കട്ടപ്പന: ഇടുക്കിയിലെ ഭൂമി, സിഎച്ച്ആർ കേസുകളിൽ കേരളം ഇതുവരെ തുടർന്നിട്ടുള്ള നിസംഗത തുടർന്നാൽ കേന്ദ്ര വന സംരക്ഷണ ഭേദഗതി നിയമത്തിന്റെ പരിരക്ഷയും ഇടുക്കിക്കു നഷ്ടമാകും. സിഎച്ച്ആർ കേസിൽ 2007ൽ കേരളം നൽകിയ സത്യവാങ്മൂലത്തിൽ തുടർനടപടികൾ സ്വീകരിക്കുന്നതിൽ കേരളം വരുത്തിയ നിസംഗതയാണ് കഴിഞ്ഞ 24നു സിഎച്ച്ആറിൽ പട്ടയം നൽകുന്നതു വിലക്കിക്കൊണ്ടുള്ള സുപ്രീം കോടതി ഉത്തരവിനു കാരണം. 2007ൽ സുപ്രീം കോടതിയിൽ സത്യവാങ്മൂലം നൽകിയ കേരളം പിന്നീട് ഇക്കാര്യത്തിൽ തുടർ നടപടികൾ സ്വീകരിച്ചില്ല. പിന്നീട് 2023ലാണ് സുപ്രീം കോടതിയുടെ ഉത്തരവനുസരിച്ച് കേരള റവന്യു പ്രിൻസിപ്പൽ സെക്രട്ടറി സത്യവാങ് മൂലം നൽകിയത്. പിന്നീട് കഴിഞ്ഞ 23ന് ചീഫ് സെക്രട്ടറിയും സത്യവാങ്മൂലം നൽകി. കേസ് ഡിസംബറിൽ പരിഗണിക്കാമെന്നാണ് സുപ്രീം കോടതി വാക്കാൽ പറഞ്ഞിരിക്കുന്നത്. 1964ലെ ഭൂപതിവു കേസുമായി ബന്ധപ്പെട്ട കാര്യത്തിലും കേരള സർക്കാർ മെല്ലപ്പോക്കു തന്നയാണ് നടത്തിയത്. അതിനാലാണ് ജില്ലയിൽ നിർമാണ നിരോധം…
Read MoreCategory: Edition News
സ്കൂട്ടര് അപകടം: ചികിത്സയില് കഴിഞ്ഞിരുന്ന ഗൃഹനാഥന് മരിച്ചു
കോട്ടയം: സ്കൂട്ടർ അപകടത്തില് ചികിത്സയില് കഴിഞ്ഞിരുന്ന ഗൃഹനാഥന് മരിച്ചു. കോട്ടയം ഇല്ലിക്കല് പുളിക്കമറ്റം കോതേടത്തില് ഷാജി (63)യാണു മരിച്ചത്. ജൂലൈ 20നു രാത്രി 8.30ന് കോട്ടയം തിരുനക്കര ക്ഷേത്രത്തിന്റെ തെക്കേ ഗോപുരത്തിനു സമീപമായിരുന്നു അപകടം. കോട്ടയത്തെ സ്വകാര്യ സ്ഥാപനത്തിലെ ജീവനക്കാരനായിരുന്നു ഷാജി. ജോലി കഴിഞ്ഞു വീട്ടിലേക്കു മടങ്ങുമ്പോള് റോഡ് മുറിച്ച് കടക്കുന്ന കാൽനടയാത്രക്കാരനെ രക്ഷിക്കാന് സ്കൂട്ടർ നിര്ത്തുന്നതിനിടെ നിയന്ത്രണം വിട്ടുമറിയുകയായിരുന്നു. വീഴ്ചയില് ഗുരുതര പരിക്കേറ്റ ഷാജിയെ ഉടന് തന്നെ സമീപത്തെ സ്വകാര്യ ആശുപത്രിയിലും പിന്നീട് പാലായിലെ സ്വകാര്യ ആശുപത്രിയിലും പ്രവേശിപ്പിച്ചു. ട്രോമ സ്റ്റേജില് കഴിഞ്ഞിരുന്ന ഷാജിയെ പിന്നീടു വീട്ടിലേക്കു മാറ്റുകയായിരുന്നു. വീട്ടില് കഴിയവേ ഇന്നു പുലര്ച്ചെയോടെയാണ് അന്ത്യം സംഭവിച്ചത്. സംസ്കാരം ഇന്ന് വൈകുന്നേരം അഞ്ചിന് വേളൂര് എസ്എന്ഡിപി ശ്മശാനത്തില്. ഭാര്യ: മിനിമോള്, മക്കള്: അവിനാശ്, അഭിരാമി. മരുമകള്: ഷീജ അവിനാശ്.
Read Moreവിയ്യൂർ ജയിലിൽ വിഷംതട്ടാതെ വിളഞ്ഞത് 6300 കിലോ പച്ചക്കറി
വിയ്യൂർ: വിയ്യൂർ ജയിലിൽ വിഷം തട്ടാതെ വിളഞ്ഞത് 6300 കിലോ പച്ചക്കറി. ജൈവകൃഷി രീതി അവലംബിച്ച് രാസവളങ്ങളോ കീടനാശിനികളോ ഉപയോഗിക്കാതെയാമ് 6300 കിലോ പച്ചക്കറി വിളയിച്ചെടുത്തത്. ജയിൽ അന്തേവാസികൾ തന്നെയാണ് മണ്ണിൽ പൊന്നുവിളയിച്ചത്. അറിഞ്ഞോ അറിയാതെയോ ചെയ്തു പോയ തെറ്റുകൾക്കുള്ള ശിക്ഷയായി ജയിലിൽ കഴിയേണ്ടി വരുന്നവർക്ക് അവരുടെ മാനസിക സംഘർഷങ്ങൾ കുറയ്ക്കുന്നതിനുള്ള നല്ലൊരു മാർഗം കൂടിയായിരുന്നു ജയിലിനകത്തെ കൃഷിപ്പണി. ഇവരിൽ പലരും ജയിൽമോചിതരായാൽ കൃഷിപ്പണി ഉപജീവനമാർഗമായി സ്വീകരിക്കുമെന്ന് പറയുന്പോൾ ആ വാക്കുകൾക്ക് മണ്ണിൽ വിളഞ്ഞതിനേക്കാൾ പൊന്നിൻ തിളക്കമുണ്ട് .കൂടാതെ ജയിൽ ബജറ്റിൽ വലിയ കുറവു വരുത്താൻ ഈ പച്ചക്കറിസമൃദ്ധികൊണ്ട് സാധിച്ചെന്ന് ജയിൽ അധികൃതർ പറയുന്നു. പൊതുവിപണിയിലേക്കും ജയിൽ പച്ചക്കറി എത്തുന്നുണ്ട്. 1520 കിലോ കപ്പയാണ് ജയിൽ അന്തേവാസികൾ കൃഷിചെയ്തതിൽ ഏറ്റവുമധികമുള്ളത്.450 കിലോ കൂർക്ക, 400 കിലോ കോവൽ, 450 കിലോ കായ, 270 കിലോ ചുരയ്ക്ക, 250…
Read Moreടിപ്പര് നിയന്ത്രണംവിട്ട് കാറിലിടിച്ചശേഷം ട്രാന്സ്ഫോര്മറിൽ ഇടിച്ചുമറിഞ്ഞു: രണ്ട് പേർക്ക് പരിക്ക്
കോട്ടയം: എം സാൻഡ് കയറ്റിവന്ന ടിപ്പര് ലോറി നിയന്ത്രണംവിട്ട് കാറിലിടിച്ചശേഷം ട്രാന്സ്ഫോര്മറിലിടിച്ചു തലകീഴായി മറിഞ്ഞു. അപകടത്തില് രണ്ടു പേര്ക്കു പരിക്കേറ്റു. ഇന്നു രാവിലെ 10.30നു ടിബി റോഡില് കല്യാണ് സില്ക്സിനു സമീപമാണ് അപകടമുണ്ടായത്. ടിബി റോഡിലുടെ വരികയായിരുന്നു ലോറി കെഎസ്ആര്ടിസി സ്റ്റാന്ഡ് കഴിഞ്ഞുള്ള ഇറത്തിൽ നിയന്ത്രണംവിട്ടു മുന്നില് പോയ കാറിലിടിച്ചശേഷം ട്രാന്സ്ഫോര്മറിലേക്കു ഇടിച്ചു തലകീഴായി മറിയുകയായിരുന്നു. പരിക്കേറ്റവരെ ജില്ലാ ആശുപത്രിയില് പ്രവേശിപ്പിച്ചു.
Read Moreകേരളപ്പിറവി ദിനത്തിൽ വിവിയാന വിഴിഞ്ഞത്ത്; രാത്രിയോടെ കപ്പൽ തുറമുഖത്തടുക്കും; സുരക്ഷയൊരുക്കാൻ തീരദേശ പോലീസ്
വിഴിഞ്ഞം: കേരളപ്പിറവി ദിനത്തെ ധന്യമാക്കാൻ ലോകത്തെ ഏറ്റവും വലിയ ചരക്കു കപ്പൽ കമ്പനിയായ മെഡിറ്ററേനിയൻ ഷിപ്പിംഗ് കമ്പനി(എംഎസ്സി)യുടെ കൂറ്റൻ മദർഷിപ്പ് വിവിയാനാ എത്തുന്നു. സിംഗപ്പൂരിൽ നിന്ന് നിറയെ കണ്ടെയ്നറുകളുമായി ഇന്ന് രാത്രിയോടെ കപ്പൽ വിഴിഞ്ഞം തുറമുഖത്തടുക്കും. ഇന്ന് പുലർച്ചെയോടെ ഉൾക്കടലിൽ എത്തിയ കപ്പലിനെ അദാനിയുടെ വക ടഗ്ഗുകളുടെ സഹായത്തോടെയാകും വാർഫിൽ അടുപ്പിക്കുക. അതിനുള്ള തയ്യാറെടുപ്പുകളും അധികൃതർ തുടങ്ങി.സുരക്ഷയൊരുക്കാൻ തീരദേശ പോലീസിന്റെ പട്രോളിംഗുമുണ്ടാകും. ക്ലൗഡ്ഗിരാഡറ്റ്, അന്ന എന്നിവക്കു ശേഷം എത്തുന്ന എംഎസ്സിയുടെ മദർഷിപ്പിന് 400 മീറ്റർ നീളവും 60 മീറ്റർ വീതിയുമുണ്ട്. ട്രയൽ റൺ ആരംഭിച്ച ശേഷം ഇതുവരെ എത്തിയ 38 ചരക്ക് കപ്പലുകളിൽ മുപ്പതും എംഎസ്സി കമ്പനിയുടെ വകയായിരുന്നു. മുക്കാൽ ലക്ഷത്തോളം കണ്ടെയ്നറുകൾ ഇതിനോടകം കൈകാര്യം ചെയ്ത വിഴിഞ്ഞം തുറമുഖം ഇന്ത്യയിലെ മറ്റ് തുറമുഖങ്ങളെയും പിന്തള്ളിയുള്ള മുന്നേറ്റം തുടരുന്നതായി അധികൃതർ പറയുന്നു. ട്രയൽ റൺ വിജയകരമായി പൂർത്തിയാക്കിയ…
Read Moreവാണിജ്യാവശ്യത്തിനുള്ള എല്പിജി സിലിണ്ടറിന്റെ വില വര്ധിച്ചു: ഗാര്ഹിക സിലിണ്ടറിന്റെ വിലയില് മാറ്റമില്ല
കൊച്ചി: വാണിജ്യാവശ്യത്തിനുള്ള എല്പിജി സിലിണ്ടറിന്റെ വില വീണ്ടും കൂട്ടി. 19 കിലോ സിലിണ്ടറിന് 61 രൂപ 50 പൈസയാണ് വര്ധിപ്പിച്ചിരിക്കുന്നത്. 1,810 രൂപ 50 പൈസയാണ് കൊച്ചിയിലെ പുതുക്കിയ വില. കഴിഞ്ഞ മാസം വാണിജ്യാവശ്യത്തിനുള്ള പാചക വാതക സിലിണ്ടറിന്റെ വിലയില് 50 രൂപയുടെ വര്ധനയാണ് ഉണ്ടായത്. സെപ്റ്റംബറില് 39 രൂപ വര്ധിപ്പിച്ചു. കഴിഞ്ഞ നാലു മാസത്തിനിടെ വാണിജ്യാവശ്യത്തിനുള്ള സിലിണ്ടറിന് 157 രൂപ 50 പൈസയാണ് വര്ധിച്ചത്. ഗാര്ഹിക സിലിണ്ടറിന്റെ വിലയില് മാറ്റമില്ല.
Read More“ബിജെപിയിൽനിന്നു പുറത്താക്കിയിട്ടില്ല”; അഴിമതി ആരോപണം നിഷേധിച്ച് തിരൂർ സതീഷ്
തൃശൂർ: തന്നെ പുറത്താക്കിയിട്ടില്ലെന്നും വ്യക്തിപരമായ പ്രശ്നങ്ങളെ തുടര്ന്നാണു താൻ പാര്ട്ടി പ്രവര്ത്തനത്തില്നിന്നു മാറിനില്ക്കാന് തീരുമാനിച്ചതെന്നും ബിജെപി മുൻ ജില്ലാ ഒാഫീസ് സെക്രട്ടറി തിരൂര് സതീഷ്. സാന്പത്തിക തിരിമറിക്കു പുറത്താക്കിയ ആളാണു സതീഷെന്ന ബിജെപി ജില്ലാ പ്രസിഡന്റ് കെ.കെ. അനീഷ്കുമാറിന്റെ പ്രസ്താവനയോടു പ്രതികരിക്കുകയായിരുന്നു സതീഷ്. ഇത്തവണയും താൻ പാർട്ടി മെന്പർഷിപ്പ് പുതുക്കിയെന്നും സതീഷ് വ്യക്തമാക്കി. മുളങ്കുന്നത്തുകാവ് കോക്കുളങ്ങരയില് താൻ പണിത വീടിനു കട ബാധ്യതയുള്ളതിനാൽ മറ്റൊരു പണിക്കുവേണ്ടി ഒരു മാസത്തെ ലീവിനു പോവുകയായിരുന്നു. അല്ലാതെ എന്നെയാരും ബിജെപിയിൽനിന്ന് പുറത്താക്കിയതല്ല. എനിക്ക് ആരെങ്കിലും പണം തന്നിട്ടാണു കൊടകര കുഴൽപ്പണ കേസിലെ വെളിപ്പെടുത്തലെങ്കിൽ, എന്റെ വീടിന്റെ ജപ്തി വേണ്ടിവരില്ലെന്നും മൊഴി മാറ്റിപ്പറയാന് താൻ ആരുടെയും കൈയിലനിന്നു പണം വാങ്ങിയിട്ടില്ലെന്നും സതീഷ് പറഞ്ഞു. സിപിഎം നേതാവ് എം.കെ. കണ്ണന് പ്രസിഡന്റായ തൃശൂര് സര്വീസ് സഹകരണ ബാങ്കില്നിന്നു വായ്പയെടുത്ത് സതീഷ് കോക്കുളങ്ങറയിൽ പണിത വീട്…
Read Moreകള്ളനോട്ട് കേസിൽ യുപി സ്കൂള് അധ്യാപകൻ വീണ്ടും പിടിയിൽ; പിടികൂടിയത് 17.38 ലക്ഷത്തിന്റെ കള്ളനോട്ടുകള്
കോഴിക്കോട്: യുപി സ്കൂള് അധ്യാപകന്റെ വീട്ടില് വന്കള്ളനോട്ട് വേട്ട. 17.38 ലക്ഷത്തിന്റെ കള്ളനോട്ടുകള് പിടികൂടി. ഈങ്ങാപ്പുഴ കുഞ്ഞുകുളം സ്വദേശി ഹിഷാമിന്റെ വീട്ടില് പോലീസ് നടത്തിയ റെയ്ഡിലാണ് കള്ളനോട്ടുകള് പിടിച്ചത്. സമാനമായ കള്ളനോട്ട് കേസില് അറസ്റ്റിലായി ഒരു മാസം മുമ്പാണ് ഇയാള് ജാമ്യത്തില് ഇറങ്ങിയത്. ഇതേതുടര്ന്ന് വിദ്യാഭ്യാസ വകുപ്പ് ഇയാളെ സര്വീസില് നിന്ന് സസ്പെന്ഡ് ചെയ്തിരുന്നു. വയനാട് ലോക്സഭാ തെരഞ്ഞെടുപ്പുമായി ബന്ധപ്പെട്ട് പോലീസ് വാഹന പരിശോധന ശക്തമാക്കിയിരുന്നു. ഇതിനിടയില് ലഭിച്ച രഹസ്യവിവരത്തിന്റെ അടിസ്ഥാനത്തിലാണ് വീട്ടില് റെയ്ഡ് നടത്തിയത്. ഇയാളുടെ പിതാവ് അധ്യാപകനായിരുന്നു. അദ്ദേഹം മരിച്ചതിനെത്തുടര്ന്നാണ് ഹിഷാമിന് ജോലി ലഭിച്ചത്.
Read Moreനവകേരള ‘ആഡംബര ബസ്’: ഇനി സൂപ്പര് ഡീലക്സ് എസി സര്വീസ്
കോഴിക്കോട്: മുഖ്യമന്ത്രി പിണറായി വിജയനും മന്ത്രിമാരും സഞ്ചരിച്ച നവകേരള ബസിനെതിരേ പ്രതിപക്ഷത്തുനിന്നു വിമര്ശനം ഉയര്ന്നപ്പോള് സിപിഎം നേതാവും മുന് മന്ത്രിയുമായ എ.കെ. ബാലന് പറഞ്ഞു “ഈ ബസ് മ്യൂസിയത്തില് വച്ചാലും കാണാന് നൂറുകണക്കിന് ആളുകള് എത്തുമെന്ന്. നഷ്ടത്തിലായ നവകേരള ബസിനെ മ്യൂസിയത്തിലേക്ക് മാറ്റേണ്ട അവസ്ഥയായപ്പോള് രൂപമാറ്റം വരുത്തി ലാഭകരമാക്കാനുള്ള ശ്രമത്തിലാണ് കെഎസ്ആര്ടിസി. കേരള രാഷ്ട്രീയത്തില് ഏറെ ചര്ച്ചചെയ്യപ്പെട്ട ഈ വിഐപി ബസ് പല്ലും നഖവും കൊഴിഞ്ഞ സാഹചര്യത്തില് ഇനി മറ്റു കെഎസ്ആര്ടിസി ബസുകള്ക്കൊപ്പം ഓടിത്തുടങ്ങും. രണ്ടാഴ്ചയ്ക്കുള്ളില് സൂപ്പര് ഡീലക്സ് എസി ബസായി വീണ്ടും നിരത്തിലിറക്കാനാണ് കെഎസ്ആര്ടിസി ആലോചിക്കുന്നത്. മുഖ്യമന്ത്രിക്കും മന്ത്രിമാര്ക്കും യാത്ര ചെയ്യാന് വേണ്ടി 16 കോടി രൂപയ്ക്കാണ് ഭാരത് ബെന്സിന്റെ നവകേരള ബസ് വാങ്ങിയത്. മുന്ഭാഗത്ത് ഹൈഡ്രോളിക് ലിഫ്റ്റും പിറകില് ഓട്ടോമാറ്റിക് വാതിലും ബാത്ത്റൂം സൗകര്യങ്ങളമുള്ള നവകേരള ബസ് വിവാദത്തിനു വഴിയൊരുക്കിയിരുന്നു. സര്ക്കാര് ധൂര്ത്താണെന്നുവരെ വിമര്ശനമുയര്ന്നു.…
Read Moreമണ്ഡല, മകരവിളക്ക് ഉത്സവം; മുന്നൊരുക്കങ്ങള് എഡിജിപി വിലയിരുത്തി; ചിത്തിര ആട്ടത്തിരുനാളിനും വൻ ഭക്തജനപ്രവാഹം
പത്തനംതിട്ട: മണ്ഡല, മകരവിളക്ക് ഉത്സവകാലവുമായി ബന്ധപ്പെട്ട ഒരുക്കങ്ങള് എഡിജിപി എസ്. ശ്രീജിത്ത് വിലയിരുത്തി. സന്നിധാനത്ത് മൂന്നു ദിവസം തങ്ങിയ അദ്ദേഹം, ചിത്തിര ആട്ടത്തിരുനാള് മഹോത്സവവുമായി ബന്ധപ്പെട്ട് സുഗമമായ ദര്ശനം ഭക്തര്ക്ക് ഉറപ്പാക്കുന്നതിനും നേതൃത്വം നല്കി. സന്നിധാനത്തെ പോലീസിന്റെ മുന്നൊരുക്കങ്ങളും ക്രമീകരണങ്ങളുടെ പുരോഗതിയും വിലയിരുത്തി. കൂടാതെ, ദേവസ്വം ബോര്ഡ് പ്രസിഡന്റ്, സ്പെഷല് കമ്മീഷണര്, ദേവസ്വം എക്സിക്യൂട്ടീവ് ഓഫീസര്, ദേവസ്വം മരാമത്ത് എന്ജിനിയര് തുടങ്ങിയവരുമായി ഇക്കാര്യങ്ങള് ചര്ച്ച ചെയ്തു. ശബരിമല തീര്ഥാടനത്തിനു മുന്നോടിയായി ചെയ്തുതീര്ക്കേണ്ട ക്രമീകരണങ്ങള് സംബന്ധിച്ച നിര്ദേശങ്ങള് ദേവസ്വം ബോര്ഡ് മുമ്പാകെ എഡിജിപി നല്കി. മണ്ഡല മകരവിളക്ക് കാലയളവിലെ ആദ്യഘട്ടത്തില് സ്പെഷല് ഓഫീസറായി നിയമിക്കപ്പെട്ട റെയില്വേ എസ്പി ബി. കൃഷ്ണകുമാര്, ജില്ലാ പോലീസ് മേധാവി വി. ജി. വിനോദ് കുമാര് എന്നിവരുടെ സാന്നിധ്യത്തിലായിരുന്നു ചര്ച്ച. ചിത്തിര ആട്ടത്തിരുനാള് ദിവസം മുന്വര്ഷങ്ങളെ അപേക്ഷിച്ച് ദര്ശനത്തിനായുള്ള ഭക്തരുടെ ഓണ്ലൈന് ബുക്കിംഗ് കൂടുതലായതിനാല്…
Read More