ആര്. നാരായണന് ഇന്സ്റ്റിറ്റ്യൂട്ടില് നടന്ന പരിപാടിയില്നിന്ന് ഒഴിവാക്കിയതിനാണ് ആദ്യ അവകാശ ലംഘന പരാതി നല്കിയത്. വികസന കാര്യങ്ങളില് മണ്ഡലത്തെ അവഗണിക്കുന്നതായും പലസ്ഥാപനങ്ങളും മണ്ഡലത്തില്നിന്നു മാറ്റി മറ്റുമണ്ഡലങ്ങളിലേക്ക് കൊണ്ടുപോകുന്നതായും ചാണ്ടി ഉമ്മന് പരാതിപ്പെട്ടു. സര്ക്കര് പരിപാടികളില്നിന്നു ബോധപൂര്വം തന്നെ അവഗണിക്കുകയാണെന്നാണു പരാതിയില് പറയുന്നുണ്ട്. കഴിഞ്ഞദിവസം പാമ്പാടി ആര്ഐടിയില് ഉദ്ഘാടനത്തിനായി മുഖ്യന്ത്രി എത്തിയപ്പോള് മുഖ്യമന്ത്രിയോടും ചാണ്ടി ഉമ്മന്…
Read Moreനവീൻ ബാബുവിനെ പോലെ ദുരൂഹ സാഹചര്യത്തിൽ കണ്ണൂരിൽ 17 വർഷം മുമ്പും ഉന്നത ഉദ്യോഗസ്ഥൻ ജീവനൊടുക്കി
തലശേരി: എഡിഎം നവീൻ ബാബു ജീവനൊടുക്കിയത് ചർച്ചയായി തുടരുന്പോൾ പതിനേഴ് വർഷം പിന്നിലേക്ക് സഞ്ചരിച്ചാൽ ഏതാണ്ട് സമാനമായ രീതിയിൽ മറ്റൊരു ഉന്നതോദ്യോഗസ്ഥന്റെ മരണവും കണ്ടെത്താം. 2007 ജൂൺ മൂന്നിന് അന്നത്തെ കണ്ണൂർ ആർടിഒ ആയിരുന്ന കെ.എം. പുരുഷോത്തമനെയായിരുന്നു ദുരൂഹ സാഹചര്യത്തിൽ മരിച്ച നിലയിൽ കണ്ടെത്തിയത്. എഡിഎം നവീൻ ബാബുവിനെ അദ്ദേഹത്തിന്റെ തന്റെ ക്വാർട്ടേഴ്സിലാണ് തൂങ്ങിമരിച്ച നിലയിൽ കണ്ടെത്തിയതെങ്കിൽ കെ.എം. പുരുഷോത്തമനെ തന്റെ ഓഫീസ് മുറിതന്നെയായിരുന്നു സമാനരീതിയിൽ ജീവിതമവസാനിപ്പിക്കാൻ തെരഞ്ഞെടുത്തത്. പയ്യന്നൂർ പിലാത്തറ സ്വദേശിയായ അദ്ദേഹത്തിന്റെ മരണം ഏറെ ദുരൂഹതകൾ സൃഷ്ടിച്ചിരുന്നു. കാൻസർ രോഗിയായിരുന്ന പുരുഷോത്തമൻ തിരുവനന്തപുരത്ത് പോയി അന്നത്തെ ട്രാൻസ്പോർട്ട് കമ്മീഷണറെ കണ്ട് തിരിച്ചെത്തിയ ശേഷമാണ് ജില്ലാ പോലീസ് ആസ്ഥാനത്തോട് ചേർന്നുള്ള റീജണണൽ ട്രാൻസ് പോർട്ട് ഓഫീസിനുള്ളിലെ ഫാനിൽ തൂങ്ങി മരിച്ചത്. രാവില ഓഫീസിൽ എത്തിയ ജീവനക്കാരനാണ് പുരുഷാത്തമനെ തൂങ്ങി മരിച്ച നിലയിൽ കണ്ടെത്തിയത്. ഇന്നത്തെ…
Read Moreതൃശൂർ പൂരം കലക്കിയ സംഭവം; പൂരപ്പറമ്പിൽ എത്താൻ ആംബുലൻസിൽ കയറിയെന്നു സമ്മതിച്ച് സുരേഷ് ഗോപി
തിരുവനന്തപുരം: തൃശൂർ പൂരം കലങ്ങിയ ദിവസം പൂരപ്പറമ്പിൽ എത്താൻ ആംബുലൻസിൽ കയറിയെന്നു സമ്മതിച്ച് കേന്ദ്ര സഹമന്ത്രി സുരേഷ് ഗോപി. അഞ്ച് കിലോ മീറ്റർ ദൂരം കാറിൽ സഞ്ചരിച്ചു വരുന്നതിനിടെ ചില ഗുണ്ടകൾ കാർ ആക്രമിച്ചു.ഒരു രാഷ്ട്രീയവുമില്ലാത്ത ഏതാനും ചെറുപ്പക്കാരാണ് അപ്പോൾ രക്ഷപ്പെടുത്തിയത്. ഓട മുറിച്ചുകടക്കാൻ സഹായിച്ചത് അവരാണ്. അവിടെനിന്നാണ് ആംബുലൻസിൽ കയറിയത്. കാലിന് സുഖമില്ലാത്തത് കാരണം ജനങ്ങൾക്കിടയിലൂടെ നടക്കാൻ ബുദ്ധിമുട്ട് ഉണ്ടായിരുന്നു. 15 ദിവസത്തോളം കാൽ ഇഴച്ചാണ് നടന്നതെന്നും സുരേഷ് ഗോപി പറഞ്ഞു.താൻ ആംബുലൻസിൽ വന്നിറങ്ങിയെന്ന് പറഞ്ഞു മൊഴി നൽകിയ ആളുണ്ടല്ലോ. ആ മൊഴിയിൽ എന്താ പോലീസ് കേസ് എടുക്കാത്തത്. പൂരം കലക്കൽ സിബിഐയെ കൊണ്ട് അന്വേഷിപ്പിക്കാൻ സർക്കാരിന് ചങ്കൂറ്റം ഉണ്ടോയെന്നും അദ്ദേഹം ചോദിച്ചു.തൃശൂരിലെ ജനങ്ങൾ തനിക്ക് വോട്ട് ചെയ്തത് കരുവന്നൂർ വിഷയം കാരണമാണെന്നും അത് മറയ്ക്കാനാണ് പൂരം കലക്കൽ ആരോപണം എടുത്തിടുന്നതെന്നും സുരേഷ് ഗോപി പറഞ്ഞു.…
Read Moreകുടുംബ പ്രശ്നത്തെ തുടർന്ന് ഭാര്യയെയും മകനെയും വെട്ടിപ്പരിക്കേൽപ്പിച്ച ഭർത്താവ് അറസ്റ്റിൽ
കാട്ടാക്കട: കാട്ടാക്കടയിൽ ഭാര്യയെയും മകനെയും വെട്ടി പരിക്കേൽപ്പിച്ച ഭർത്താവ് അറസ്റ്റിൽ. ചാമവിള സിഎസ്ഐ പള്ളിക്ക് സമീപം താമസിക്കുന്ന നിഷാദാണ്(45) അറസ്റ്റിലായത്. ചൊവ്വാഴ്ച പുലർച്ചേ കൈതക്കോണത്ത് വാടകയ്ക്ക് താമസിക്കുകയായിരുന്ന ഭാര്യ സ്വപ്ന(40),മകൻ അഭിനവ്(11)എന്നിവരെയാണ് നിഷദ് വെട്ടി പരിക്കേൽപ്പിച്ചത്. സ്വപ്ന നക്രാംചിറയിലുള്ള പെട്രോൾ പമ്പിലെ ജോലിക്കായി വരുന്നതിനിടെ പുലർച്ചേ 5.30ഓടെ കൈതക്കോണത്ത് വച്ച് നിഷാദ് ആക്രമിക്കുകയായിരുന്നു. കൂടെ ഉണ്ടായിരുന്ന മകനും ആക്രമണത്തിൽ പരിക്കേറ്റു. ഈ സമയം വന്ന ടിപ്പർ ഡ്രൈവറുടെ സമയോചിതമായ ഇടപെടൽ കാരണമാണ് വലിയദുരന്തം ഒഴിവായത്. കാട്ടാക്കടയിൽ സ്വകാര്യ ആശുപത്രിയിൽ പ്രാഥമിക ചികിത്സ നൽകിയ ശേഷം മെഡിക്കൽ കോളേജ് ആശുത്രിയിലേക്ക് ഇരുവരേയം മാറ്റി. കുടുംബ പ്രശ്നങ്ങളാൽ അകന്നു കഴിയുകയായിരുനന്നു നിഷാദും ഭാര്യയും. ഇയാളെ വൈദ്യ പരിശോധനയ്ക്ക് ശേഷം ഇന്ന് കോടതിയിൽ ഹാജരാക്കുമെന്ന് കാട്ടാക്കട പോലീസ് അറിയിച്ചു.
Read Moreസൈബർ തട്ടിപ്പ്: ഈ വർഷം കവർന്നത് 635 കോടി; 32,000 കേസുകള് രജിസ്റ്റര് ചെയ്തതായി റിപ്പോർട്ട്
തിരുവനന്തപുരം: സംസ്ഥാനത്ത് ഈ വർഷം ഒക്ടോബര് 28 വരെയുള്ള കണക്കനുസരിച്ച് 635 കോടി രൂപ സൈബര് തട്ടിപ്പിലൂടെ കവര്ച്ച ചെയ്യപ്പെട്ടുവെന്ന് കേരള പൊലീസ് സൈബര് അന്വേഷണ വിഭാഗത്തിന്റെ റിപ്പോര്ട്ട്. കഴിഞ്ഞ വർഷത്തെ അപേക്ഷിച്ച് ഇത് മൂന്ന് മടങ്ങ് വര്ധനയാണ്. തട്ടിപ്പിനിരയായവരിൽ കര്ഷകര് മുതല് ഐടി പ്രഫഷണലുകള് വരെ ഉൾപ്പെടുന്നു. നഷ്ടമായ പണത്തിൽ 87.5 കോടി രൂപ മാത്രമേ അന്വേഷണ ഏജന്സികള്ക്ക് വീണ്ടെടുക്കാനായുള്ളൂ. സൈബര് തട്ടിപ്പുകളില് ഉള്പ്പെട്ട 22,000ലധികം മൊബൈല് ഫോണുകള് കരിമ്പട്ടികയില്പ്പെടുത്തി. കഴിഞ്ഞ ഒരു വര്ഷത്തിനിടെ അവ പ്രവര്ത്തനരഹിതമാക്കുകയും ചെയ്തു. കൂടാതെ തട്ടിപ്പുകാര് ഇരകളുമായി ബന്ധപ്പെടാന് ഉപയോഗിച്ചിരുന്ന 13,000 സിം കാര്ഡുകള് ബ്ലോക്ക് ചെയ്യുകയും ചെയ്തതായും കേരള പൊലീസ് സൈബര് അന്വേഷണ വിഭാഗം അറിയിച്ചു. ഈ വര്ഷം സംസ്ഥാനത്ത് ഒരു ലക്ഷത്തോളം തട്ടിപ്പ് സംഭവങ്ങള് പുറത്തുവന്നതിൽ 32,000 കേസുകള് രജിസ്റ്റര് ചെയ്തതായി റിപ്പോർട്ട് വ്യക്തമാക്കുന്നു.
Read Moreകോൺഗ്രസിൽ ഒറ്റയ്ക്കു തീരുമാനമെടുക്കാൻ പറ്റില്ല; സതീശൻ ശൈലി മാറ്റണ്ട കാര്യമില്ലെന്ന് കെ.സി. വേണുഗോപാൽ
തിരുവനന്തപുരം: കെ. മുരളീധരനെ പാലക്കാട്ട് സ്ഥാനാർഥിയാക്കണമെന്ന് ആവശ്യപ്പെട്ട് കത്തെഴുതിയെന്നു പറയുന്നവരും ഇപ്പോൾ തെരഞ്ഞെടുപ്പ് പ്രചാരണത്തിൽ മുന്നിൽ തന്നെയുണ്ടെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ. പാലക്കാട് മണ്ഡലത്തിൽ കെ. മുരളീധരന്റെ പേര് ഡിസിസി നിർദേശിച്ചിരുന്നുവെന്ന് സ്ഥിരീകരിച്ച കെ.സി.വേണുഗോപാൽ രാഹുല് മാങ്കൂട്ടത്തിലിനെ പ്രഖ്യാപിക്കും മുൻപ് മുരളീധരനോടുകൂടി സംസാരിച്ചായിക്കുമല്ലോ പാർട്ടി തീരുമാനം എടുത്തതെന്നും കൂട്ടിച്ചേർത്തു. അതേസമയം കത്ത് പുറത്തു വന്നത് സംബന്ധിച്ച് പിന്നീട് ചർച്ച ചെയ്യാമെന്നും കെ.സി.വേണുഗോപാൽ ഒരു സ്വകാര്യ ചാനലിന് നൽകിയ അഭിമുഖത്തിൽ പറഞ്ഞു. വി.ഡി. സതീശൻ നന്നായി പ്രവർത്തിക്കുന്നുണ്ടെന്നും ശൈലി മാറ്റേണ്ട ആവശ്യമില്ലെന്നും കെ.സി. വേണുഗോപാൽ പറഞ്ഞു. “”ഈ പാർട്ടിയിൽ വേണുഗോപാലിനോ, സതീശനോ ഒറ്റയ്ക്ക് തീരുമാനം എടുക്കാൻ പറ്റില്ല. ഒരു നേതാവ് വിചാരിച്ചാൽ മാത്രം കേരളത്തിൽ കോൺഗ്രസിനെ അധികാരത്തിൽ എത്തിക്കാനാകില്ല. പാർട്ടിക്കുള്ളിൽ ആർക്കെങ്കിലും മുഖ്യമന്ത്രി മോഹമുണ്ടെങ്കിൽ അതിൽ എന്താണ് തെറ്റ്. എനിക്ക് മുഖ്യമന്ത്രിയാകാൻ മോഹമില്ല”- കെ.സി. വേണുഗോപാൽ…
Read More