കൊച്ചി: എറണാകുളത്ത് ഓടിക്കൊണ്ടിരുന്ന കെയുആര്ടിസി എസി ലോ ഫ്ളോര് ബസ് കത്തി നശിച്ച സംഭവത്തില് എറണാകുളം സെന്ട്രല് പോലീസ് കേസെടുത്തു. സംഭവത്തില് പോലീസ് വിശദമായ റിപ്പോര്ട്ട് നല്കും. എറണാകുളം സൗത്ത് ഡിപോയില് സൂക്ഷിച്ചിരിക്കുന്ന ബസില് ഇന്ന് വിശദമായ പരിശോധന നടത്തും. തീപിടിത്തത്തിന്റെ കാരണം ഷോര്ട് സര്ക്യൂട്ട് എന്നാണ് പ്രാഥമിക നിഗമനം. എറണാകുളം ചിറ്റൂര്റോഡില് ഇയ്യാട്ടുമുക്ക് ജംക്ഷനില് ഇന്നലെ ഉച്ചയ്ക്ക് മൂന്നോടെയായിരുന്നു സംഭവം. തൊടുപുഴയ്ക്ക് യാത്ര ആരംഭിച്ച മൂവാറ്റുപുഴ ഡിപ്പോയിലെ ബസാണ് കത്തി നശിച്ചത്. എറണാകുളം ഡിപ്പോ സ്റ്റാന്ഡില്നിന്ന് പുറപ്പെട്ട് ഒരു കിലോമീറ്റര് മാത്രം പിന്നിടുന്നതിനിടെയായിരുന്നു അപകടം. 25ലധികം യാത്രക്കാര് ബസില് ഉണ്ടായിരുന്നെങ്കിലും ആര്ക്കും അപകടമില്ല. ഡാഷ്ബോര്ഡില് ഫയര് അലേര്ട്ട് സിഗ്നല് കാണിച്ച ഉടനെ മൂവാറ്റുപുഴ സ്വദേശികളായ ഡ്രൈവര് വി.ടി. വിജേഷും കണ്ടക്ടര് കെ.എം. രാജുവും വേഗം ബസില്നിന്ന് പുറത്തേക്ക് ഇറങ്ങാന് യാത്രക്കാരോട് ആവശ്യപ്പെട്ടു. യാത്രക്കാര് ആദ്യമൊന്ന് ശങ്കിച്ചെങ്കിലും…
Read MoreCategory: Edition News
കണ്ണൂരിൽ റബർ തോട്ടത്തിൽ പിവിസി പൈപ്പിനുള്ളിൽ സൂക്ഷിച്ച നിലയിൽ വടിവാളുകൾ
നടുവിൽ(കണ്ണൂർ): പോത്തുകുണ്ടിൽ സ്വകാര്യ വ്യക്തിയുടെ ഉടമസ്ഥതയിലുള്ള റബർ തോട്ടത്തിൽനിന്ന് രണ്ട് വടിവാളുകൾ കണ്ടെത്തി. പിവിസി പൈപ്പിനുള്ളിൽ സൂക്ഷിച്ച നിലയിലായിരുന്നു വടിവാളുകൾ. തോട്ടത്തിലെ മരങ്ങൾ മുറിക്കുന്നതിനിടയിൽ തൊഴിലാളികളാണ് വടിവാളുകൾ ഒളിപ്പിച്ചുവച്ചനിലയിൽ കണ്ടെത്തിയത്. വിവരമറിയിച്ചതിനെ തുടർന്ന് കുടിയാന്മല പോലീസ് സ്റ്റേഷനിലെ എസ്എച്ച്ഒ എൻ. ബിജോയിയുടെ നേതൃത്വത്തിലെത്തിയ പോലീസ് സംഘം വടിവാളുകൾ കസ്റ്റഡിയിലെടുത്തു. ആയുധങ്ങൾ കൈവശം വച്ചിരുന്നവർ റബർതോട്ടത്തിൽ ഉപേക്ഷിച്ചതാകാമെന്നാണ് പ്രാഥമിക നിഗമനം. കണ്ണൂർ സ്വദേശിയുടെ ഉടമസ്ഥതയിലുള്ളതാണ് റബർ തോട്ടം. ആയുധം ഒളിപ്പിച്ചവരെക്കുറിച്ച് വിവരം ലഭിച്ചിട്ടില്ല. പോലീസ് അന്വേഷണം ആരംഭിച്ചു.
Read Moreപാറോച്ചാലില് ലഹരി മാഫിയ സജീവം; യുവാവിനെതിരേ ആക്രമണം
കോട്ടയം: വഴിയാത്രക്കാരനായ യുവാവിനെ കഞ്ചാവ് മാഫിയാസംഘം ആക്രമിച്ചു. ഇന്നലെ രാത്രി 9.30ന് വേളൂര് പാറോച്ചാല് ബോട്ട് ജെട്ടിയ്ക്കു സമീപമാണു സംഭവം. കുടുംബ വീട്ടിലേക്കു പോകുകയായിരുന്ന യുവാവിനെ തടഞ്ഞുനിർത്തിയാണ് ആക്രമിച്ചത്. ‘മുന്ന’ എന്ന പേരിൽ കുപ്രസിദ്ധനായ യുവാവിന്റെ നേതൃത്വത്തിലായിരുന്നു ആക്രമണമെന്നു സൂചനകളുണ്ട്. അടിയേറ്റു നിലത്തുവീണ യുവാവിനെ സമീപവാസികളെത്തിയാണ് എഴുന്നേല്പ്പിച്ചത്. ബൈക്കിലെത്തിയ അക്രമികള് കഞ്ചാവ് വില്പനക്കാരും ഗുണ്ടാസംഘത്തില്പ്പെട്ടവരുമാണെന്നു നാട്ടുകാർ പറയുന്നു. കഞ്ചാവ് വില്പനനയ്ക്കുശേഷം മടങ്ങുന്പോൾ വഴിയാത്രാക്കാര്ക്കുനേരേ അസഭ്യവര്ഷം നടത്തിയശേഷമാണു യാത്രക്കാരനെ ആക്രമിച്ചത്. പാറോച്ചാല് ബൈപ്പാസിലും സമീപത്തെ ആളൊഴിഞ്ഞ സ്ഥലങ്ങളിലും അനധികൃത മദ്യം, കഞ്ചാവ് ഉള്പ്പെടെയുള്ള ലഹരിവസ്തുക്കളുടെ വില്പന സജീവമാണെന്ന് നാട്ടുകാര് പറയുന്നു. പാടശേഖരത്തിന്റെ വിവിധ സ്ഥലങ്ങളാണ് അക്രമികളുടെ താവളം. പോലീസ് പട്രോളിംഗ് ശക്തമാക്കണമെന്നാണു നാട്ടുകാരുടെ ആവശ്യം.
Read Moreനവീൻ ബാബുവിന്റെ മരണം; നാളെ അറിയാം, ദിവ്യ അകത്തോ, പുറത്തോ?
തലശേരി: കണ്ണൂർ എഡിഎം നവീൻ ബാബു ജീവനൊടുക്കിയ കേസിൽ മുൻ ജില്ലാ പഞ്ചായത്ത് പ്രസിഡന്റും സിപിഎം നേതാവുമായ പി.പി. ദിവ്യയുടെ മുൻകൂർ ജാമ്യാപേക്ഷയിൽ തലശേരി പ്രിൻസിപ്പൽ സെഷൻസ് ജഡ്ജ് കെ.ടി. നിസാർ അഹമ്മദ് നാളെ വിധി പറയും. സാധാരണ ഗതിയിൽ വാദം പൂർത്തിയായ മുൻകൂർ ജാമ്യഹർജി ഉൾപ്പെടെയുള്ള ജാമ്യാപേക്ഷകളിൽ കോടതി രാവിലെ 11 ന് തന്നെ വിധി പറയാറാണ് പതിവ്. ഈ പതിവിന് മാറ്റമില്ലെങ്കിൽ നാളെ രാവിലെ 11.05 നുള്ളിൽ പി.പി. ദിവ്യയുടെ മുൻകൂർ ജാമ്യാപേക്ഷയിൽ കോടതി വിധി പറയും. മുൻകൂർ ജാമ്യം ലഭിച്ചാൽ പോലീസിന് കാര്യങ്ങൾ കൂടുതൽ എളുപ്പമാകും. പോലീസിനു മുന്നിൽ കീഴടങ്ങാൻ നിർദേശിച്ചു കൊണ്ടുള്ള ഉത്തരവുകളും കോടതികളിൽനിന്ന് ഉണ്ടാകാറുണ്ട്. ഈ സാധ്യതയും നിയമ വിദഗ്ധർ തള്ളിക്കളയുന്നില്ല. ജാമ്യാപേക്ഷ തള്ളുകയാണെങ്കിൽ ഹൈക്കോടതിയെ സമീപിക്കുന്നത് ഉൾപ്പെടെയുള്ള കാര്യങ്ങളും ദിവ്യയുമായി ബന്ധപ്പെട്ട കേന്ദ്രങ്ങൾ ആലോചിച്ചു വരുന്നുണ്ട്. ഉപതെരഞ്ഞെടുപ്പ് നടക്കുന്ന…
Read Moreതൊഴില്തട്ടിപ്പ്; കംബോഡിയയില് കുടുങ്ങിയ 7 മലയാളികള് ഇന്നു വീട്ടിലെത്തും; എല്ലാ പിൻതുണയുമായി ഷാഫി പറമ്പില് എംപിയും
കോഴിക്കോട്: തൊഴില്ത്തട്ടിപ്പിനിരയായി കംബോഡിയയില് കുടുങ്ങിയ ഏഴുമലയാളികള് ഇന്നു വീട്ടിലെത്തും. വടകര മണിയൂര് എടത്തുംകര ചാത്തോത്ത് അഭിനവ് സുരേഷ്, കുറുന്തോടി പൂളക്കൂല്താഴ അരുണ്, പിലാവുള്ളതില് സെമില്ദേവ്, പതിയാരക്കരയിലെ ചാലുപറമ്പത്ത് അഭിനന്ദ്, എടത്തുംകര കല്ലായിമീത്തല് അശ്വന്ത്, മലപ്പുറം എടപ്പാള് സ്വദേശി അജ്മല്, ബംഗളൂരുവിലെ റോഷന് ആന്റണി എന്നിവരാണ് നാട്ടിലേക്കു തിരിച്ചത്. ഇന്നലെ രാത്രി വൈകി മലേഷ്യയില് നിന്നു കൊച്ചി നെടുമ്പാശേരി വിമാനത്താവളത്തില് ഇവര് എത്തിച്ചേര്ന്നു. ഒക്ടോബര് മൂന്നിനാണ് ഇവര് കംബോഡിയയില് തട്ടിപ്പുസംഘത്തിന്റെ കൈയില് അകപ്പെട്ടത്. അവരുടെ ക്രൂരമര്ദനത്തിന് ഇരയായി മറ്റൊരു കേന്ദ്രത്തിലേക്കു മാറ്റുന്നതിനിടെ ടാക്സിഡ്രൈവറുടെ സഹായത്തോടെ രക്ഷപ്പെട്ട് കംബോഡിയയിലെ ഇന്ത്യന് എംബസിയില് എത്തുകയായിരുന്നു. തുടന്നാണ് നാട്ടില് വിവരമറിഞ്ഞത്. ഷാഫി പറമ്പില് എംപി, എംഎല്എമാരായ കെ.പി. കുഞ്ഞമ്മദ്കുട്ടി, കെ.കെ. രമ എന്നിവര് വിഷയം സംസ്ഥാന സര്ക്കാരിന്റെയും കേ ന്ദ്രസര്ക്കാരിന്റെയും ശ്രദ്ധയില്പെടുത്തി. സംസ്ഥാനസര്ക്കാര് വിദേശകാര്യമന്ത്രാലയവുമായി ബന്ധപ്പെട്ട് ഇന്ത്യന് എംബസിയില് വേണ്ട ഇടപെടലുകള് നടത്തി.…
Read Moreവിനോദയാത്രയ്ക്കിടെ ബസ് അപകടത്തിൽപ്പെട്ടു; വിദ്യാർഥികൾക്കും അധ്യാപകർക്കും ബസ് ജീവനക്കാരനും പരിക്ക്
ചെറായി: വിനോദയാത്രക്ക് പോകുകയായിരുന്ന ടൂറിസ്റ്റ് ബസുകളിൽ ഒന്ന് നിയന്ത്രണം വിട്ട് വൈദ്യുതി പോസ്റ്റുകളിലിടിച്ചുണ്ടായ അപകടത്തിൽ വിദ്യാർഥികൾക്കും അധ്യാപകർക്കും ബസ് ക്ലീനർക്കും പരിക്ക്. ഇന്നു രാവിലെ ആറോടെ വൈപ്പിൻ സംസ്ഥാന പാതയിൽ ചെറായി സഹോദരൻ സ്മാരക ഹൈസ്കൂളിനു വടക്ക് വശത്താണ് അപകടം ഉണ്ടായത്. ഞാറക്കൽ ഗവ: ഹയർ സെക്കൻഡറി സ്ക്കൂളിൽനിന്നും പുലർച്ചെ കൊടൈക്കനാലിലേക്ക് ടൂർ പോയ രണ്ട് ബസുകളിലൊന്നാണ് അപകടത്തിൽപ്പെട്ടത്. അഞ്ച് വിദ്യാർഥികൾക്കും, രണ്ട് അധ്യാപകർക്കും, ബസ് ക്ലീനർക്കുമാണ് പരിക്കേറ്റിട്ടുള്ളത്. ഇവരിൽ ബസ് ക്ലീനറെയും ഒരു അധ്യാപകനെയും കൊച്ചിയിലെ ഒരു സ്വകാര്യ ആശുപത്രിയിലും ബാക്കി വിദ്യാർത്ഥികളായ ആദർശ് ദേവ് – 17, ആരോമൽ അനിൽകുമാർ – 17, ലതാ ജോൺസൺ – 17, ആന്റോ സിബി – 17, അഞ്ജന പ്രമോദ് – 17 എന്നീ വിദ്യാർഥികളെയും അധ്യാപകനായ തോമസ് കെ. സ്റ്റീഫൻ -52 നേയും കുഴുപ്പിള്ളിയിലെ സ്വകാര്യ…
Read Moreപെണ്വാണിഭ സംഘങ്ങളെ ലക്ഷ്യമിട്ട് പോലീസിന്റെ മിന്നല് പരിശോധന; കൊച്ചിയില് രണ്ടാഴ്ചയ്ക്കിടെ അറസ്റ്റിലായത് 20 പേര്
കൊച്ചി: കൊച്ചി നഗരത്തില് കൂണ് പോലെ മുളച്ചുപൊന്തുന്ന പെണ്വാണിഭ സംഘങ്ങള്ക്കെതിരേ കര്ശന നടപടിയുമായി കൊച്ചി പോലീസ്. കഴിഞ്ഞ രണ്ടാഴ്ചയ്ക്കിടെ കൊച്ചി നഗരത്തിലും ആലുവയും നടത്തിയ പോലീസിന്റെ മിന്നല് പരിശോധനയില് 20 പേരാണ് അറസ്റ്റിലായത്. ലോഡ്ജുകളും ഹോട്ടലുകളും മസാജ് കേന്ദ്രങ്ങളും കേന്ദ്രീകരിച്ചുള്ള പരിശോധന തുടരുകയാണ്. മസാജ് കേന്ദ്രത്തിന്റെ മറവില് അനാശാസ്യം നടത്തിവരുന്നതായി കണ്ടെത്തിയ ആയുര്വേദ സ്ഥാപന ഉടമയെ ഇന്നലെ എറണാകുളം നോര്ത്ത് പോലീസ് ഇന്സ്പെക്ടര് സജീഷ്കുമാറിന്റെ നേതൃത്വത്തിലുള്ള പോലീസ് സംഘം അറസ്റ്റ് ചെയ്തിരുന്നു. വടുതല പിഎഫ് റോഡില് പ്രവര്ത്തിക്കുന്ന ആയുര്വേദ ചികിത്സ കേന്ദ്രത്തിന്റെ ഉടമ വടുതല സ്വദേശി അജിത്ത് രാജ് (36) ആണ് അറസ്റ്റിലായത്. സ്ഥാപനത്തില് ജോലി ചെയ്യുന്ന യുവതിയുടെ പരാതിയിലാണ് നോര്ത്ത് പോലീസ് കേസെടുത്ത് നടപടി സ്വീകരിച്ചത്.രണ്ട് മാസം മുന്പാണ് സ്ഥാപനം പ്രവര്ത്തനം ആരംഭിച്ചതെന്ന് പോലീസ് പറയുന്നു. മൂന്ന് നില കെട്ടിടത്തിലാണ് സ്ഥാപനം പ്രവര്ത്തിക്കുന്നത്. കോര്പറേഷന്റെ ലൈസന്സ്…
Read Moreബംഗളുരുവിലേക്ക് സര്വീസ് പോയ കെഎസ്ആര്ടിസി ബസ് ഡിവൈഡറിൽ ഇടിച്ചുകയറി; ഡ്രൈവർക്ക് ദാരുണാന്ത്യം
കോഴിക്കോട്: മലപ്പുറത്തുനിന്ന് ബംഗളുരുവിലേക്ക് സര്വീസ് പോയ കെഎസ്ആര്ടിസി ബസ് നഞ്ചന്കോടിന് സമീപം മധൂരില് അപകടത്തില്പെട്ട് ഡ്രൈവര് മരിച്ചു.മലപ്പുറം ഡിപ്പോയിലെ ഡ്രൈവര് തിരൂര് വൈലത്തൂര് സ്വദേശി പാക്കര ഹബീബ് ആണ് മരിച്ചത്. യാത്രക്കാര് എല്ലാവരും സുരക്ഷിതരാണ് എന്നാണ് ലഭിക്കുന്ന വിവരം. മലപ്പുറം ഡിപ്പോയില് നിന്ന് ഇന്നലെ വൈകിട്ട് ബംഗളൂരുവിലേക്ക് പുറപ്പെട്ട കെഎസ്ആര്ടിസിയുടെ സൂപ്പര് ഡീലക്സ് ബസാണ് ഇന്നു പുലര്ച്ചെ നാലോടെ മധൂരില് നിയന്ത്രണം വിട്ടു ഡിവൈഡറില് ഇടിച്ചു കയറി അപകടം സംഭവിച്ചത്. മുന്നില് പോവുകയായിരുന്ന കാര് പെട്ടെന്ന് ബ്രേക്ക് ഇട്ടതുമൂലം കൂട്ടിയിടി ഒഴിവാക്കാന് ബസ് വെട്ടിക്കവേ നിയന്ത്രണം നഷ്ടപെട്ടു ഡിവൈ ഡറിൽ ഇടിച്ചുകയറുകയായിരുന്നു. ഇടിയുടെ ആഘാതത്തില് ഡ്രൈവര് സീറ്റില് നിന്നു ബസിനുള്ളിലേക്ക് തന്നെ തെറിച്ചു വീണാണ് മരണം സംഭവിച്ചത്. വീഴ്ചയില് ബസിന്റെ മെയിന് ഗ്ലാസിലടിച്ചു തലയ്ക്കും വാരിയെല്ലിനും ഏറ്റ ഗുരുതരമായ പരിക്കാണ് മരണത്തിലേക്ക് നയിച്ചത്. മലപ്പുറത്തുനിന്ന് കെഎസ്ആര്ടിസിയുടെ ഉയര്ന്ന…
Read Moreതൃശൂർ പൂരം അലങ്കോലപ്പെട്ട സംഭവം; വിശ്വാസത്തെ വ്രണപ്പെടുത്തി; ലഹളയുണ്ടാക്കാൻ ഗൂഢാലോചന നടത്തിയെന്ന് എഫ്ഐആർ
തൃശൂർ: തൃശൂർ പൂരം അലങ്കോലപ്പെടുത്തിയെന്ന് പോലീസിന്റെ എഫ്ഐആറിൽ പരാമർശം. ഒരു വിഭാഗത്തിന്റെ വിശ്വാസത്തെ വ്രണപ്പെടുത്തി ലഹളയുണ്ടാക്കാൻ ഗൂഢാലോചന നടത്തിയെന്നാണ് പൂരം കലക്കലുമായി ബന്ധപ്പെട്ട് പോലീസ് രജിസ്റ്റർ ചെയ്ത എഫ്ഐആറിലെ പ്രധാന പരാമർശം. എന്നാൽ ആരെയും കേസിൽ പ്രതി ചേർത്തിട്ടില്ല. മലപ്പുറം സൈബർ പോലീസ് സ്റ്റേഷനിലെ ഇൻസ്പെക്ടർ ഐ.സി.ചിത്തിരഞ്ജനാണ് പരാതിക്കാരൻ. പൂരം അലങ്കോലമാക്കിയത് അന്വേഷിക്കുന്ന എഡിജിപി വെങ്കിടേഷിന്റെ നേതൃത്വത്തിലുള്ള അന്വേഷണ സംഘത്തിലെ ഉദ്യോഗസ്ഥനാണ് ചിത്തിരഞ്ജൻ. പരാതിയുടെ ഉറവിടം ഉന്നത ഉദ്യോഗസ്ഥരുടെ കത്തുകളാണെന്നും എഫ്ഐആറിലുണ്ട്. തൃശൂർ പൂരം അലങ്കോലപ്പെട്ടതിലെ വിവാദങ്ങൾക്കിടെയാണ് ഒടുവിൽ പോലീസ് കേസെടുത്തത്. ഈ മാസം മൂന്നിനാണ് പൂരം കലക്കലിൽ ത്രിതല അന്വേഷണം പ്രഖ്യാപിച്ചത്. ഒന്പത് ദിവസം കഴിഞ്ഞ് പ്രത്യേക സംഘം രൂപീകരിച്ചു. പക്ഷെ പ്രത്യേക സംഘത്തെ കേസെടുക്കാനോ അന്വേഷണവുമായി മുന്നോട്ട് പോകാനോ കഴിഞ്ഞില്ല. തിരുവന്പാടി ദേവസ്വത്തെ സംശയ നിഴലിലാക്കുന്ന റിപ്പോർട്ടാണ് എഡിജിപി എം.ആർ. അജിത് കുമാർ നൽകിയത്.…
Read Moreപട്ടിപരാമർശം; പാലക്കാട്ടുകാർ കൃഷ്ണദാസിന് മറുപടി കൊടുക്കുമെന്ന് രാഹുൽ മാങ്കൂട്ടത്തിൽ
പാലക്കാട്: മാധ്യമപ്രവർത്തകരോടുള്ള സിപിഎം നേതാവ് എൻ.എൻ.കൃഷ്ണദാസിന്റെ മോശം പരാമർശത്തിന് പാലക്കാട്ടെ ജനം മറുപടി പറയുമെന്ന് യുഡിഎഫ് സ്ഥാനാർഥി രാഹുൽ മാങ്കൂട്ടത്തിൽ പറഞ്ഞു. ചോദ്യം ചോദിച്ചവരോടുള്ള അസഹിഷ്ണുത നിറഞ്ഞ പെരുമാറ്റം ജനം വിലയിരുത്തും. എന്ത് ചോദ്യം വന്നാലും തങ്ങൾ ജനാധിപത്യപരമായേ മറുപടി പറഞ്ഞിട്ടുള്ളു എന്നും രാഹുൽ വ്യക്തമാക്കി. എൻ.എൻ.കൃഷ്ണദാസിന്റെ മോശം പരാമർശം അദ്ദേഹത്തിന്റെ ധാർഷ്ട്യത്തെയാണ് കാണിക്കുന്നതെന്ന് ഷാഫി പറമ്പിൽ എംപി പ്രതികരിച്ചു. പട്ടി പ്രയോഗം നടത്തിയ എൻ.എൻ.കൃഷ്ണദാസ് മാപ്പുപറയണമെന്നും അല്ലെങ്കിൽ മാധ്യമങ്ങൾ എൽഡിഎഫിന്റെ പരിപാടികൾ ബഹിഷ്കരിക്കണമെന്നും വി.കെ.ശ്രീകണ്ഠൻ എംപി പറഞ്ഞു. ഷൂക്കൂർ പാർട്ടിയിൽ തുടരുന്നത് സിപിഎമ്മിന്റെ ഭീഷണി മൂലമാണെന്നും അദ്ദേഹം പറഞ്ഞു.
Read More