കൊയിലാണ്ടി: എടിഎമ്മില് നിറയ്ക്കാന് കൊണ്ടുപോയ 62 ലക്ഷം രൂപ കള്ളക്കഥയുണ്ടാക്കി തട്ടിയെടുത്ത സംഭവത്തില് ആറേകാല് ലക്ഷത്തോളം രൂപ രണ്ടുദിവസത്തെ തെളിവെടുപ്പിനിടെ പോലീസ് കണ്ടെടുത്തു. രണ്ടാം പ്രതി താഹ തിക്കോടിയിലെ കാത്തലിക് സിറിയൻ ബാങ്കില് നല്കിയ അഞ്ച് ലക്ഷത്തിലേറെ രൂപയും താഹയുടെ ഭാര്യയുടെ പക്കല്നിന്ന് ഒരുലക്ഷം രൂപയുമാണ് കണ്ടെടുത്തത്. നേരത്തെ വില്യാപ്പിള്ളിയിലെ ഒരു ആരാധാനാലയത്തില്നിന്നു 37 ലക്ഷം രൂപയും താഹ മറ്റൊരാള്ക്ക് നല്കിയ അഞ്ച് ലക്ഷം രൂപയും പോലീസ് കണ്ടെടുത്തിരുന്നു. തെളിവെടുപ്പിനുശേഷം പ്രതികളെ ഇന്നലെ കോടതിയില് ഹാജരാക്കി. പയ്യോളി ബീച്ച് സുഹാന മന്സില് സുഹൈല്, തിക്കോടി കോടിക്കല് ഉമ്മര് വളപ്പില് താഹ, തിക്കോടി കോടിക്കല് പുളിവളപ്പില് യാസര് എന്നിവരെയാണ് വീണ്ടും റിമാന്ഡ് ചെയ്തത്. സുഹൈലിനെ കാറില് കെട്ടിയിട്ട് പണം കവര്ന്നു എന്നായിരുന്നു പരാതി. സുഹൈലിനെ കൈയുംകാലും കെട്ടിയത് കോഴിക്കോട് വെസ്റ്റ് ഹില് ബീച്ച് റോഡ് സൈഡില്വച്ചാണെന്ന് പ്രതികള് സമ്മതിച്ചു.…
Read MoreCategory: Edition News
മണ്ണെടുപ്പിനെതിരെ പരാതി നൽകിയ വീട്ടമ്മയ്ക്ക് പോലീസിന്റെ ഭീഷണി; ശാരീരിക അസ്വസ്ഥതയെ തുടർന്ന് വീട്ടമ്മ ആശുപത്രിയിൽ
തൊടുപുഴ: വീടിനു സമീപത്തെ മണ്ണെടുപ്പിനെതിരേ പരാതി നൽകിയ വീട്ടമ്മയെ പോലീസ് ഭീഷണിപ്പെടുത്തിയതായി പരാതി. ചുങ്കത്ത് താമസിക്കുന്ന തൊടുപുഴ അർബൻ ബാങ്ക് റിട്ട. ഉദ്യോഗസ്ഥയും വിധവയുമായ സുഭദ്ര ഷാജിയെയും മകളെയുമാണ് കുന്ന് ഇടിക്കുന്നതുമായുള്ള തർക്കത്തെത്തുടർന്ന് പോലീസ് വീട്ടിലെത്തി ഭീഷണിപ്പെടുത്തിയത്. അയൽവാസി കുന്ന് ഇടിച്ചുനിരത്തിയതോടെ മഴ പെയ്യുന്പോൾ മണ്ണും കല്ലും ചെളിയും ഇവരുടെ മുറ്റത്തും വീട്ടിലും കയറുന്നതായി ചൂണ്ടിക്കാട്ടി ഇവർ ജില്ലാ കളക്ടർക്ക് പരാതി നൽകിയിരുന്നു. തുടർന്ന് മണ്ണ് നീക്കം ചെയ്യുന്നത് കളക്ടർ തടഞ്ഞിരുന്നു. ഇതെത്തുടർന്ന് മൂന്നു പോലീസുകാർ വീട്ടിലെത്തി ഇനി ഇതു സംബന്ധിച്ച് ആർക്കും പരാതി നൽകരുതെന്ന് നിർദേശിച്ചു. പരാതിയുണ്ടെങ്കിൽ തൊടുപുഴ പോലീസിനെ അറിയിക്കണമെന്നാണ് ഇവർ ആവശ്യപ്പെട്ടത്.പോലീസുകാർ പോയതിനു പിന്നാലെ ശാരീരിക അസ്വസ്ഥത അനുഭവപ്പെട്ട സുഭദ്രയെ തൊടുപുഴയിലെ സ്വകാര്യ ആശുപത്രിയിലും പിന്നീട് കോലഞ്ചേരിയിലെ സ്വകാര്യ മെഡിക്കൽ കോളജിലും പ്രവേശിപ്പിച്ചു.
Read Moreഇടിഞ്ഞുവീഴാറായ ലയങ്ങളിൽ ദുരിതജീവിതം; വിരമിച്ച തോട്ടം തൊഴിലാളികൾക്ക് ആനുകൂല്യം നിഷേധിക്കുന്നു
തൊടുപുഴ: തേയിലത്തോട്ടങ്ങളിൽ വർഷങ്ങളോളം ജോലിയെടുത്ത് വിരമിച്ചവരും പിരിഞ്ഞുപോയവരുമായ തൊഴിലാളികൾക്ക് ഗ്രാറ്റുവിറ്റി ഉൾപ്പെടെയുള്ള ആനുകൂല്യങ്ങൾ നിഷേധിക്കുന്നു. തോട്ടങ്ങളിൽ മഞ്ഞും മഴയും വെയിലുമേറ്റ് കഠിനാധ്വാനം ചെയ്ത തൊഴിലാളികളോടാണ് മാനേജ്മെന്റുകളുടെ അവഗണന. തോട്ടം പ്രതിസന്ധിയിലാണെന്ന കാരണം ചൂണ്ടിക്കാട്ടിയാണ് പല എസ്റ്റേറ്റ് ഉടമകളും ആനുകൂല്യങ്ങൾ നിഷേധിക്കുന്നത്. ജില്ലയിൽ വിവിധ തേയിലത്തോട്ടങ്ങളിലായി ആയിരക്കണക്കിന് തൊഴിലാളികൾക്ക് വിരമിക്കൽ ആനുകൂല്യം ലഭിക്കാനുണ്ടെന്നാണ് കണക്ക്. ഒട്ടേറെ തൊഴിലാളികൾ ജോലിയുടെ ഫലയായി ലഭിച്ച രോഗപീഡകളും മറ്റും അനുഭവിച്ച് മരിക്കുകയും ചെയ്തു.ഇവരുടെ ആശ്രിതർക്കും ആനുകൂല്യം ലഭിക്കുന്നില്ല. രോഗികളായി കിടപ്പിലായവരും ഗ്രാറ്റുവിറ്റി ലഭിക്കാത്തവരിൽ ഉൾപ്പെടും. ഇടിഞ്ഞു പൊളിഞ്ഞു വീഴാറായ ലയങ്ങളിലാണ് ഇപ്പോഴും തൊഴിലാളികൾ ദുരിത ജിവിതം നയിക്കുന്നത്. വാഗമണ് എംഎംജെ പ്ലാന്റേഷൻ, പീരുമേട് ടീ കന്പനി, ബഥേൽ എസ്റ്റേറ്റ്, ചിന്നാർ എസ്റ്റേറ്റ്, ഹെലിബറിയ എസ്റ്റേറ്റ്, പോപ്സണ് കന്പനി, എവിജെ കന്പനി തുടങ്ങി വിവിധ തോട്ടങ്ങളിൽനിന്നുള്ള തൊഴിലാളികൾക്കാണ് ആനുകൂല്യം ലഭിക്കാനുള്ളത്.ആനൂകൂല്യം ലഭിക്കാത്തതിനാലാണ് തൊഴിലാളികൾ ഇപ്പോഴും…
Read Moreആലപ്പുഴ ബീച്ചില്കഞ്ചാവ് ചെടികള് കണ്ടെത്തി; രണ്ടുമാസം പ്രായമുള്ള ചെടികൾക്ക് 50 സെന്റീ മീറ്ററിലധികം വലുപ്പം; കേസെടുത്ത് പോലീസ്
ആലപ്പുഴ: രഹസ്യവിവരത്തെത്തുടര്ന്ന് പോലീസും എക്സൈസും ചേര്ന്ന് ആലപ്പുഴ ബീച്ചില് നടത്തിയ പരിശോധനയില് രണ്ടുമാസം പ്രായമുള്ള മൂന്നു കഞ്ചാവ് ചെടികള് കണ്ടെത്തി. ഇന്നലെ ഉച്ചയോടെയാണ് പരിശോധന നടത്തിയത്. അടഞ്ഞുകിടക്കുന്ന ഇന്ത്യന് കോഫിഹൗസിന്റെ എതിര്വശത്ത് സമാന്തര ഫ്ളൈഓവറിന്റെ നിര്മാണത്തിനായി കോണ്ക്രീറ്റ് ഗര്ഡറുകള് വെച്ചിട്ടുള്ള ഭാഗത്തുനിന്നാണ് കഞ്ചാവ് ചെടികള് കണ്ടെത്തിയത്. ഉദ്ദേശം 50 സെന്റീ മീറ്ററിലധികം വലുപ്പമുണ്ട്. ഗര്ഡറുകള് നിര്മിച്ചശേഷം ചെറിയകമ്പികള് കൂട്ടിയിട്ടതിന് ഇടയിലാണ് കഞ്ചാവ് കിളിര്ത്തു നില്ക്കുന്നത് കണ്ടത്. കണ്ടെത്തിയ കഞ്ചാവ് ചെടികള് ആലപ്പുഴ എക്സൈസ് സംഘം കസ്റ്റഡിയില് സൂക്ഷിച്ചിട്ടുണ്ട്. കേസെടുത്തു. ബീച്ചില് എത്തിയ ആരെങ്കിലും കഞ്ചാവ് ഉപയോഗിച്ചപ്പോള് കുരുവീണു കിളിര്ത്തതാണെന്ന് സംശയിക്കുന്നതായി പോലീസ് പറഞ്ഞു.
Read Moreകലോത്സവ സമാപനത്തിന് തിരിതെളിച്ചു… പരാതികള്ക്കും പ്രതിഷേധങ്ങള്ക്കുമൊടുവില് ചാണ്ടി ഉമ്മന് എംഎല്എ പൊതുപരിപാടിയില്
കോട്ടയം: പരാതികള്ക്കും പ്രതിഷേധങ്ങള്ക്കുമൊടുവില് ചാണ്ടി ഉമ്മന് എംഎല്എ പൊതുപരിപാടിയില് പങ്കെടുത്തു. മണര്കാട് സെന്റ് മേരീസ് ഹയര് സെക്കന്ഡറി സ്കൂളില് നടന്ന ഉപജില്ലാ കലോത്സവത്തിന്റെ സമാപന സമ്മേളനത്തിലാണ് പങ്കെടുത്തത്. സമാപന സമ്മേളനത്തില് ഉദ്ഘാടകനായാണ് ചാണ്ടി ഉമ്മന് പങ്കെടുത്തത്. പുതുപ്പള്ളി നിയോജക മണ്ഡലത്തിലെ പൊതുപരിപാടികളില്നിന്നു സ്ഥലം എംഎല്എയായ തന്നെ ഒഴിവാക്കുന്നതായി ചൂണ്ടിക്കാട്ടി ചാണ്ടി ഉമ്മന് നിയമസഭാ സ്പീക്കര് എ.എന്. ഷംസീറിന് അവകാശ ലംഘന പരാതി നല്കിയിരുന്നു.ഒരാഴ്ചയ്ക്കിടയില് രണ്ടാമത്തെ അവകാശലംഘന പരാതിയാണ് നല്കിയത്. കെ.ആര്. നാരായണന് ഇന്സ്റ്റിറ്റ്യൂട്ടില് നടന്ന പരിപാടിയില്നിന്ന് ഒഴിവാക്കിയതിനാണ് ആദ്യ പരാതി നല്കിയത്. വികസന കാര്യങ്ങളില് മണ്ഡലത്തെ അവഗണിക്കുന്നതായും പല സ്ഥാപനങ്ങളും മണ്ഡലത്തില്നിന്നും മാറ്റി മറ്റു മണ്ഡലങ്ങളിലേക്ക് കൊണ്ടുപോകുന്നതായും ചാണ്ടി ഉമ്മന് പരാതിപ്പെട്ടു. സര്ക്കാര് പരിപാടികളില്നിന്നു ബോധപൂര്വം തന്നെ അവഗണിക്കുകയാണെന്നു പരാതിയില് പറയുന്നുണ്ട്. കഴിഞ്ഞദിവസം പാമ്പാടി ആര്ഐടിയില് ഉദ്ഘാടനത്തിനായി മുഖ്യമന്ത്രി എത്തിയപ്പോള് മുഖ്യമന്ത്രിയോടും ചാണ്ടി ഉമ്മന് പരാതി പറഞ്ഞിരുന്നു.…
Read Moreസ്ഥലം വില്പന മുടങ്ങി: ട്രാവന്കൂര് സിമന്റ്സ് വൻ പ്രതിസന്ധിയിൽ; വ്യവസായ വകുപ്പ് കാര്യക്ഷമമായി ഇടപെടണമെന്ന് വര്ക്കേഴ്സ് യൂണിയൻ
കോട്ടയം: നാട്ടകം ട്രാവന്കൂര് സിമന്റ്സിന്റെ കടുത്ത സാമ്പത്തിക പ്രതിസന്ധിക്കു സ്ഥലം വില്പന നടത്തിയെങ്കിലും ആശ്വാസം കണ്ടെത്താനുള്ള ശ്രമവും പാളുന്നു. ഏറ്റവുമൊടുവില് നടത്തിയ ടെന്ഡറില് പങ്കെടുത്ത ഏക ഗ്രൂപ്പും പിന്മാറുന്നു എന്നാണ് സൂചന. 23.07കോടി രൂപയ്ക്കാണ് കാക്കനാടുള്ള 2.79 ഏക്കര് സ്ഥലം ഏറ്റെടുക്കാനായി ഈ ഗ്രൂപ്പ് ടെന്ഡര് വിളിച്ചത്. എന്നാല് ടോക്കണ് തുക അടച്ചതല്ലാതെ ഇവര് പിന്നീട് ഇതുവരെ അനുകൂല നിലപാട് എടുത്തിട്ടില്ല. പ്രതിസന്ധി പരിഹരിക്കാനും സ്ഥല വില്പന നടത്താനുമായി വ്യവസായ വകുപ്പ് കാര്യക്ഷമമായി ഇടപെടണം എന്നാണ് വര്ക്കേഴ്സ് യൂണിയന്റെ ആവശ്യം. മുന്പും ഇത്തരത്തില് സ്ഥലം വില്പ്പന തീരുമാനമായെങ്കിലും മുടങ്ങുകയായിരുന്നു. പത്തു മാസത്തിലേറെ ശമ്പള കുടിശികയാണ് ജീവനക്കാര്ക്കു നല്കാനുള്ളത്. നാലു കോടിയോളം രൂപ പിഎഫ് അടയ്ക്കാനുണ്ട്. പാട്ട കുടിശികയടക്കം 100 കോടിക്കു മേല് ബാധ്യതയുണ്ട്. വിരമിച്ച 32 ജീവനക്കാര്ക്കുള്ള അനുകൂല്യങ്ങള് ഡിസംബര് 12 നകം നല്കണമെന്നാണ് ഹൈക്കോടതി ഉത്തരവിട്ടിരിക്കുന്നത്.…
Read Moreകണ്ണൂരിൽ മാർച്ചിനിടെ വനിതാ പോലീസിനെ അപമാനിച്ച് ബിജെപി പ്രവർത്തകൻ; നടപടിയെടുക്കാത്തതിൽ പോലീസിൽ അമർഷം
കണ്ണൂർ: ബിജെപി മാർച്ചിനിടെ വനിതാ പോലീസിനെ അപമാനിച്ച സംഭവത്തിൽ നടപടിയെടുക്കാതെ പോലീസ്. ആൾക്കൂട്ടത്തിന് നടുവിൽവച്ച് സ്ത്രീത്വത്തെ അപമാനിക്കുന്ന രീതിയിൽ ബിജെപി പ്രവർത്തകൻ പെരുമാറിയെന്ന് കാണിച്ച് മേലധികാരികളോട് പരാതിപെട്ടിട്ടും നടപടിയെടുക്കുന്നില്ലെന്നാണ് ആക്ഷേപം. പി.പി. ദിവ്യയെ അറസ്റ്റ് ചെയ്യണമെന്നാവശ്യപ്പെട്ട് ബിജെപിയുടെ നേതൃത്വത്തിൽ കണ്ണൂർ സിറ്റി പോലീസ് കമ്മീഷണർ ഓഫീസിലേക്ക് നടത്തിയ മാർച്ചിനിടെയാണ് സംഭവം. മാർച്ച് സംഘർഷഭരിതമായപ്പോൾ വനിതാ പ്രവർത്തകരെ പിന്തിരിപ്പിക്കാനെത്തിയ വനിതാ പോലീസിനെ അപമാനിക്കുന്ന രീതിയിൽ ഒരു ബിജെപി പ്രവർത്തകൻ പെരുമാറുകയായിരുന്നു. തുടർന്ന് വനിതാ പോലീസ് മേലധികാരികളോട് പരാതിപെട്ടിട്ടും യാതൊരു വിധ നടപടികളും ഇതുവരെ ബിജെപി പ്രവർത്തകനെതിരെ സ്വീകരിച്ചിട്ടില്ല. സ്ത്രീത്വത്തെ അപമാനിക്കുന്ന രീതിയിലുള്ള ദൃശ്യങ്ങൾ തെളിവായി ലഭിച്ചിട്ടും മേലധികാരികൾ നടപടിയെടുക്കാൻ വൈകുന്നത് പോലീസ് സേനയിൽതന്നെ അമർഷത്തിനിടയാക്കിയിട്ടുണ്ട്.
Read Moreതെറ്റ് പറ്റിയെന്ന് നവീൻ ബാബു പറഞ്ഞെന്ന മൊഴിയിൽ ഉറച്ച് കളക്ടർ അരുൺ കെ. വിജയൻ
കണ്ണൂർ: യാത്രയയപ്പ് ചടങ്ങ് കഴിഞ്ഞ ശേഷം നവീൻ ബാബു തന്നെ കണ്ടെന്നും തെറ്റ് പറ്റിയെന്ന് പറഞ്ഞെന്നുമുള്ള മൊഴിയിൽ ഉറച്ചുനിന്ന് കളക്ടർ അരുൺ കെ. വിജയൻ. തന്റെ മൊഴി മുഴുവനായി പുറത്ത് വന്നിട്ടില്ല. വിധിപകർപ്പിൽ പറഞ്ഞത് ചെറിയൊരു ഭാഗം മാത്രമാണ്. വിശദമായ മൊഴി പ്രത്യേക അന്വേഷണ സംഘത്തിന് നൽകിയിട്ടുണ്ട്. കേസ് അന്വേഷണം നടക്കുന്നതിനാൽ പറഞ്ഞ കാര്യങ്ങൾ വെളിപ്പെടുത്തുന്നതിൽ തനിക്ക് പരിമിതിയുണ്ട്. സത്യം സത്യമായിട്ട് തന്നെയാണ് പറഞ്ഞെതെന്നും കളക്ടർ പറഞ്ഞു. പി.പി. ദിവ്യയെ താൻ യാത്രയയപ്പ് യോഗത്തിലേക്ക് ക്ഷണിച്ചിട്ടില്ലെന്നും കളക്ടർ ആവർത്തിച്ചു. അതേസമയം, നവീൻ ബാബുവിന്റെ മരണത്തിൽ ചോദ്യം ചെയ്യലിനിടെ കളക്ടർ ക്ഷണിച്ചിട്ടാണ് താൻ വന്നതെന്ന വാദത്തിൽ ഉറച്ച് നില്ക്കുകയാണ് പി.പി. ദിവ്യ. കേസിന്റെ ആദ്യഘട്ടം മുതൽക്കെ പറയുന്ന വാദത്തിലാണ് ചോദ്യം ചെയ്യലിനിടെയും ദിവ്യ പറഞ്ഞത്.
Read Moreതൃശൂർ പോലെ പാലക്കാട് ഇങ്ങ് എടുത്തിരിക്കും; ശോഭ സുരേന്ദ്രനുമായി ഒരു ഭിന്നതയുമില്ലെന്ന് സി. കൃഷ്ണകുമാര്
പാലക്കാട്: ഉപതെരഞ്ഞെടുപ്പില് വിജയപ്രതീക്ഷയുണ്ടെന്ന് ബിജെപി സ്ഥാനാര്ഥി സി. കൃഷ്ണകുമാര്. തൃശൂർ പോലെ പാലക്കാട് ഇങ്ങ് എടുത്തിരിക്കുമെന്ന് കൃഷ്ണകുമാർ പറഞ്ഞു. ശോഭ സുരേന്ദ്രനുമായി ഒരു ഭിന്നതയുമില്ല. യുവമോർച്ചയിൽ തുടങ്ങി ഒപ്പം പ്രവർത്തിച്ചയാളാണ് ശോഭ. പാര്ട്ടി നിശ്ചയിക്കുന്നതനുസരിച്ച് അവര് പ്രചരണ പരിപാടികളില് പങ്കെടുക്കും. കൺവൻഷനിൽ ശോഭയുടെ പ്രസംഗത്തിനു ശേഷം ആളുകൾ ഇറങ്ങിപ്പോയതല്ല. ഏത് കൺവൻഷനിലാണ് ആളുകൾ മുഴുവൻ സമയം ഇരുന്നിട്ടുള്ളതെന്ന് അദ്ദേഹം ചോദിച്ചു. യുഡിഎഫ് കൺവൻഷൻ നടത്തിയത് അതിർത്തി കടന്ന് മലമ്പുഴ മണ്ഡലത്തിലാണ്. പാലക്കാട് മണ്ഡലം പോലും രാഹുല് മാങ്കൂട്ടത്തിലിന് അറിയില്ല. പാലക്കാട് യുഡിഎഫിന് ആളില്ലാത്തത് കൊണ്ട് മലമ്പുഴയിൽ പോയി കൺവൻഷൻ നടത്തി. പാലക്കാട് സിപിഎം വോട്ടുകൾ യുഡിഎഫിന് ലഭിച്ചു എന്ന് കോൺഗ്രസിൽ നിന്നുവന്ന സരിൻ പോലും സമ്മതിച്ചു. ബിജെപിക്ക് കൽപ്പാത്തിയിൽ പൂരം ചർച്ച ചെയ്യേണ്ട കാര്യമില്ല. കൽപ്പാത്തിയിലെ വോട്ടുകൾ ബിജെപിയുടേതാണെന്നും കൃഷ്ണകുമാർ പറഞ്ഞു
Read Moreതമിഴ്നാട്ടിൽ മലയാളി യുവതിയുടെ മരണം; മകൾ ആത്മഹത്യ ചെയ്യില്ലെന്ന് കുടുംബം
തിരുവനന്തപുരം: അധ്യാപികയായ മലയാളി യുവതിയെ ഭര്ത്താവിന്റെ ശുചീന്ദ്രത്തെ വീട്ടിൽ തൂങ്ങിമരിച്ചനിലയില് കണ്ടെത്തിയ സംഭവത്തിൽ സത്യം പുറത്തുവരണമെന്ന ആവശ്യവുമായി യുവതിയുടെ ബന്ധുക്കൾ. കൊല്ലം പിറവന്തൂര് സ്വദേശിയായ ശ്രുതിയുടെ മരണത്തെത്തുടർന്ന് ഭർതൃമാതാവായ ചെന്പകവല്ലി ആത്മഹത്യയ്ക്ക് ശ്രമിച്ച് ചികിത്സയിലിരിക്കെ കഴിഞ്ഞ ദിവസം മരിച്ചിരുന്നു. അതേസമയം ശ്രുതി തൂങ്ങിമരിച്ചതല്ലെന്നും അന്നേദിവസം രാത്രി വീട്ടില് എന്താണു സംഭവിച്ചതെന്ന് കണ്ടെത്തണമെന്നും ശ്രുതിയുടെ പിതാവ് ബാബു പറയുന്നു. മകള് അങ്ങനെ ചെയ്യുമെന്ന് തങ്ങള് കരുതുന്നില്ലെന്നും അത്ര ഉയരത്തിലുള്ള കമ്പിയില് കയര് കുരുക്കാനൊന്നും ശ്രുതിക്ക് കഴിയില്ലെന്നും ബാബു ആരോപിക്കുന്നു. നാഗര്കോവില് ആര്ഡിഒ ശ്രുതിയുടെ മാതാപിതാക്കളുടെ മൊഴി രേഖപ്പെടുത്തിയപ്പോൾ മരിക്കുന്നതിനു മുന്പ് ശ്രുതി അമ്മയ്ക്ക് അയച്ച ശബ്ദസന്ദേശങ്ങള് ഉള്പ്പെടെ ആര്ഡിഒയ്ക്കു നല്കിയെന്നും രണ്ടു മണിക്കൂറോളം ആര്ഡിഒ വിവരങ്ങള് ചോദിച്ചറിഞ്ഞുവെന്നും ബാബു പറഞ്ഞു. 21ന് രാത്രിയാണ് ശ്രുതിയെ ഭര്ത്താവ് കാര്ത്തിക്കിന്റെ വീട്ടില് തൂങ്ങിമരിച്ച നിലയില് കണ്ടെത്തിയത്. രണ്ടു ദിവസത്തിനുള്ളില് ശ്രുതിയുടെ പോസ്റ്റ്മോര്ട്ടം…
Read More