ചാത്തന്നൂർ: എല്ലാ വിഭാഗങ്ങളിലും ദിവസവേതനക്കാർ മാത്രമാകുന്ന സ്ഥിതിയിലേക്ക് കെഎസ്ആർടിസി. അസിസ്റ്റന്റ് എൻജിനീയർ മുതൽ സ്കാവഞ്ചർ തസ്തിക വരെ കരാർ ജീവനക്കാർ മാത്രമാകുന്ന നിലയാണ്. എംപ്ലോയ്മെന്റ് എക്സ്ചേഞ്ച് മുഖേനയെ താത്ക്കാലിക നിയമനം നടത്താവൂ എന്നതൊന്നും കെഎസ്ആർടിസിയ്ക്ക് ബാധകമല്ലെന്ന മട്ടാണ്. സ്ഥിരം നിയമനം പ്രതീക്ഷിക്കുന്ന ഉദ്യോഗാർത്ഥികളെ നിരാശരാക്കുന്ന നിലപാടാണ് കോർപ്പറേഷന്റേത്. ഒരു ഒഴിവു പോലും പിഎസ്സിക്ക് റിപ്പോർട്ട് ചെയ്യുന്നില്ല. സാമ്പത്തിക പ്രതിസന്ധിയുടെ മറവിലാണ് ദിവസവേതനക്കാരെ നിയമിക്കുന്നത്. അമ്പതോളം അസി. എൻജിനീയർമാരെ1200 രൂപ ദിവസവേതനത്തിലാണ് നിയമിക്കുന്നത്. മിനിസ്റ്റീരിയൽ ജീവനക്കാരിൽ നല്ലൊരു ശതമാനവും ദിവസവേതനക്കാരാണ്. കാലാകാലങ്ങളായി ദിവസവേതനക്കാരായ കണ്ടക്ടർമാരെ നിയമിച്ചു കൊണ്ടിരിക്കുകയാണ്. ഇപ്പോൾ മെക്കാനിക്കുകളെയും ഡ്രൈവർമാരെയും നിയമിച്ചു കൊണ്ടിരിക്കയാണ്. കണ്ടക്ടർ, ഡ്രൈവർ, മെക്കാനിക് തുടങ്ങിയ വിഭാഗങ്ങൾക്ക് ഒരു ഡ്യൂട്ടിയ്ക്ക് 715 രൂപയാണ് വേതനം. സ്ഥിരം ജീവനക്കാർക്കുള്ള യാതൊരുവിധ ആനുകൂല്യങ്ങളും നല്കേണ്ടതില്ല. ഡ്രൈവർമാർ 10,000 രൂപയും മെക്കാനിക്കുകൾ 5000 രൂപയും ഡെപ്പോസിറ്റായി അടയ്ക്കുകയും വേണം.…
Read MoreCategory: Edition News
ട്രെയിനുകൾ വഴി കുട്ടിക്കടത്ത് വ്യാപകം: ആർപിഎഫ് രക്ഷിച്ചത് 57,564 പേരെ
കൊല്ലം: രാജ്യത്ത് ട്രെയിനുകൾ വഴി കുട്ടികളെ കടത്തിക്കൊണ്ട് പോകുന്നത് വ്യാപകം. കഴിഞ്ഞ അഞ്ച് വർഷത്തിനിടെ ഇത്തരത്തിൽ കടത്തിക്കൊണ്ടുവന്ന 57,564 കുട്ടികളെ റെയിൽവ സുരക്ഷാ സേന മാഫിയാ സംഘങ്ങളുടെ പിടിയിൽ നിന്ന് രക്ഷപ്പെടുത്തി.ഇവരിൽ 18,172 പേർ പെൺകുട്ടികളാണ്. ബാലവേലയ്ക്കും ലൈംഗിക ചൂഷണങ്ങൾക്കും വേണ്ടിയാണ് കേരളത്തിൽ അടക്കം എല്ലാ സംസ്ഥാനങ്ങളിലും വേരുകളുള്ള സംഘം കുട്ടികളെ കടത്തിക്കൊണ്ട് വരുന്നത്. ആർപിഎഫ് രക്ഷപ്പെടുത്തിയവരിൽ 80 ശതമാനം കുട്ടികളെയും നിയമാനുസൃതമായി അവരുടെ കുടുംബങ്ങളിൽ സുരക്ഷിതമായി എത്തിക്കുകയും ചെയ്തു. 2022 മുതൽ 2024 ജൂൺ വരെയുള്ള കാലയളവിൽ മാത്രം 2300-ൽ അധികം കുട്ടികളെ രക്ഷപ്പെടുത്താനും ആർപിഎഫിന്റെ പഴുതടച്ചുള്ള പരിശോധനകൾ വഴി സാധിച്ചു. മാത്രമല്ല കുട്ടിക്കടത്ത് റാക്കറ്റിന് നേതൃത്വം നൽകുന്നവരും ഏജന്റുമാരുമടക്കം 674 പേരെ അറസ്റ്റ് ചെയ്യുകയുമുണ്ടായി.കുട്ടിക്കടത്ത് തടയുന്നതിനായി ഇന്ത്യൻ റെയിൽവേയും കേന്ദ്ര സർക്കാരിന്റെ വനിതാ ശിശു വികസന മന്ത്രാലയവും സഹകരിച്ച് പുതിയ പദ്ധതികൾക്ക് രൂപം നൽകിക്കഴിഞ്ഞു.…
Read Moreവിദ്യാർഥിനിക്കും ബന്ധുവിനുമെതിരേ സദാചാര ആക്രമണം: സിപിഎം നേതാവ് ഒളിവില്
കോഴിക്കോട്: ബാലുശേരിയിൽ വിദ്യാർഥിനിയെയും ബന്ധുവായ യുവാവിനെയും മർദിച്ച പരാതിയിൽ സിപിഎം നേതാവ് ഒളിവില്. സിപിഎം കോക്കല്ലൂർ ബ്രാഞ്ച് സെക്രട്ടറി പി.എം. രതീഷാണ് പോലീസ് കേസ് എടുത്തേതാടെ ഒളിവില് പോയത്. സദാചാര ആക്രമണത്തിന് ഇരയായ കോക്കല്ലൂർ ഗവ.ഹയർ സെക്കൻഡറി സ്കൂൾ പ്ലസ് വൺ വിദ്യാർഥിനിയും ബന്ധുവുമാണ് പരാതി നല്കിയത്. രതീഷിന് ഒപ്പമുണ്ടായിരുന്ന ഏഴുപേര്ക്കെതിരേയും കേസ് എടുത്തിട്ടുണ്ട്. കഴിഞ്ഞ ദിവസം സ്കൂള് വിട്ടശേഷം വിദ്യാർഥിനി സഹപാഠികൾക്കൊപ്പം ബസ് സ്റ്റോപ്പിലേക്ക് നടന്നു പോകുമ്പോൾ ബന്ധുവായ യുവാവിനെ കണ്ട് സംസാരിച്ചു. തുടർന്ന് രതീഷിന്റെ നേതൃത്വത്തിലെത്തിയ സംഘം അസഭ്യം പറയുകയും മർദിക്കുകയുമായിരുന്നു. അക്രമത്തിൽ നിന്നു വിദ്യാർഥിനിയെ രക്ഷിക്കാൻ ശ്രമിച്ച ബന്ധുവിനെ കൂടുതൽ ആളുകൾ എത്തി ക്രൂരമായി മർദിക്കുകയായിരുന്നുവെന്ന് പരാതിയിൽ പറയുന്നു. ബന്ധുവിനെ കൈ പുറകിൽ കെട്ടി വടികൊണ്ട് തലയ്ക്കും കഴുത്തിനു പുറകിലും അടിച്ചതായി പരാതിയിൽ പറയുന്നു. പരിക്കേറ്റ യുവാവിനെ ബാലുശേരി താലൂക്ക് ആശുപത്രിയിൽ പ്രവേശിപ്പിച്ചു.…
Read Moreഒരു നാടിനെ മുഴുവൻ വിറപ്പിച്ച നാലുവയസുകാരൻ ഒടുവിൽ വനംവകുപ്പിന്റെ കൂട്ടിൽ കുടുങ്ങി
കോന്നി: കൂടല് ഇഞ്ചപ്പാറയില് പ്രദേശവാസികളുടെ ഉറക്കം കളഞ്ഞ പുലി ഒടുവിൽ കെണിയില് വീണു. കലഞ്ഞൂർ രാക്ഷസൻപാറയിൽ വനംവകുപ്പ് സ്ഥാപിച്ച കൂട്ടിലാണ് പുലി കുടുങ്ങിയത്. ഇന്നലെ രാവിലെ 7.30ഓടെയാണ് നാലു വയസുള്ള പുലി കെണിയില് അകപ്പെട്ടത്. കുറച്ച് ദിവസങ്ങളായി പ്രദേശത്ത് പുലിയുടെ ശല്യം കൂടിയതോടെ നാട്ടുകാരുടെ ആവശ്യപ്രകാരമാണ് വനം വകുപ്പ് രാക്ഷസൻപാറയിൽ കൂട് സ്ഥാപിച്ചത്. രണ്ട് കൂടുകളായിരുന്നു പ്രദേശത്ത് വനംവകുപ്പ് സ്ഥാപിച്ചിരുന്നത്. രാക്ഷസന്പാറയ്ക്ക് സമീപത്ത് സ്ഥാപിച്ച കൂട്ടിലാണ് പുലി കുടുങ്ങിയത്. തൊഴിലാളികളാണ് ആദ്യം പുലി കൂട്ടില് അകപ്പെട്ടതായി കണ്ടത്. പിന്നാലെ വനംവകുപ്പില് വിവരം അറിയിച്ചു. പ്രദേശത്ത് ഇതിനു മുമ്പും പുലിയുടെ ശല്യം ഉണ്ടായിട്ടുണ്ട്. വളര്ത്തുമൃഗങ്ങളെ കൊന്നുതിന്നുന്ന അവസ്ഥയായിരുന്നു. ഇവിടെ പുലിയും മറ്റു വന്യമൃഗങ്ങളും കാടിറങ്ങുന്നത് സ്ഥലവാസികൾക്ക് ഏറെ ഭീഷണി ഉയർത്തിയിരുന്നു. നാട്ടുകാര് നടത്തിയ പ്രധിഷേധത്തെത്തുടര്ന്നാണ് വനംവകുപ്പ് കൂട് സ്ഥാപിച്ചത്. കോന്നി നടുവത്തുംമുഴി റേഞ്ചിലെ വനപാലകരും കോന്നി സ്ട്രൈക്കിംഗ്…
Read Moreഇടുക്കി ഡീലേഴ്സ് കോ-ഓപറേറ്റീവ് സൊസൈറ്റി തട്ടിപ്പ്: സെക്രട്ടറി എൻ.പി. സിന്ധു അറസ്റ്റിൽ
നെടുങ്കണ്ടം: ഇടുക്കി ഡീലേഴ്സ് കോ-ഓപറേറ്റീവ് സൊസൈറ്റിയിലെ സാമ്പത്തിക തട്ടിപ്പിൽ സെക്രട്ടറി അറസ്റ്റിൽ. സൊസൈറ്റിയുടെ കുമളി ബ്രാഞ്ചിലെ സാമ്പത്തിക തട്ടിപ്പിൽ പങ്കുണ്ടെന്ന കണ്ടെത്തലിലാണ് ക്രൈംബ്രാഞ്ച് സെക്രട്ടറി എൻ.പി. സിന്ധുവിനെ അറസ്റ്റ് ചെയ്തത്. കുമളി ശാഖയിൽ നടന്ന ഒരു കോടി ഇരുപത്തിയെട്ട് ലക്ഷം രൂപയുടെ തിരിമറിയിൽ ഇവർക്ക് പങ്കുണ്ടെന്നാണ് കണ്ടെത്തൽ.പുതിയ ഭരണ സമിതി അധികാരമേറ്റെടുത്ത ശേഷം നടത്തിയ പ്രാഥമിക പരിശോധനയിൽ ലക്ഷങ്ങളുടെ തിരിമറി കണ്ടെത്തിയിരുന്നു. കേസിൽ ബാങ്കിന്റെ മുൻ മാനേജർ ചക്കുപള്ളം തുണ്ടത്തിൽ വൈശാഖ് മോഹനനെ മുൻപ് തന്നെ ക്രൈംബ്രാഞ്ച് അറസ്റ്റ് ചെയ്തിരുന്നു.ഇതോടൊപ്പം വ്യാജപ്പേരിൽ ചിട്ടി ചേർന്ന് ലക്ഷക്കണക്കിന് രൂപയുടെ തിരിമറി നടത്തിയതായും കണ്ടെത്തിയതിനെത്തുടർന്നാണ് ഇപ്പോഴത്തെ അറസ്റ്റ്.
Read Moreപട്ടികജാതി ക്രീമിലെയര് സംബന്ധിച്ച സുപ്രീംകോടതി വിധി നടപ്പാക്കാന് സംസ്ഥാനം തിടുക്കം കൂട്ടരുതെന്ന് എകെസിഎച്ച്എംഎസ്
കോട്ടയം: പട്ടികജാതി ക്രീമിലെയര് സംബന്ധിച്ച് ഓഗസ്റ്റ് ഒന്നിലെ സുപ്രീംകോടതി വിധി നടപ്പാക്കാന് സംസ്ഥാന ഗവണ്മെന്റ് തിടുക്കം കൂട്ടരുതെന്ന് അഖില കേരള ചേരമര് ഹിന്ദു മഹാസഭ സംസ്ഥാന കമ്മിറ്റി സർക്കാരിനോടാവശ്യപ്പെട്ടു. വ്യക്തമായ ധാരണയില്ലാതെ രണ്ടരലക്ഷം വാര്ഷികവരുമാനം നിര്ണയിക്കുകയും ഓരോ സംസ്ഥാനത്തെ പട്ടികജാതി വിഭാഗങ്ങളുടെ എണ്ണം തിട്ടപ്പെടുത്താതെ ജാതി സെന്സസ് നടപ്പാക്കാതെയും കോടതി വിധി നടപ്പാക്കാന് ശ്രമിക്കരുതെന്നും സംസ്ഥാന ജനറല് സെക്രട്ടറി ഡോ. കല്ലറ പ്രശാന്ത് ആവശ്യപ്പെട്ടു. ഉപസംവരണത്തെ സംബന്ധിച്ചുള്ള എകെസിഎച്ച്എംഎസ് സെമിനാര് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.കോട്ടയത്ത് സംസ്ഥാനപ്രസിഡന്റ് എം.കെ. അപ്പുക്കുട്ടന് അധ്യക്ഷത വഹിച്ച നേതൃത്വ സെമിനാറില് നെല്ലിക്കുന്ന് ബാബു സുപ്രീംകോടതി വിധിയെ സംബന്ധിച്ച് വിശദമായ ക്ലാസ് നയിച്ചു. പട്ടികജാതി ക്രീമിലെയര് സംബന്ധിച്ച് ദളിത് സംഘടനകളെ ഉള്പ്പെടുത്തി വിപുലമായ നേതൃത്വ സെമിനാര് നടത്താന് തീരുമാനിച്ചു.
Read Moreതാഴേയ്ക്കിറങ്ങാതെ വീണ്ടും റിക്കാര്ഡ് കുതിപ്പ്: സ്വര്ണ വില പവന് 59,000 രൂപ
കൊച്ചി: സംസ്ഥാനത്ത് സ്വര്ണവിലയില് വീണ്ടും റിക്കാര്ഡ് കുതിപ്പ്. ഗ്രാമിന് 60 രൂപയും പവന് 480 രൂപയുമാണ് ഇന്ന് വര്ധിച്ചത്. ഇതോടെ സ്വര്ണവില ഗ്രാമിന് 7375 രൂപയും പവന് 5,9000 രൂപയുമായി. 18 കാരറ്റ് സ്വര്ണം ഗ്രാമിന് 50 രൂപ വര്ധിച്ച് 6075 രൂപയായി. 24 കാരറ്റ് തങ്കക്കട്ടിയുടെ ബാങ്ക് നിരക്ക് കിലോഗ്രാമിന് 83ലക്ഷം രൂപ കടന്നു. അന്താരാഷ്ട്ര സ്വര്ണവില 2756 ഡോളറിലും ഇന്ത്യന് രൂപയുടെ വിനിമയ നിരക്ക് 84.07 ലുമാണ്.
Read Moreകള്ളൻ കപ്പലിൽ തന്നെ: കഞ്ചാവുമായി ലക്ഷദ്വീപ് സ്വദേശിയായ കപ്പല് ജീവനക്കാരന് അറസ്റ്റില്
കൊച്ചി: വില്പനയ്ക്കായി സൂക്ഷിച്ചിരുന്ന 200 ഗ്രാം കഞ്ചാവുമായി ലക്ഷദ്വീപ് സ്വദേശിയായ കപ്പല് ജീവനക്കാരന് അറസ്റ്റില്. കൊച്ചിയില്നിന്ന് ലക്ഷദ്വീപിലേക്കുള്ള ലഗൂണ് എന്ന കപ്പലിലെ ജീവനക്കാരനായ മുഹമ്മദ് അലി (34)യെയാണ് സിഐഎസ്എഫ് അറസ്റ്റ് ചെയ്തത് എറണാകുളം ഹാര്ബര് പോലീസിന് കൈമാറിയത്. ഇന്നലെ വൈകിട്ടായിരുന്നു സംഭവം. ഹാര്ബര് പോലീസ് ഇയാള്ക്കെതിരേ കേസെടുത്ത് പിന്നീട് ജാമ്യത്തില് വിട്ടു.
Read Moreആംബുലന്സിലെ യാത്രാ വിവാദം; മാധ്യമങ്ങളോട് “മൂവ് ഔട്ട് ‘ മറുപടിയുമായി സുരേഷ് ഗോപി
കൊച്ചി: ആംബുലന്സിലെ യാത്രാ വിവാദത്തെക്കുറിച്ച് ചോദിച്ച മാധ്യമങ്ങളോട് “മൂവ് ഔട്ട്’ എന്ന മറുപടിയുമായി കേന്ദ്രമന്ത്രി സുരേഷ് ഗോപി. എറണാകുളം ഗംഗോത്രി ഹാളില് ഇന്ന് രാവിലെ നടന്ന പ്രധാനമന്ത്രിയുടെ റോസ്ഗാര് മേളയില് പങ്കെടുക്കാനെത്തിയതായിരുന്നു അദ്ദേഹം.
Read Moreറോഡുവക്കില് മാലിന്യ നിക്ഷേപം: ദുര്ഗന്ധവും കുപ്പിച്ചില്ലുകളും ബുദ്ധിമുട്ടിക്കുന്നു; പ്രദേശവാസികള് ദുരിതത്തില്
ചുങ്കപ്പാറ: കോട്ടാങ്ങല് ഗ്രാമ പഞ്ചായത്തിലെ ഒമ്പതാം വാര്ഡിലെ ജനങ്ങള് തിങ്ങിപ്പാര്ക്കുന്ന മാരംങ്കുളം – നിര്മലപുരം റോഡിന്റെ പരിസര പ്രദേശങ്ങളിലും വിനോദ സഞ്ചാര മേഖലയായ നാഗപ്പാറയിലും മല്സ്യ, മാംസ മാലിന്യങ്ങളും മദ്യകുപ്പികളും മയക്കുമരുന്ന് പായ്ക്കറ്റുകളും ഭവനങ്ങളിലെയും വ്യാപാര സ്ഥാപനങ്ങളിലെയും മാലിന്യങ്ങളും നിരന്തരമായി നിക്ഷേപിക്കുന്നതു മൂലം പ്രദേശവാസികള്ക്കും കാല്നടക്കാര്ക്കും വളരെ ബുദ്ധിമുട്ട് അനുഭവപ്പെടുന്നു. ദുര്ഗന്ധവും കുപ്പിച്ചില്ലുകളും പ്രദേശവാസികളെയാണ് ബുദ്ധിമുട്ടിക്കുന്നത്. കഴിഞ്ഞ ദിവസം രാത്രിയില് കൊട്ടാരം പടി, ഇലഞ്ഞിപ്പുറം പടി, നാഗപ്പാറ എന്നിവിടങ്ങളില് കക്കൂസ് മാലിന്യങ്ങളും മല്സ്യ, മാംസ മാലിന്യങ്ങളും വീട് വ്യാപാര സ്ഥാപനങ്ങളിലെ മാലിന്യവും നിക്ഷേപിച്ചിരുന്നു. ദുര്ഗന്ധം വമിക്കുന്നതു കാരണം സമീപവീടുകളില് ഇരിക്കാന് പോലുമാകുന്നില്ല. കുറുനരി, തെരുവുനായ്ക്കള്, കാട്ടുപന്നി എന്നിവ മാലിന്യങ്ങള് വലിച്ചെടുത്ത് ജലസ്രോതസുകളിലും വീട്ടുമുറ്റത്തും എത്തിക്കാറുണ്ട്. രാത്രിയിലാണ് മാലിന്യങ്ങള് ഏറെയും തള്ളുന്നത്. പ്രഭാത സവാരിക്കാര്, ടാപ്പിംഗ് തൊഴിലാളികള്, പത്രവിതരണക്കാര്, വിദ്യാര്ഥികള് അടക്കം രാവിലെ യാത്ര ചെയ്യേണ്ടിവരുന്നവര്ക്ക് റോഡിലേക്ക് ഇറങ്ങാനാകാത്ത…
Read More